الموضوع: بناء علي طلب الجماهير " العفشه "

المشاركة الأصلية كتبت بواسطة goofy_in_love

بسم الله
في الاول احب اعرف نفسي دا لو مش يدايق حد يعني
انا اسمي محمد الليثي 26 سنه شغال في احدي شركات السياحه الامريكيه المشهوره
معايا عربيه فيكترا 99 1600 مانيوال
طبعا ناس كتيره هنا قرت المشاكل بتاعت الرشاش اللي كانت بتواجهني و اني اشتريت واحد و الحمد لله العربيه لحد دلوقتب زي الفل

نيجي بقي للعفشه و دي كانت مسببالي صداع فظيع دبدبه عومان و الدركسيون بيخبط " و لسه بيخبط لحد دلوقتي " و حاجات كتيره كدا و كان لازم وقفه مع الموضوع دا خصوصا بقي ان الاعراض دي زادت جدا لما كنت ماشي علي كوبي و في ملف و و انا محضن جنب الرصيف لقيت مره واحده طوبه من الرصيف طالعه لبره و مقدرتش افاديها و خبطها و لقيت العربيه كلها بتتحده شمال و مشيت عادي بس الاعراض زادت بقي و بقت الاصوات فظيعه و من هنا قررت اني لازم اكشف علي العفشه و اشوفلها حل و قد كان و كلمت اخويا " محمد الطناني " و دلني علي انسان محترم بتاع عفشه اسمه الحج يحي في شارع المدبح " امام القريه الفرعونيه " و روحنا سوا

ارفع ياعم العربيه و فك العفشه و وجدنا الاتي :
البارتين يمين و شمال مدمرين و عايزين يتغيروا
جلب بايظه و لازم تتغير
بوش في العلبه عايز يتاخد
المساعدين و السوست حالتهم كويسه و مش محتاجين حاجه الحمد لله
دا بالنسبه اللعربيه من قدام
نيجي بقي لورا
ال 6 جلب اللي في المقص مدمرين و دول السبب الرئيسي في عومان العربيه من ورا " دا طبعا بسبب اللعب بالعربيه "
و من هنا جت فكره اني اشتري المقصين كاملين استيراد بعد ما اكتشفت ان الجلب دي ب 700 جنيه الجلب بالضبط 580 جنيه و ان المقصين استيراد بيعملوا 350 او 400 جنيه
و قد كان و اشتريت كل حاجه و بدا الشغل و انضف 100 مره عشان شحط الجلبة لو فيه غلطه او الصنايعى ايده هربت الجلبة باظت و الزبون بيلبس فى الحيطه
حاجه قدام كلفتني تقريبا 300 جنيه انا للاسف مش فاكر الاسعار بالظبط بس اكيد طناني فاكر و هيكتبها كلها بارتين دركسيون المانى توبران ب 190 جنيه و جلب مقصات 90 و جلبتين ميزان 120 جنيه على ما اتذكر و مجبناش حاجة تانى غير من عند بتاع قطع غيار جنب الحاج يحى جبنا كاوتش سوسته مزيكا لعلبة الدركسيون اللى طالعين متفرتكين عملوا 20 جنيه و 4 كاوتش طعمية اتحكمت بيهم المصفحه عشان متشخللش
و غيرنا نور العربية و شغلنا نور الشنطه بنظام شرائح ليدات و العربية الحمد لله نورت و شوية افايز بلاستيك
و بالنسبه للمقصين اللي ورا جبتهم ب 350 من عند محمد سوسو في الوكاله " انسان محترم بجد يعني " و كمان خدت من عنده مساعدين الكبوت لحسن كانوا بيظين عندي ب 100 جنيه و غيرتهم انا و طناني بنفسنا لأن تغييرهم اسهل مما يمكن تخيله و كمان زرار التكييف اللي مرسوم عليه العربيه خدته ببلاش فوق البيعه و صلحناه عشان طلع مش بتاع العربية و صلحنا القديم و حطيناه فى الزرار الجديد
الناس بصراحه شغلهم ممتاز و العربيه فرقت كتير جداااا و انا حسيت بالفرق دا جامد لما ركبت العربيه بقي و خد مطبات يا معلم زي مانت عايز :10D5C8~1107: بس من غير افترا انت مصرفتش قليل
و بعد ما خلصنا قدام كان في صوت تخبيط طلع ان الشكمان مش محكوم قوي روحنا عند واحد بتاع شكمانات فك الشكمان و ظبط الجلب لتاعته و ركبلها افيزات و الموضوع اتحكم و مبقاش في اي صوت تخبيط و الحمد لله و خد العلبة نضفها و غسلها فى البنزينه و غير مسامير العلبة اللى مساكها مكانها
طبعا هيجي حد يسالني طيب ليه الدركسيون بيخبط لحد دلوقتي
هرد و اقوله علشان القطمه بتاعته فيها شويه بوش و عايزه تتغير البوش فى الصليبة و تغييرها مقرف جدا عشان لازم كهربائى و صنايعى بيفهم قوى عشان يفكها و يعيد تركيبها من غير القطمه ما تتلوح او يحصلها حاجة بس لما بص عليها عيد " العفشجي " قالي فيها جلبه بس هيا اللي عايزه تتغير ابقي عدي عليا و نعملها في اي يوم و ان شاء الله هعملها في اقرب وقت بس لما افضي
و دي كان حكايتي مع العفشه و لو في اي حاجه انا نسيتها طناني ممكن يعدل علي الكلام بتاعي و شكراااااااا

كل اللى اعتقد انك نسيته حطيته باللون الأزرق لو فيه تعديل ياريت توضحه

المشاركة الأصلية كتبت بواسطة ibhassan

مبروووووووووووووك يا باشا أنا برضوا عندى تخبيط فى علبة الدركسيون مع طقه فى الملفات وبصراحه خايف أفك يطلع الموضوع كبير

طقه فى الملفات دى سببها البارات و البيض و ده اللى ممكن يخلى العلبه تخبط و ممكن العلبة ميكونش فيها حاجة و تبقى محتاجة يتاخد البوش بتاعها و يتحكم كويس و تبقى بسيطه ان شاء الله

المشاركة الأصلية كتبت بواسطة tamertamer

مبروك ياباشا مرة تنية لونى عارف بس قلت لازم ابارك انا قلت تلقيك عملت حوار الدركسيون دة وكويس انك عملت مسعدين الكبوت لحسن الخشبة اشتكت

معلش يا عم تامر بس تخيل الخشبة دى فقدت و احنا بنركب و كانت صعبانه عليا عشان شالت كتير قوى

المشاركة الأصلية كتبت بواسطة tamertamer

لا يا حبيبى انا قلى راسى اشتكت لما وقع علية الكبوت بتاعك فاكر اةةةةةةةةة يا دماغى تتصور لسة بتوجعنى

الف سلامه عليك انا بقى اشتغلت فى الكابوت و المساعدين راكبة