سيريون1300-يارس1300-لانسر1300-اكسنت 1600

**adel1414** · 06-11-2009 09:33 AM

المشاركة الأصلية كتبت بواسطة ezzatfox

انا مش هاتكلم عن السيريون لانى مجربتهاش و معرفش عنها حاجة
بالنسبة للعفشة بتعجبنى عفشة اللانسر بتجمع بين الراحة و النعومة و مستوى جيد للثبات على الاقل لغاية 140 كم يليها الاكسنت و عفشتها انشف بفرق ملحوظ و ثباتها ايضا جيد حتى 140 كم و فى الاخر الياريس و ثباتها بيقل بعد ال120 كم .
بالنسبة للموتور و العزم و عدد الاحصنة طبعا الموضوع محسوم لصالح نيو اكسنت موتور 1600 تكنولوجيا cvvt و عدد الاحصنة 112 يليها فى القوة و التسارع الياريس خصوصا انها اخف وزنا و دة بيديها ميزة جامدة فى التسارع مقابل ثبات اقل ، ثم اللانسر .
بالنسبة لللانسر 1300 التكييف بيقتل العربية دى .
الاعتمادية : اللانسر افضلهم و باقى العربيات تقريبا اعتمادية واحدة و مش هقدر احكم على النقطة دى كويس لانها محتاجة حد جرب العربية لفترات طويلة .
المساحة الداخلية : لانسر ثم سيريون - و الياريس و الاكسنت تقريبا زى بعض مع فروق بسيطة لصالح الياريس .
قطع الغيار : لانسر - اكسنت - ياريس - سيريون
الوكيل : ياريس - لانسر - سيريون - اكسنت .
و لا يجب ان تغفل عامل مهم جدا و هو السعر
بمعنى لو طلعنا من المقارنة دى بافضلية لعربية معينة يبقى لازم نشوف الفروق اللى خلتها تتفوق عن منافسيها تساوى فرق السعر و لا لآ .

**M.Mosaad** · 06-11-2009 12:01 PM

المشاركة الأصلية كتبت بواسطة momopersona

خلاص يا جماعة طالما المقارنة محسومة للسيريون يبئا ايه لازمتها بئا
على كل حال انا رأيى حتى الان هو الياريس وشكرا

يا استاذي الفاضل مفيش مقارنه محسومه و لا حاجة لان اي عربيات في نفس الفئة السعريه لازم يحصل اختلاف اراء بينهم بس كل واحد بيحاول يوضح مميزات و عيوب علي ضوء تجربته مش مشاهدته للعربيه
و الاخوة اللي دخلوا يردوا لو حضرتك خدت بالك معاهم سيريون فبيحاولوا يقولوا راي علي اساس تجربه
انا ركبت اللانسر و الياريس ركبتها مرة واحدة و ركبت الاكسنت و معايا السيريون فلقيت حضرتك و انااسف بتقول راي فيها علي سبيل مشاهدتك ليها مش تجربه ( اعذرني )
العفشة السيريون عفشتها ناشفه شوية يعني معموله للشغل الشاق هتبقي حسب الاحتياج في ناس بتحب كدة و ناس لأ
الموتور لقيت حضرتك حاطط اللنسر اخر واحدة و الاكسنت اول واحدة و واضح ان دة بناء علي السي سي الاعلي س في عوامل كتير بتحكم غير السي سي
المساحة الداخليه دي اللي جننيتني و اللي اكدلي انك مركبتش العرببيه لان المساحه الداخليه للسيريون لا تقارن بيهم لانها اوسع بكتير ( ماعدا الشنطة طبعا و د احتياجات )

ياريت بقي حضرتك تكلمنا علي البيرسونا لان مركبتهاش خالص و ناس كتير بتشكر فيها فياريت بعد اذن صاحب الموضوع تدخلها في المقارنه
و شكرا

**momopersona** · 06-11-2009 04:22 PM

مبدئيا انا ماركبتش السيريون فعلا لكن ماتئوليش ان هى اوسع من اللنسر البومة لا يمكن انت اكيد ماركبتش بومه
تانى حاجة برده مش ممكن تكون العفشة احسن من عفشة اللانسر الرياضية والياريس انا بحب عفشتها عشان مريحة جدا وفى نفس الوقت الثبات كويس لحد 140
والموتور مافيش خلاف على موتور الاكسنت ال 112 حصان وانا رأيى ان العربية دى اساسا مافيهاش غير موتور
اللانسر موتورها انا متعقد منه ومقتنع انه معمول غلط rpm عالى لحد 6.5 وفى الاخر الموتور قفش من واحد صحبى وهو بيشد فى ال fbi وملتزم بال red zone وطبعا لو كان الموتور ال 1600 كان هايبئا رقم واحد بالنسبة ليا

نخش يئا فى البرسونا انا رأيى ان هى احسن من كل دول و عشان كده فضلتها عليهم و جبتها
موتور قوى جدا وعفشة ناشفة شوية بس ثبات لحد 180 بتاخد غرزك من اليمين للشمال عادى جدا وصاج قوى عن العربيات اليابانى والكورى وكماليات اكتر وسعر اقل وكل اللى جابوها بيشكرو فيها وانا اساسا بئالى 4 سنين باركب جين 2 مع واحد صاحبى وعارف مشاكلها ايه وميزاتها ايه
فقولت اللى اعرفه احسن من اللى ماعرفوش خصوصا ان الخيارات اقل فخامة وامكانيات واداء

**fouady** · 06-11-2009 04:31 PM

فين البونتو أنا رايه هي أحسن من السريون وال لانسر وال ياريس اللي بتنرفزنتي جدا

**monmonmon** · 06-11-2009 04:39 PM

المشاركة الأصلية كتبت بواسطة momopersona

مبدئيا انا ماركبتش السيريون فعلا لكن ماتئوليش ان هى اوسع من اللنسر البومة لا يمكن انت اكيد ماركبتش بومه
تانى حاجة برده مش ممكن تكون العفشة احسن من عفشة اللانسر الرياضية والياريس انا بحب عفشتها عشان مريحة جدا وفى نفس الوقت الثبات كويس لحد 140
والموتور مافيش خلاف على موتور الاكسنت ال 112 حصان وانا رأيى ان العربية دى اساسا مافيهاش غير موتور
اللانسر موتورها انا متعقد منه ومقتنع انه معمول غلط rpm عالى لحد 6.5 وفى الاخر الموتور قفش من واحد صحبى وهو بيشد فى ال fbi وملتزم بال red zone وطبعا لو كان الموتور ال 1600 كان هايبئا رقم واحد بالنسبة ليا

نخش يئا فى البرسونا انا رأيى ان هى احسن من كل دول و عشان كده فضلتها عليهم و جبتها
موتور قوى جدا وعفشة ناشفة شوية بس ثبات لحد 180 بتاخد غرزك من اليمين للشمال عادى جدا وصاج قوى عن العربيات اليابانى والكورى وكماليات اكتر وسعر اقل وكل اللى جابوها بيشكرو فيها وانا اساسا بئالى 4 سنين باركب جين 2 مع واحد صاحبى وعارف مشاكلها ايه وميزاتها ايه
فقولت اللى اعرفه احسن من اللى ماعرفوش خصوصا ان الخيارات اقل فخامة وامكانيات واداء

مش فاهم يعنى ايه rpm عالى لحد 6.5؟؟
تقصد انه كان قارص على المكنة لحد 6500 ماشى..

بس يعنى ايه قفش و ازاى قفش؟؟؟

علما بان سحب ال i10 افضل من اللانسر ال 1300 لانها اتقل عربية فيهم كلهم.. و ده كلام واحد معاه الاتنين.. يعنى اللانسر هنا اقلهم من حيث المكنة

**momopersona** · 07-11-2009 01:47 AM

طب ماهو انا حاطت اللانسر ااخر حاجة فى الموتور
وقصدى بال rpm العالى ان الred zone عند 6500 وصاحبى مشى عليه وفضل يقرص لحد 6500 الموتور قفش وباظ وغيره مع العلم ان كان معاه ناس بعربيات 1600 كانو بيقرصه زيه تقريبا وعادى ماحصلش حاجة ماهم غير سخزنة مثلا وخلاص مش الموتور يبوظ وهو تحت الred zone اذا الموتور ده مبالغين فى الred zone فيه المفروض يبئا عند 5500 مثلا

**momopersona** · 07-11-2009 01:49 AM

طب ماهو انا حاطت اللانسر ااخر حاجة فى الموتور
وقصدى بال rpm العالى ان الred zone عند 6500 وصاحبى مشى عليه وفضل يقرص لحد 6500 الموتور قفش وباظ وغيره مع العلم ان كان معاه ناس بعربيات 1600 كانو بيقرصه زيه تقريبا وعادى ماحصلش حاجة ماهم غير سخزنة مثلا وخلاص مش الموتور يبوظ وهو تحت الred zone اذا الموتور ده مبالغين فى الred zone فيه المفروض يبئا عند 5500 مثلا او الموتور يفصل نفسه قبل كده لوحده مش يفضل معاه لrpm عالى وفى الاخر يبوظ

**M.Mosaad** · 07-11-2009 02:12 PM

المشاركة الأصلية كتبت بواسطة momopersona

مبدئيا انا ماركبتش السيريون فعلا لكن ماتئوليش ان هى اوسع من اللنسر البومة لا يمكن انت اكيد ماركبتش بومه

اشكرك علي الاهتمام و الرد
بس نصيحه اخوية و انت معدي علي اي معرض فيه سيريون ال 1300 مش السيريون وان ادخله و افتح العربيه و اقعد فيها ورا و قدام و رجع الكرسي للاخر و بعدين انت هتعرف هي اوسع من جوة و لا اللانسر بومه
و مستني رايك في المساحه الداخليه

**حماده المصري** · 07-11-2009 02:36 PM

انا مجربتش سيريون

انما الباقي مجربه

لو مانيوال لانسرتبقى احسنهم جري معقول ثبات حلو عفشه كويسه

لو اوتو تبعد طبعا لانسر

لو بتحب الهاتش تبقى سيريون

سيدان تبقى وقتي نيو اكسنت بدون منازع

والنيو اكسنت ثباتها كويس والموديلات الجديده كويسه
وعموما هي افضل ثبات من اليارس واقل من لانسر بسنه بسيطه
ومتهيالي برضو هتبقى مقاربه للسيريون

**momopersona** · 07-11-2009 02:50 PM

يا جماعة والله انتو بتتخمو بشكل الياريس وعلوها انما هى ثباتها كويس جدا وده بفضل عفشة التويوتا اللى ماتتقارنش غير بالعفشات الالمانى نعومة وثبات وطول عمر فى نفس العفشة
وطبعا عفشة هيونداى اقل بكتير اوى

الموضوع: سيريون1300-يارس1300-لانسر1300-اكسنت 1600

LinkBack

أدوات الموضوع

عرض

-

-

-

-

-

المواضيع المتشابهه

نيو اكسنت اوتوماتيك ولا سيريون1300 اتوماتيك؟

نيو اكسنت 1600 منيوال جديدة ولا لانسر1300 منيوال 2007 مستعمل

لانسر1300 ولا ياريس1300 ولا سيتي1300 ولا سيريون1300

ياجماعة يارت حد يفدنى انا محتار بين التيوتا يارس1300 سى سى والكيا سيراتو1600سى سى

ياجماعة يارت حد يفدنى انا محتار بين التيوتا يارس1300 سى سى والكيا سيراتو1600سى سى

الكلمات الدلالية لهذا الموضوع

المفضلات

المفضلات

ضوابط المشاركة