الموضوع: اقتراحات البروتـونـــاويــه لتحديد -مكان وزمان- المقابله -ان شاء الله-

بسم الله الرحمن الرحيم ..................................
الإجابة: الجمعة أو السبت 20 أو 21 و الأزهر بارك
وبالمناسبة دى أطلب الأغنية العاطفية القوية "يا مقابلة ما تمت ما تيالله بقى"

على انتظــــار باقــى اراء البروتونـــاويه

انا بصراحه اخترت الجمعه الجايه و ممكن السبت كمان بس لو السبت يبقي بدري شويه عشان نشوف المتش

ياريت تبقي الweek end الجاي عشان اللي بعده مسافر شغل

اما عن المكان ف الازهر هو اختياري الاول ثم بساطه

فى فكرة برده يا أيمن انت ليه زانق الناس ما بين الجمعة اللى جاية و اللى بعديها بس. الجمعة الجاية short notice عموما و واضح إن ما حدش كتير مقتنع بالميعاد باعتبار إن السبت مش محل سؤال أساسا و فكرت شوية إن موضوع العيد هيصعب الدنيا جدا ده غبر الزحمة الفظيعة بتاعة الأعياد ليه ما يبقاش الجمعة 27 أو السبت 28 نبقى إدينا مدة كويسة للناس تظبط أمورها من بدرى و فى نفس الوقت بعدنا عن ميعاد الماتش و العيد

انا عن نفسي أي يوم جمعه مناسب ليا ان شاء الله
والسبت مش هيبقى مناسب اوي (علشان الكليه )
والمكان :- بساطه (مكان جديد عليا ) ودا اختيار اول
والاختيار التاني الازهر بارك ( والمكان قريب مني )
يعني معنديش مشكله في كل الاحول
وان شاء الله اكون موجود في المقابله

يوم 20 و يا ريت أى مكان قريب من طريق إسماعلية

المشاركة الأصلية كتبت بواسطة jisso82

فى فكرة برده يا أيمن انت ليه زانق الناس ما بين الجمعة اللى جاية و اللى بعديها بس. الجمعة الجاية short notice عموما و واضح إن ما حدش كتير مقتنع بالميعاد باعتبار إن السبت مش محل سؤال أساسا و فكرت شوية إن موضوع العيد هيصعب الدنيا جدا ده غبر الزحمة الفظيعة بتاعة الأعياد ليه ما يبقاش الجمعة 27 أو السبت 28 نبقى إدينا مدة كويسة للناس تظبط أمورها من بدرى و فى نفس الوقت بعدنا عن ميعاد الماتش و العيد

لان الجمعه 27 والسبت 28 ... هيكونوا العيد يامعلم -ان شاء الله-

لو فعلا الناس مش مناسبها المواعيد يبقى نخليها بعد العيد ان شاء الله (على شهر ديسمبر كده)

----

عموما هو كده اغلب التصويت ليوم 20/11 الجمعه -ان شاء الله-

والاماكن : -ازهر بارك- او -بساطه-

.
.

انا نزلت -الازهر بارك- من يومين كده مع ا/احمد ابراهيم (تعبتك معايا ياباشا)

عشان نعمل جوله ميدانيه للمكان ولمعرفه بعض التفاصيل عن المكان

وسالنا على نظام المطاعم والكافيهات اللى فيه (يوم الجمعه او السبت) وكانت النتيجه ان مافيش اى مكان بيكون فيه حجز فى اليومين دول الا -تريانون-

.
.

تريانون : (مطعم وكافيه) فى اعلى نقطه فى -الازهر بارك-

المنيم اتشارج فيه : 45 جنيه

لو استقرينا عليه يبقى لازم احجز فيه قبل المقابله بـ 5 ايام ... وبدفع مقدم وبحدد العدد اللى جاى ان شاء الله

بعض الصور ليه







----

على انتظــــار باقــى اراء البروتونـــاويه

تحيــــــــــــاتــــى