رابطة لملاك النيو اكسنت

**momopersona** · 13-03-2010 06:30 PM

انا بحط زيت شل الترا وبنزيني من شل او وطنيه

على العموم الموضوع مالوش علاقه بالقرص خالص لانى متأكد ان القرص ينعم الموتور ويخلى صوته يهدو ويوصى مش يعلى
وابئا قولهم فى الصيانه ممكن تطلع مشكله فى حاجه تبع الشكمان قدام
وياترى كانو كلهم صوتهم اهدى من صوت عربيتك ولا هو ا.عزت بس ؟؟

**dr_walid** · 13-03-2010 09:02 PM

تقرير رائع
شكرا:10D5C8~1107:
فعلا كانت مقابلة رائعة
و الواحد اطمن على عربيتة
وشكرا جدا لبسام لانة فضل معايا لحد ماواطينا الدبرياج
وفعلا فى فرق و جايز السحب مش اوي فى الاول علشان انا مابجريش بالعربية
و هى عاملة لسة 2000
و ان شاء اللة نتقابل مرة اخرى
و السلام عليكم

**ezzatfox** · 14-03-2010 12:33 AM

شكرا يا بسام على التقرير الجميل دة و اتمنى ان المقابلة تتكرر تانى لان بجد الواحد اتعرف على ناس محترمة جدا فى المقابلة دى .

اول عربية بسام جربها كانت عربيتى و فى الاول حسيت ان سواقتة عادية و مش عنيفة زى ما كنت متصور ، فقلتلة سوق براحتك - لو عايز تقرص عليها براحتك خالص .. و قد كان .. و كانى اديتة اشارة البدء .. و دى كانت اول مرة اشوف rpm 6 فى عربيتى .. كفاية انة جاب بالعربية 140 قدام سور الميريلاند .. و فى هذة الاثناء ابو مارو كان قاعد ورا بيتشاهد و بيقولة اهدى يا بسام .. و لما جرب عربية دكتور وليد انا كنت قاعد ورا مخدتش بالى جاب كام بس اللى خدت بالى منة ان د/وليد كان ماسك فى مقبض السقف .
و اخيرا هقتبس جملة قالها اسامة - ابو دم خفيف - يا بسام انت لو جبت فيرارى هتيجى تقول عندى مشاكل فى السحب .

نتيجة كمان طلعنا بيها فى المقابلة ان التعديلات اللى بتتعمل فى العربية زى الفلتر الاسبور و البوجيهات NGK Iridium ( فى عربية بسام ) ملهاش تأثير خالص .. بالعكس انا عربيتى كانت استوك و متأخر على صيانتها كمان و كانت اهدى صوت و نفس التسارع و ان لم يكن احسن بفارق طفيف . مش عارف اية تفسير الكلام دة - بس دة اللى اثبتتة التجربة .

انشاءالله تتكرر تانى .. و اهلا بيك يا مومو لو حبيت تشرفنا و تيجى معانا .. بس بالبيرسونا مش الفيرنا عشان نجرب و نشوف الفرق بين الاتنين .

**assem_omar** · 14-03-2010 03:52 AM

يا جماعه انا منضم ليكو
انا معايا اكسنت سبورت 2010 اوتو فضي
واسمي عاصم ولو فيه مقابلات تانيه انا معاكو انشاء الله
ومعرفة الناس كنوز

**BassamHafez** · 14-03-2010 10:53 AM

المشاركة الأصلية كتبت بواسطة ezzatfox

شكرا يا بسام على التقرير الجميل دة و اتمنى ان المقابلة تتكرر تانى لان بجد الواحد اتعرف على ناس محترمة جدا فى المقابلة دى .

اول عربية بسام جربها كانت عربيتى و فى الاول حسيت ان سواقتة عادية و مش عنيفة زى ما كنت متصور ، فقلتلة سوق براحتك - لو عايز تقرص عليها براحتك خالص .. و قد كان .. و كانى اديتة اشارة البدء

.. و دى كانت اول مرة اشوف rpm 6 فى عربيتى .. كفاية انة جاب بالعربية 140 قدام سور الميريلاند .. و فى هذة الاثناء ابو مارو كان قاعد ورا بيتشاهد و بيقولة اهدى يا بسام

.. و لما جرب عربية دكتور وليد انا كنت قاعد ورا مخدتش بالى جاب كام بس اللى خدت بالى منة ان د/وليد كان ماسك فى مقبض السقف :b4_592: .
و اخيرا هقتبس جملة قالها اسامة - ابو دم خفيف - يا بسام انت لو جبت فيرارى هتيجى تقول عندى مشاكل فى السحب .

نتيجة كمان طلعنا بيها فى المقابلة ان التعديلات اللى بتتعمل فى العربية زى الفلتر الاسبور و البوجيهات ngk iridium ( فى عربية بسام ) ملهاش تأثير خالص .. بالعكس انا عربيتى كانت استوك و متأخر على صيانتها كمان و كانت اهدى صوت و نفس التسارع و ان لم يكن احسن بفارق طفيف . مش عارف اية تفسير الكلام دة - بس دة اللى اثبتتة التجربة .

انشاءالله تتكرر تانى .. و اهلا بيك يا مومو لو حبيت تشرفنا و تيجى معانا .. بس بالبيرسونا مش الفيرنا عشان نجرب و نشوف الفرق بين الاتنين .

يا الريس انت جاي تهدي النفوس ولا ايه هاهاها

انا اساسا مش دي طبيعه سواقتي والله بس من وقت للتاني كده بحب ادلع العداد واشوف ارقام جديده

بس بصراحة بعد ما عرفت مشكله ابو مارو ناوي اقلل الموضوع ده عشان مش طالبه اجيب اسطوانه وفي الاخر مش هعرف اجيب 2 ار بي ام

وبجد والله كانت فرصة سعيده جدا جدا وان شاء الله ما تكونش الاخيرة

وان شاء الله الطلعة الجايه تكون مع ناس اسكندريه

**megooo00** · 14-03-2010 03:35 PM

يا شباب انا اسمي احمد مجدي عند نيو اكسنت 2010 عاملة 1100 كيلو بسو عندي نفش مشكلة الفتيس ممكن اشترك معاكو في الجروب

**megooo00** · 14-03-2010 03:36 PM

انا بجد معجب اوي بتعاونكم مع بعض بجد حاجة تفرح

**BassamHafez** · 14-03-2010 05:13 PM

المشاركة الأصلية كتبت بواسطة megooo00

يا شباب انا اسمي احمد مجدي عند نيو اكسنت 2010 عاملة 1100 كيلو بسو عندي نفش مشكلة الفتيس ممكن اشترك معاكو في الجروب

طبعا تشترك بدون استئذان

وعلى فكرة موضوع العضة ده عادي في النيو اكسنت بعد البحث والتدوير

وكانت النتيجه ان ده طبيعي عشان الزيت بيكون لسه ما سخنش كفايه بعد تسخين العربيه الطبيعي وهذا لا يؤثر على اليه الفتيس في شئ وبيختفي بعد السير لمسافة طويله شويه

وعلى فكرة الكلام ده مكتوب برضو في مانيوال العربيه

-

الموضوع: رابطة لملاك النيو اكسنت

LinkBack

أدوات الموضوع

عرض

العرض المتطور

- انشر الموضوع فى :

-

المواضيع المتشابهه

استفسار لملاك النيو اكسنت

سؤال بسيط لملاك النيو اكسنت

سؤال ..لملاك النيو اكسنت

سؤال لملاك النيو اكسنت؟؟

سوال لملاك النيو اكسنت

الكلمات الدلالية لهذا الموضوع

المفضلات

المفضلات

ضوابط المشاركة