عاز اعرف رأيكم فى أشترى سيارة ياريس فول ابوشن اتوماتيك ولا نيسان ex saloon

**tarek7elmy** · 27-10-2009 05:59 PM

عاز اعرف رأيكم فى أشترى سيارة ياريس فول ابوشن اتوماتيك ولا نيسان ex saloon
حيث ان اتحرك فى ميزانية 100 الف فقط

**tamagogo** · 27-10-2009 08:27 PM

انا حطيب الاتنين جنب بعض وسقت ديه ونزلت منها سقت ديه
الياريس احلى بكتير في كل حاجه ماعدا حاجه واحده بس

متنانة الاكصدامات الاماميه والخلفيه واستحمالها في الخبطات الخفيفه والمتوسطه. وحل المشكله ديه التامين.

لكن الامان في الياريس احسن من الصني. العربيه بتتدمر لكن اللى جواها بيبقى سليم.

**asemx1** · 27-10-2009 09:17 PM

بصرحه النيسان عربيه محترمه جدا بس احب اقول وعن تجربه الياريس معايا اهى :) مش بحبها علشان بتاعتى بس بجد انا عشقتها لانها جميله فى المطبات والاستحمال والعمر الافتراضى لقطع الغيار
كفايه الكاوتش الى جاى معاها بردجستون بوتنزا دا اساسا مش بينزل مصر علشان غالى كبده :) ومحترم جدا وملهوش صوت اتكل على الله وهات عربيه تعمر معاك واحسبها صح فى البنزين

**monmonmon** · 28-10-2009 12:36 AM

لو مكانك يبقى ياريس و مش هفكر فى الصنى بصراحه خالص انا عندى الالنترا افضل منها.. حرام شكلها قدم و كمان الشكل الجديد اسواء شكل اتعمل دى شبه عربية هندى من شركة تاتا و حرام يبهدلوها بالشكل ده.. لكن الياريس شكل جديد و ابداع تويوتا

حتى لو ثبات الياريس اضعف من النيسان مفيش مشكلة.. لانها هتتفوق فى كل حاجه على النيسان من الناحية التقنية.. ما عدا السعر و يمكن اسعار قطع الغيار و دى ترجعلك

انا مجربتش الياريس بنفسى علشان اقدر احكم لكن ركبت الصنى السوبر صالون 2008 و معجبتنيش