الموضوع: اقتراحات البروتـونـــاويــه لتحديد -مكان وزمان- المقابله -ان شاء الله-

:-: السلام عليكــم ورحمة الله وبركاته :-:

- احلى صبــاح على اجمــد بروتونـــاويــه -

.
.

طبعا الفتره اللى فاتت ... كنت عمال بدور على انسب مكان لينـــا ... وكنت طبعا بقرا اقتراحاتكم كلها ... وبضبط الامور .


----------------------------------------
المهم : عاوز اخد راى حضراتكــم فى شويه حاجـات ....
----------------------------------------

اولا : حضراتكم عاوزين المقابله تكون فيها غداء ... ولا مشروبات فقط ؟؟؟

.
.

ثانيا : -ان شاء الله- بصفتنا فى الشتاء والدنيا بتظلم بدرى ... عاوزين نتجمع بدرى عشان نعرف نتصور فى النور شويا ...

وبالتالى عاوزين التجمع يكون عالعصر كده (ودا اكيد مش هينفع غير انه يكون -جمعه او سبت- ) ... ولا تحبوه يكون قضاء يوم كامل ويكون فى -بورتو السخنه- مثلا؟؟؟

.
.

-: ثالثــا : بالنسبه لاقتراحات المكان :-
--------------------------

1- الازهر بارك ...

2- Nile Peking ...

3- بســاطه ...

4- بورتو سخنه ...

------

-: مميزات وعيوب كل مكان :-
---------------------

1- الازهر بارك : اكتر مكان شايفه انه مناسب بناءا على اقتراحات حضراتكم ...



وللمزيــد


: مميزات :
-------

مكان واسع , بارك كويس , مناظر جميله , مكان مفتوح وهواه عليل , قريب منى (ودى اهم حاجه) , ممكن تقعد فى مكان مفتوح او مقفول (عشان المطره) , اسعاره حلوه .


: عيوب :
------

ممكن يكون زحمه فى الوييك اند , مافيهوش تنوع كبير فى الكافيهات اللى فيه (بس كل اللى جوا كويسين) .

---------------------

2- Nile Peking : مركبه عالنيل -تبع ا/رانيـــا-



: مميزات :
-------

تغيير جو عن قعدة الكافيهات , ا/رانيا ليها معرفه هناك وهتوصى علينا , النيل بقى يامعلم اللى عاوز يخدله غطس ولا يغسل حاجه -قدامه النيل بحاله- , ممكن تقعد فى مكان مفتوح او مقفول (عشان المطره) , اسعاره حلوه .

: عيوبه :
------

البارك بتاعه مش هيستوعب ان احنا نقعد نتحرك بالعربيات كتير زى مابنعمل (عشان التصوير) هو يدوب يقضينا وممكن لا كمان , لازم نكون فى معادنا بالضبط هناك قبل ماتقوم المركب (وفى الغالب انا كالعاده هتاخر وهتقضوا اليوم من غيرى) , لو حد اتزنق وعاوز يروح ولا حاجه مافيش قدامه غير (العوامه) .

---------------------

3- بساطه : تل كبيره بها قعده عربى قريبه من الاهرامات ... وبها خيول وجمال وتزحلق عالرمال .



: مميزات :
-------

منظـرررررر رائــــــــــــــــــــــ ــــــــــــــــــــع .... طبيعه وسما اكتر من رائعه , حاجه جديده عالاخر بالنسبه لكتير , بارك واسع جدا(الصحراء قدامك كلها يامعلم) , اسعاره حلوه .

: عيوبه :
-----

المطلع بتاعه اللى بيوصلك بيه صعب جدا(وانا عارف فى حد دلوقتى هيدخل يشردلى) , لو الدنيا مطرت علينا يامعلم مش قدامنا غير الخيمه اللى هنستخبى تحتها , اظن ان مافيش اكل هناك (كله مشروبات) , بعيد عنى اوى (لازم حد يجيلى تحت البيت ياخدنى عشان اعرف اروح فى ميعادى) .

---------------------

4- بورتو السخنه : مش محتاجه تعريف



: مميزات :
------

مكان رائع وتجديد , بارك كويس , فيه اماكن مفتوحه واماكن مقفوله (عشان المطر) , اسعاره حلوه .

: عيوب :
-----

بعيد عن ناس كتيره , هو افضل لو قضينا فيه يوم كامل بس طبعا احنا عقبال مانتجمع ونروح مش هيكون قبل العصر وبعده كمان .

-----

طبعا انا كان نفسى نعمله برا القاهره (بس بناءا على رغبه التوكيل) تم تاجيل هذه الفكره للمره القادمه ان شاء الله ... وذلك لظروف عملهم واهميه وجودهم معانا .

-----

: المواعيد ان شاء الله :
------------------

- الجمعــه : 13/11/2009


- السبـت : 14/11/2009 (يوم الماتش)


- الجمعــه : 20/11/2009


- السبـت : 21/11/2009



الجمعه اللى بعدها هتكون العيد -كل سنه وحضراتكم طيبين-

-----

ياريت كل اللى هايجيى يدخل ياكد حضوره هنا معانا ... ويقول عالمكــان والزمــان المناسبين ليه ...

-----

- انا كده قولت كل اللى عندى -

- وعلى انتظــــار اقتراحاتكم وارائكم -

تحيــــــــــــــــاتــــ ى

يا جماعة أنا حصلى الشرف إنهاردة وشوفت أيمن باشا صدفة

(أفشته راكن عربيته و بيتكلم فى الموبايل فى الحى التامن م.نصر )

بجد والله مبسوط قوى إننى شوفتك يا أيموووووووووووون

بالنسبة للمقابلة:

الجمعــه : 20/11/2009

أى مكان مش هتفرق. المهم نتقابل ونتعرف على البروتوناوية