الموضوع: مساعدة فى شراء تليفزيون lcd

شوية نصايح عالسريع.

دقة الHigh Definition اللي بتشوفها في المحلات فيها تفاصيل حوالي 7 مرات اللي بنشوفها في الدش أو اسطوانات الدي في دي. حاول تشوف على الشاشة فيديو بجودة الدي في دي و احكم هل الجودة دي مقبولة بالنسبة لك واللا لأ بدل ما تشتريها و تتفاجئ لما توصلها في البيت.

اتأكد انك مش شايف أثر أبيض لما الحاجات تتحرك بسرعة عالشاشة.

حاول تبص على الشاشة من الجناب و من فوق و تحت لو أمكن عشان تعرف زوايا الرؤية.

الDynamic Contrast Ratio ملهوش لازمة زي ما قال CryptonX لأنه بيقعد يغمق و يفتح الشاشة عشان يوصل للأرقام المعلن عنها, فانت هتزهق منه و هتقفل خاصية الDynamic Contrast.

كون الresponse time قليل زي لما يكون 2ms أو 5ms مفروض يكون ميزة لأن ده معناه ان سرعة استجابة الشاشة عالية. انما عمليا ده عيب لأن مفيش نوع شاشة سريع كده الا واحد بس اسمه TN و هو أرخص و أردأ أنواع الشاشات من حيث جودة الصورة و زوايا الرؤية.

لو الشاشة 120Hz أو 240Hz اعمل حسابك انك مش هتعرف تلعب عليها لأن هيبقى في وقت طويل بين لما تدوس على زرار على الGamepad و انك تلاقي استجابة ليه من الشاشة. و نفس الكلام لو الresponse time رقم كبير

في شاشات كمبيوتر تدعم full hd 1080p و سعرها أرخص بكتير من التليفزيونات. عندك Samsung 2494HS حجمها 24 بوصة و ب1160 جنيه (أنا بكلمك من عليها). ريسولوشن 1920x1080 (يعني 2 ميجا أو 1080p) و فيها سماعات و منفذ HDMI و DVI و VGA و صورتها كويسة و بلعب عليها و بتفرج على أفلام و زي الفل.
و فيه برضه Samsung T260HD بحوالي 1950 جنيه. تشبه ال ال2494HS بزيادة انها 26 بوصة و فيها HD TV Tuner و مخارج التليفزيون العادية يعني تعتبر تليفزيون.

كمنت برضه عايز أعدل المشاركة و أقول ان الTN كحد ذاته مش وحش و هو أنسب الشاشات للألعاب لأنه الresponse time بتاعه سريع و ان 99.9% من الشاشات الLCD اللي في مصر شغالة بيه. الفكرة ان في أنواع أحسن منه و بتتعرف بان الresponse time بتاعها بيبقى عالي شوية صغيرين. فأنا قصدي بس ان قلة الresponse time ما يعتبرش ميزة.

المشاركة الأصلية كتبت بواسطة CryptonX

العفو .

فكرة النسبة او ال ASPECT RATIO




اجهزة التلفزيون العادية شغالة ب 4:3 الحمراء و الارسال و 90% من قنوات الدش شغالة بال 4:3

بينما ال LCD بتشتغل علي 16:9 الزرقاء فابتالي بتقون عاملة تكبيير ( تعرييض في الواقع ) للصورة الي جاية من الارسال علشان " تكفي " الشاشة كلها ..

فبتالي حتشوف الصورة اعرض بكتير منها في الحقيقة , ففي بعض الشاشات ميزة اسمها WIDE ZOOM و هي بتحاول تكبر الصورة و تقطع جزء منها علشان تعرضها كانها 16:9 حقيقية بدون ماتبوظ النسبة ( و لكن بتبقى حتة متاكلة منها ) .

لو الشاشة عملت اللي حضرتك بتقوله يبقى ده عيب مش ميزة.
ال16:9 مفروض لو اتعرض عليها 4:3 بتعمل black bars من اليمين و الشمال بحيث تحافظ على التفاصيل و ما تتشوهش أبعاد الصورة. ميزة ال16:9 انك لما بتتفرج على فيلم على التليفزيون العادي ال4:3 بيبقى فيه شريط أسود من فوق و من تحت. مع ال16:9 الأفلام دي بتبقى مالية الشاشة زي السينما كده.

المشاركة الأصلية كتبت بواسطة N.Y.S.M.A

طيب ياباشا ممكت تصورلى مخرج الـ component من الريسيفر عندك وترفعه هنا أحسن أنا أول مرة أسمع عن المخرج ومعرفش شكله ... أكون شاكر ليك