عندى سؤال مهم وارجو الرد علية
انا عملت صيانة الالف فى فرع شرم الشيخ وعلى فكرة ناس محترمين جدا كان عندى رعشة فى الدبرياج واتعملت
بس بدات احس بيها تانى فى السرعات العالية هل ده طبيعى ولا فى حاجة وايه هى
افيدونى افادكم الله وشكرا
عرض للطباعة
عندى سؤال مهم وارجو الرد علية
انا عملت صيانة الالف فى فرع شرم الشيخ وعلى فكرة ناس محترمين جدا كان عندى رعشة فى الدبرياج واتعملت
بس بدات احس بيها تانى فى السرعات العالية هل ده طبيعى ولا فى حاجة وايه هى
افيدونى افادكم الله وشكرا
انا حامد العزيزي وان شاء الله على وشك استلام نيو اكسنت اسبورت فيراني مانيوال بس كنت عايز استفسر عن كذا حاجه
اولا هل فيها رنان سرعة بعد ال120؟؟؟
ثانيا تنصحوني بايه وانا بستلم؟؟؟
ثالثا صيانه الالف بتتكلف في حدود كام والزيت اللى بيتحط بعد كده افضل ال5000 ولا ال10000 وايه افضل نوع زيت؟؟؟
رابعا خلال الالف الين ولا مش محتاجه تليين ولا اشغل المكيف واعيش؟؟؟
وآسف للإطالة
السلام عليكم,
متشكر يا استاذ El Nahal الموضوع يعني اتظبط شوية بعد صيانة الالف بس برده لسه صوت الفرامل و خاصة علي الفردتين اللي قدام لسه شوية واضح و خاصة في الفرملة القصيرة السريعة.بس النتشة غالبا انا بدات اتعود عليها شوية علشان انا كنت باسوق مانيوال قبلها.بس لما قولتلهم يظبطوا التارة في الصيانة حاسبوني عليها مش عارف ليه مع انه المفروض عيب تصنيع بس قالولي انه علشان مستوردة بالكامل فبيعتبروها مظبوطة و اي حاجة مني. بس العربية بعد الزيت نعمت شوية و بقت الحمد لله احسن. و ربنا يسترها لان الناس بتعمل حاجات غريبة في السواقة و خاصة علي الدائري . ربنا يسترها علي الجميع.
يا باشا مبروك الف بركة و ربنا يديلك خيرها و يكفيك شرها كنت سالت نفس سؤالك ده و في حد ربنا يكرمه رد عليا الرد اللي جاي ده:
اذن ياجماعه لازم فحص وتجربه كل حاجه قبل استلام السياره
عن نفسى عند استلام نيو اكسنت 2010 قمت بلاتى
1بصيت على قراءه عداد السياره وده هام جدا -
2كنت مهتم بان تكون السياره عليها الورق الابيض الملصق على السياره -
من الخارج
3لفيت حول العربيه وتاكدت من صاج السياره بانه بدون خدوش وبالذات -
الفوانيس اماميه وخلفيه
4من الداخل جميع الاوراق واللزق الشفاف يكون ملصق على السياره من -
الداخل مثل الابواب من الداخل وذرا النور وذراع المساحات
طبعا مفيش فى السياره سى دى ) مش cd ( 5- تجربه الكاسيت والراديو وال
عيب لو خدته ماك وانت رايح
6- تجربه وصله مشغل اغانى الموبايل عن طريق التاكد من وجودها اساسا
مع السياره
7- طفايه السجاير الداخليه وهى علبه سوداء اسطوانيه متنقله والاريل الخاص
بالراديو
8تجربه التكييف بشكل سريع -
9- تاكد من وجود كتيب الضمان والكتالوج
10- تاكد من وجود الاستبن والكوريك وشداد العربيه لاسمح لله فى حاله
عمل قاطره للعربيه بسياره نقل مثلا
11- تاكد من المفتاحين للسياره واطلب كود المفتاح لانه مهم جدا جدا فى
حاله فقد المفتاح
12- جميع الكراسى بالسياره تكون مغلفه بالاكياس البلاستيك
13- افتح كبوت السياره وتكد من وجود الزيوت بها كزيت الفرامل والموتور
وماء الرادياتير
14- مفيش مانع زى انا ماعملت تاخد نمر تجاريه لحين وصول الورق
المبايعه والافراج ( لو مش موجود وهيوصل بعد يومين مثلا ) وهو عاده
مايحدث وحدث معى.
15- اقرا الفاتحه وتوكل على لله وسوق على مهلك وياسلام لو كان استلام
السياره فى وقت بعيد عن وقت خروج العاملين من العمل.
والف مبروك
و علي مهلك لانها مغرية جدا في جريها. بالنسبة لموضوع التكييف انا شخصيا شغلته بعد ال 500 كم بس الفكرة اني كنت سافرت بيها علي الطريق و لما سالت في الوكيل قالولي الغرض من الالف هو التاكيد ان العربية مشيت مسافة طويلة بصورة مستمرة علشان كدا سافر بيها مرتين و لا حاجة و بعدين شغل التكييف بس حاول ما تشدش بيها لان في حد من اصحابي قالي ان الزيت الموجود فيها بيبقي من نوعية تعبانة بس بغرض التجربة و اول ما توصل الالف روح جري علي الصيانة و غير الزيت ولو ناوي تكمل الصيانة بصورة دورية عندهم ابقي حط زيت 5000 لانه حيتغير في الصيانة اللي بعدها.و التكلفة تقريبا 125 جنيه بتغيير الزيت و الفلتر و كل حاجة.مرة تانية الف مبروك و ربنا يديلك خيرها و يكفيك شرها.
شكرا جزيلا على رد حضرتك واللى اهم حاجه فيه هو سرعة الرد وربنا يوفقك الجميع
العفو يا استاذ معتز
انصحك بتوكيل قليوب عن توكيل ابو رواش
انا فى صيانة 1000عملتها فى ابو رواش معجبتيش فى ربط العفشة ولا فى عدلة الدركسيون عشان انا كنت زيك وكان فى عندى كمان موضوع الفتيس انا مانيوال لما بجيب مرشيدر بحس بحكة كدة فى المرشيدير
اعدت اسبوع كويس ورجع تانى الكلام ده كله
روحت عملت صيانة الالف تانى فى قليوب ومدفعتش اى فلوس تانى بس قولتلهم طبعا ميغيروش زيت عشان انا كنت غيرته فى ابو رواش وبصراحة من ساعتها لغاية دلوقت العربية كعفشة ودركسيون وفتيس محصلش اى مشكلة الحمد لله وانا مش عارف دفعوك لية فلوس فى موضوع الدركسيون ده لان ده المفروض مجانى وعيب صناعة مش استهلاك منك
وانا انصح اى حد يحب يغير زيت شيل Plus افضل من شيل الاصفر بكتير فى سحب العربية وادائها وصوت الماتور
انا كنت حاطط شيل ال5000 فى صيانة ال1000 وحطيط شيل Plus فى صيانة 5000 ولاحظت فرق كبير بصراحة
اسف على الاطالة
السلام عليكم ورحمة الله وبركاته
بالنسبة لاول سؤال العربية مفهاش رنان ولا بعد 120 ولا فى فتح الباب
ثانى سؤال الاستاذ معتز جاوب عليه بالكامل
ثالث سؤال افضل زيت اسمه شيل ultra plus بس ده مش هتلقيه فى التوكيل هتلاقى شيل ال5000 الى هو علبته صفرا وزيت تانى اسمه شيل plus وده فى التوكيل بيقولوا ان عليه ان ده زيت 10000 وهو زيت 7000 وعلى فكرة مكتوب على الجركل انا على نفسى بحطه وبغيره كل 5000 كيلو (ultra plus هو ده زيت ال 10000 بس هتلقيه فى بنزينة ....l )
رابعا انا انصحك بتلين العربية فى اول 1000 كيلوا ومش تشغل التكييف ومتمشيش اكتر من 90 وتريح العربية فى الغيار يعنى لو جايب 90 مثلا امشى بيه على خامس بمعنى اصح متحرقش غيار بيديك اداء افضل للعربية فى المستقبل
على فكرة الكلام ده كله مش جايبه من عندى
الكلام ده عن تجارب وناس داخل الوكيل موثوق فى كلامهم
الله يبارك لك فيها يعطيك خيرها ويبعد عنك شرها
يا استاذنا جزاك الله خير علي ردك الممتاز و السريعز انا عملت الصيانة في اوتو تك في العبور لانها اقربلي من قليوب بس الصراحة مش راضي عنها اوي لاني حسيت لما اشتكيت من صوت الفرامل و هما ظبطوها انها خفت شوية عن الاول. فالظاهر حاخد براي حضرتك و اروح قليوب اعيد تاني الصيانة.
و جزاك الله خيرا
و ان
2010
اوتوماتيك
ممنوع كتابة اللغة العربية بالأحرف الانجليزية
يرجى مراجعة قوانين المنتدى
16/6/2010
4:12 pm
مشرف 12 ب