اصطبحنا واصطبح الملك لله
يعني انا جاية من البيت وعندي برد شديد مضيق خلقي ومنكد عليا ومخلي روحي في مناخيري اقوم الاقي الموضوع ده في وشي
حرام عليكوا والله
مش عارفة ليه الرجالة المصريين محسيسيني انهم ملايكة تمشي علي الأرض فاضلهم جناحين بس ويطيروا في السما
وبعدين انتوا محسيسني انكم تقدروا على الإستيراد وانتوا اللي لسة بتفكروا مثلا
ولا مثلا البنات المصريات ماشيين يتسمحوا فيكوا زي القطط عشان تتجوزوهم وانتوا اللي بتقولوا لأ احنا عايزين اجانب :POINTI~2[2]:
والله اللي يقدر علي الاستيراد يتفضل يروح يشيل مع الف سلامة والقلب داعيله
بس ابقو قابلوني لو عرفتوا تسلكوا معاهم اصلا
اللبنانية عايزة ميزاينة خاصة لوحدها عشان الميكب واللبس وعمليات التجميل بس
ده غير التحرر بتاعهم وانك طول مانت ماشي بيها هاتسمع كلام ليه العجب وسلملي على النخوة المصرية بقي وقتها
وحاول تقولها تتحجب ولا تلتزم في لبسها شوية وابقي شوف الرد هايكون عامل ازاي
الامريكية بقي يوم ماتقفش معاها تندهلك السفير وقتي يخلص علي كل اللي في جيبك وجيب اي حد يتشددلك ومش بعيد يحسبك وستهمك بغنك عربي ارهابي ولا تعرف تاخد معاها حق ولا باطل لإن قانون بلدها بيجميها وريني قانون بلدك انت هايعملك ايه وفي الاخر تاخد بعضها وتروح على بلدها تتجوز واحد يكون متفتح وسبور مش متخلف وراجعي (على حد قولهم) زي المصري .
السورية بقي الصراحة معرفش عنها حاجة لكن هما شكلهم حلو اوي الله اعلم بقي بدواخلهم هل هاتكون حلوة زيهم ولا زي العربيات الصيني شكل جميل من بره وغرقانة اوبشنز لكن من جوه يعلم الله زي مابيقولوا وبعدين مافيهومش روح بحسهم باردين يعني تنفع تكون مانيكان تتحط في فاترينة لكن تيجي تتكلم معاها ماتبلعش لهجتها حتى وياسلام بقي لو حبت تهزر ولا تقول نكتة .
عموما احنا كمصريات مش قلقانين من رأي الرجالة اللي بره فينا لإن مفيش راجل من اي جنسية تانية تسأله عن المصرية الا لما يقول فيها اشعار والمصرية مشهورة بخفة الدم وروحها الحلوة بس احنا من قلة عقلنا وهبلنا مبناخدش غير المصري اللي يطلع عينينا وفي الآخر كمان مش عاجبه وبيبص بره
على رأي الفيلم :POINTI~2[2]:
بتبص بره يامعلم طب كنت بص جوه الاول
معلومة على جنب بس
مفيش ست بتكون متنكدة بدون سبب يعني لو ست نكدية فاعرفوا كويس ان الراجل منكد عليها اضعاف الاضعاف وهي عمالة تستحمل لحد مافاض بيها ونكدت عليه هو كمان ماهي لو كتمت في قلبها اكتر من كده تموت والاحساس نعمة برده
مفيش حد بيقول يارب اتعسني
اسعد زوجتك تسعدك
نكد عليها متتوقعش منها غير النكد وده مع اي ست في العالم مصرية لبنانية سورية امريكية برازيلية تشيكوسلوفاكية حتى غصب عنها صعب تسعدك وانت منكد عليها هاتجيبه منين يعني ، فاقد الشئ لا يعطيه ياجماعة .
الحب والجواز مشاركة يعني تاخد وتدي مش طرف واحد يفضل يدي على طول والتاني ياخد على طول وكمان مش عاجبه
وعموما ياجماعة انا برده بشجع الاستيراد وياريت الرجالة المصريين كلهم يتجوزوا اجنبيات على الاقل محدش يلومنا ويبقي عندنا الحق احنا كمان اننا نلاقي حد يقدرنا ويعرف قيمتنا غير المصري طالما المصري مش عاجبه بنت بلده
المفضلات