رابطة لملاك النيو اكسنت

**ah_altaweel84** · 21-09-2010 01:27 PM

الف شكر على الافاده يا جماعه وبجد رابطه عظيمه بارك الله فيكم
عندى سؤال اخير
ايه الفرق بين انى اشتريها من معرض او من الوكيل ؟؟؟
مع العلم طبعا ان الوكيل اغلى شويه
تنصحونى بايه يا اهل الخبره

**foash304** · 25-09-2010 05:32 AM

المشاركة الأصلية كتبت بواسطة zezmograby

مفيش اي فرق غير انهم شايلين الاكصدام اللي قدام بالشنب ومغيرنها في مصانع غبور
واالكساحات وشكل الحتة اللي ورا في الشكمان
ولا ليهم اي لزمة وادفع ياعم 5 الاف زيادة
وياريت تستاهل الاكصدام الكلبس بتاعة بيفك وضعيف جدااااااااااااا غير الاصلي بتاع بلدها
دا انت لو دوست جامد علي الشنب بصباعك الصغير هيكسر
واختلاف بسيط في الفوانيس
دا علي حد علمي

مع احترامى ليك لكن الكلام دة غير صحيح بالمرة
انا لما قررت انى اجيب نيو اكسينت كنت محتار جدا ما بين الكلاسيك و ال sport
لكن لاقيت ان ال sport تحفة فى الشكل الخارجى و خدت رأى ناس كتيير جدا جدا و كلهم اجمعوا ان شكلها تحفة و اللى يشوفها عمرة ما يفتكر انها نيو اكسينت و هى نازلة كدة من بلادها من غير تغيير فى اى حاجة
و الأكصدام اصلى بتاع بلادها
زيادة عن الكلاسيك فى الأتى:
- مرايات كهرباء (دة لوحدها مهمة جدا جدا جدا و انا محتش بأهميتها الا لما استخدمتها و خاصة لو حد خبط المرايا و عاوز تظبطها اثناء القيادة)
- اشارات كهربا فى المرايات (مهمة جدا جدا)
- فوج لايت رياضى (مهمة جدا جدا جدا)
- عتب رياضى
- شكمان رياضى (نيكل)
- اكصداك خلفى رياضى (كساحات)
- عواكس ليلية أسفل الأكصدام الخلفى
- شيكة تهوية أمامية جديدة تلائم الشكل الرياضى الجديد للسيارة (مهمة)
- الأسم الأصلى : فيرنا – أكسنت Facelift

**foash304** · 25-09-2010 06:08 AM

**foash304** · 25-09-2010 06:30 AM

و على فكرة الفرق 3500 جنية فقط لا غير و فى التوكيل الفرق 4000 جنية و انا شايف ان ال sport بالسعر دة احسن بكتيييييييير و لذلك انا جبتها

**Amro_ON** · 25-09-2010 10:21 AM

المثل بيقول لو ما اختلفت الازواق لبارت السلع ... كل واحد بيشوف الي بيهمه اكتر في العربيه و كل الناس صح ... انا مثلا فضلت الشكل العادي مدام هي هي نفس الامكانيات و مهتمتش بالشكل الاسبورت خالص قولت بفرق الفلوس اخلص التراخيص و التامين و الازمنه

ده ميمنعش الن الشكل الاسبورت اضفاته جميليه للناس الي بتحب الحاجت دي

**el_nahal2004** · 26-09-2010 03:01 PM

السلام عليكم
انا معايا النيو اكسنت الكلاسيك
وبصراحة لو كانت الكلاسيك نفس سعر السبو رت كنت اختارت الكلاسيك برده
انا مش عاجبنى شكل السبورت خالص
الكلاسيك شكلها واقور ومحترم اكتر الفارق الوحيد الى بحتاجه الشبورة وركبته عندى الحمد الله حتى شبورة الكلاسيك شكلها احلا
وتختلف الاراء