الموضوع: محتار بي ن البريد سابا و سبيرانزا 113

بصراحة الاسبرانزا احسن هنا في المقارنة دي لان السيبا برايد دي تقفيلها مش قوي تعتبر 128 على نظييف شوية انما ممكن السيبا تكسب في الوسع وفي توافر ورخص قطع الغيار انما باين قوي عليها التقفيل الايراني السيء

المشاركة الأصلية كتبت بواسطة medo_2060

يا سعاده الباشا المساحه الداخليه للعربيه مبتتقسش بالابعاد الى انت كاتبها دى بتتقاس باللتر وهقولك مثال توضيحى النيسان تيدا وسعها الداخلى بالضبط قد الانفينيتى fx35 ودى ب 120 الف ودى ب 750 الف
وموضوع التسارع دا هو خلاص الفيصل ليك لما تشترى عربيه دا اهم حاجه بالنسبالك؟
عموما انا مجربتش تسارع العربيه بتاعتى وانا شايف ان سحبها كويس وانا مبشتركش فى سباقات عشان اهتم اوى كدا بالتسارع وعندك السوبارو امبريزا تسارعها مش حلو اوى وتقيل بالنسبه للفئه دى بس كعربيه احسن من مليون اسبرانزا وهيونداى مع بعض افهم من كدا انها لو اتعرضا عليك هتقول لا مش عايزها تسارعها مش كويس
وبالنسبه للتسارع بتاعك الليون من 0-100 فى 13 ثانيه يبقى كدا بقى ال i10 افضل
وبالنسبه لان عربيتك 1100 وبتجيب زمن كويس الموضوع ما بيتقاسش كدا
السيفيك sir 1600 وتطلع من عربيات لحد 2500
الهونداs2000 2000cc وتطلع من عربيات سوبر كارز ومواتير كبيره واسعار وهميه
وعموما انا صاحبى معاهi10 وبركبها معاه ومش شايف انها اوسع من a113 خالص بس الشنطه فىa113 اصغر واذا كنت انت شايف كدا فانا بحترم رايك الشخصى واختلاف الراى لايفسد للود قضيه

يا باشا الابعاد مش بالحجم ما ممكن اقولك حجم متساوى و تقعد فى واحده مزنوق!! العملية هى ابعاد

و الصورة بتوضح بالنسبة لل i10

اما التسارع فهو مهم مش للسبافات.. لكن جرب تركب عربية 1600 و انت هتتخنق من تسارع عربيتك و ده الحال معايا بركب 1600 و لما بركب ال i10 بحس انى مخنوق

و على فكره انا بطلع من هوندا سيفيك 92 بمكنة 1600 و حوالى 130 حصان لحد 80-90 بماتريكس 1600

يعنى لو عربية 1600 و تسارعها اقل من واحده تانيه ده مش معيار للحكم اوى

لكن كل ما سعة المحرك تقل او يبقى فى فروق زى 1100 ز 1300 و انزل بالتسارع ده هيأثر على سواقتى كلها و هتخنق و استهلاك البنزين.. رغم ان فى عوامل تانيه

يعنى انا استحاله اركب اتوماتيك 1100 زى ال i10 رغم ان فتيسها يابانى.. بس

و لا يوجد خلاف و لا حاجه احنا بنتناقش

المشاركة الأصلية كتبت بواسطة medo_2060

انا قصدى بس اقولك ان المساحه الداخليه ما بتعتدمش على الابعاد اوى يعنى الكورولا سقفها واطى بس قعدتها مريحه ورا
والسيفيك الى انا قصدى عليهاsir و176 حصان مش ال si الى انت بتقصدها وانت نفسك قولت لحد 90 بعد كدا هى تطلع
وانا معاك فى سعات الموتور وانا بلاحظه اصلا فى اللانوس 1500 كمان بحس ان تسارعها احسن من الاسبرانزا
وطبعا ربنا ما يجيب خلاف ابدا وربنا يباركلك فى عربيتك

ربنا يخليك و فى حفظ الله

شكرا ياجماعه جدا على الردود
بس انا فعلا فكرة في كل اللى انتوا قلتوا عليه
بالنسبه للبيكانتو غاااااليه على الفاضي و انا مش معايا فلوسها
بالنسبه i10 مش عارف حاسس من شكلها انها اضغر من البريد او 113 بس ممكن اشوفها و افكر بس بردوا هي غاليه على ماأظن ياريت لو حد يعرف سعرها يكتبه بس تكون فيها تكيف و باور دا اهم حاجة باقي الأوبشنز مش مشكله و طبعا هوندي اظمن من الصيني أو الإيراني

المشاركة الأصلية كتبت بواسطة emad258

شكرا ياجماعه جدا على الردود
بس انا فعلا فكرة في كل اللى انتوا قلتوا عليه
بالنسبه للبيكانتو غاااااليه على الفاضي و انا مش معايا فلوسها
بالنسبه i10 مش عارف حاسس من شكلها انها اضغر من البريد او 113 بس ممكن اشوفها و افكر بس بردوا هي غاليه على ماأظن ياريت لو حد يعرف سعرها يكتبه بس تكون فيها تكيف و باور دا اهم حاجة باقي الأوبشنز مش مشكله و طبعا هوندي اظمن من الصيني أو الإيراني

سعرها نزل ل 58000 او 58,500 و السعر بيختلف من معرض للتانى يعنى ممكن تلاقيها ب 59,000 على حسب المكان

فيها تكييف و باور كهربى قمة فى المتعة و راديو CD و كراسى سبور مع فرش جلد و امكانية تعديل ميل الدريكسيون و ثنى الكنبة الخلفية ككل

و اركبها و قرر هى زى الفيرنا او اوسع متخليش شكلها يخدعك

و على فكره فى عضو كان قايل انه لقى مكونات المانية فى العفشة و بصراحه العربية اتحملت معايا و اخدت بيها بلاعة على 70 و اترزعت فى الارض و غيرها و الحمد لله زى الفل و عامله اكتر من 8400 كم

و ده موضوع كنت كاتب فيه عن الستهلاك البنزين اللى هو اكبر ميزة فيها:
http://www.nilemotors.net/Nile/10331...post3872089707

ربنا يوفقك..