الحمد لله استلمت نيو اكسنت 2010

**Hassan Khalil** · 21-11-2009 12:34 AM

ما شاء الله لا قوة الا بالله
1000 مبروك .. ربنا يبارك لك فيها و تستعملها في الخير دائما
-----------
عوجة الدريكسيون مش بتاخد دقيقتين شغل عند بتاع الزوايا .. انصحك بمركز بريدجستون في عباس العقاد او عمارات العبور صلاح سالم ...او انتظر في الصيانة هما يعملوها
اذا كنت من سكان مصر الجديدة او مدينة نصر و ما حولهما ..أرشحلك تعمل صيانتك عند كارفان اللي في الرحاب ..مكان كويس .. و المهندس صاحب المركز ايدة مع الصنايعية باستمرار ... قليوب أو أبو رواش = يوم ضائع
استهلاك البنزين بتظبط حبة بحبة في ال 5000 الاولي .. لكن لا تتوقع معجزة لأن العربية اوتو .. و طول ما في اشارات ووقوف و حركة كل شوية .. لازم تتوقع استهلاك مرتفع نسبيا خصوصا لو بتشغل التكييف
لا تقم نهااااااااائيا بغسيل المحرك بالماء ... لما تروح الصيانات هما عندهم فوم بيغسلوا بيه المحرك .. لأن وحدة الكمبيوتر سهل وصول الماء اليها ( بجانب المحرك )
الاكسنت عربية ( ودانها طويلة حبتين ) يعني مراياتها كبيرة شوية لحجم العربية .. و رغم انهم الي حد ما غيروا من شكلها ( المرايات ) شوية في 2010 الا انها تظل كبيرة ... خد بالك من الشوارع الضيقة .. و دايما لما تركن اقفل المراية اللي ناحية الشارع
----
الف مبروك :)

**Mostafa_kamal** · 21-11-2009 12:48 AM

ياريت تقولنا رأيك في السيارة لانى ناوى أشترى و عايز أجيب الاتوماتيك يس مقلق ... وهل بينزل فيها airbags we ABS

**creative** · 21-11-2009 11:39 AM

وهل هى احسن ام الجين 2 لمن يقرر الشراء

**Brumby** · 03-12-2009 06:37 AM

السلام عليكم و رحمة الله
كل سنة و انتم طيبين يا شباب اعتذر عن عدم الرد لظروف السغل و العيـــد
Hassan Khalil : انا متشكر جدا على نصايحك الغالية دى
انا فعلا بفكر اروح الرحاب بس أول مرة ان شاء الله حروح ابو رواش عشان اختم الضمان
creative : العربية ما شاء الله حلوة بس نصيحة متقارنهاش بالجين 2

الميزة قطع غيار ارخص و معظم الناس بتفهم فيها و وكيل بتهيألى احسن من عز الجين عربية أشيك بس قطع غيارها غالية و لازم تتعامل مع التوكيل و اسمع انهم مش كويسين

.....

بالنسبة للعدادات هما لونهم أبيض و الكاسيت بينور أزرق ...

بارك الله لى و لكم جميعا