حد يعرف سرينة الشرطة بكام ؟

**a7mode** · 04-11-2009 09:17 PM

طيب ممكن أركب الجهاز ده مثلا تحت الكرسي بتاعي بدال ما يتحط علي الطابلوة عشان لو في لجنة و لا حاجة و هل ممكن أعملة زرار مثلا يحول بين السرينة و الكلاكس العادي
فاهم قصدى يعني الكلاكس يبقي شغال عادي و زرار يحول الكلاكس ده للسرينة يارب تكون فهمت قصدى و هل ممكن مثلا أعمل زرار في الطابلوة لتشغيل السرينة مثلا
و أنت جبتها منين من أسكندرية بدال ما أنزل مصر مخصوص

جهاز التحكم فى السرينه ركبو مطرح منت عايز مش شرط يكون عالطبلوه طبعآ انا بس كنت بوضحلك سهوله استخدام السرينه

الكلاكس ملهوش دعوه بالسرينه ومش معنى انك مركب سرينه يعنى انت معندكش كلاكس طبعآ الاتنين بيشتغلو عادى مبيأثروش على بعض نهائيآ ..

انا عن نفسى البوق بتاع السرينه مركبو تحت الاكصدام الامامى .. وجهاز التحكم وتغيير الاصوات وجهاز تانى صغير كدا بتاع الكهربه راكبين تحت الكرسى عندى .

انا جايبها من عزبه سعد فى سموحه . اسأل عليها عند خميسكو اول محل على يمينك فى عزبه سعد .

**bishoy02010** · 04-11-2009 09:47 PM

المشاركة الأصلية كتبت بواسطة LORD.ADeL

شوف يا صحبي لسه الاسبوع اللى فات نزلت مع صديق لي توفقيه
وجبنه وحدة لعربيته سبرانزة ((:
شوف هتنزل توفقية وتخش الشارع اللى قدام سنترال رمسيس اوك
هتفضل ماشي واول شارع يمين ع ايدك شمال كدة هتلاق واحد فارش بكلاكسات وسراين ع كل شكل ولون
هتلاقي من 250 لحد مانتا عايز بس هتفرق معاك ع حسب الوات بتاع جهاز سرينه مش البؤء
سمعنا 250 وات معقول وسمعنا 350 لحد ما روحنا واحنا مصدعين هيا كانت 270 ختها منه ب240 ((: من الاخر يعنى
بس بالاخر اقدر اقولك انت ونصيبك لان كتير الملف كهربي اللى بيكون تحت البؤء دة بيتحرق وبتغيرة
فنصيحه اذا ليك خلق تغير كل شويا او انت نصيبك وحظك حلو وعمرت معاك مكنش كدة اشتري الاصلي من 500 وانتا طالع
بس خلاص ((:

من اول 260 و انتا طالع بس السرينه الغبيه اوي اللي توجع الدماغ و ترج الشارع هتعملها 300 او 360 و ممكن تجيب المايك منفصل عشان الاتنين مع بعض بيعملوا حوالي 460 تقريباً مش متأكد بس الأسعار التانيه انا متأكد منها و الكلام ده في التوفيقيه عند نفس الراجل اللي قال عليه عادل

الف شكر

**MOK3336** · 04-11-2009 10:02 PM

انا عن نفسى البوق بتاع السرينه مركبو تحت الاكصدام الامامى .. وجهاز التحكم وتغيير الاصوات وجهاز تانى صغير كدا بتاع الكهربه راكبين تحت الكرسى عندى .
انا جايبها من عزبه سعد فى سموحه . اسأل عليها عند خميسكو اول محل على يمينك فى عزبه سعد .

يعني انت مركب البوء تحت الاكصدام مش في الكبوت ؟
و لما بتحب تدي سرينة بتمد إيدك تحت الكرسي ولا عامل زرار في الطبلوة مثلا ولا إية
و إيلي انت جايبها دي صناعه إية و بكام و جوده صوتها إية ( يعني صوتها كأنها ونش بجد و لا باين انها مش أصلية و لا إية الظروف عشان لو كده إن شاء الله تيجي معايا نشتروها بإذن الله

**M.Osman** · 05-11-2009 12:18 AM

السرينة تلوث سمعي و مخالفة للقانون

يا ريت تقول لصاحب حضرتك كدا...

كفاية تلوث بقى و كفاية بتوع الموتسيكلات الصيني

**yahiahelaly** · 05-11-2009 12:23 AM

خلاص بقيتوا كلكوا ظباط بجد من غير زعل الموضوع زاد عن حده ومزعج ومقرف لابعد الحدود كنت قبل مااجيب عربية بفكر اركبها لكن لقيتها هيافه
انا اسف لاسلوبي الحاد بس بجد الموضوع بوخ

**M.Osman** · 05-11-2009 12:58 AM

المشاركة الأصلية كتبت بواسطة yahiahelaly

خلاص بقيتوا كلكوا ظباط بجد من غير زعل الموضوع زاد عن حده ومزعج ومقرف لابعد الحدود كنت قبل مااجيب عربية بفكر اركبها لكن لقيتها هيافه
انا اسف لاسلوبي الحاد بس بجد الموضوع بوخ

هو حتى الظابط لية يحط سارينة اصلاً في عربيته الشخصية؟؟؟

(بصراحة و بدون زعل الحوار دا على رأي واحد معانا في المنتدى ... بقى حوار سيس اوي)

**MOK3336** · 05-11-2009 01:34 AM

والله يا جماعة كلام جميل جدا و وجهة نظر برده
بس كان ممكن عرض وجهة النظر دي بطريقة تانية
مش معقول مثلا أقدم لواحد قطعة حلوى و عليها ذباب أو أقدمهاله و أنا مكشر في وشة
متهيقلي هتختلف
و في الاول و الاخر الموضوع مش عشان رأيكم أو مش إستطلاع رأى الموضوع معمول عشان إيلي عنده معلومة عن سعرها أو مواصفاتها يقول
لكن بقي عاوز تقول رأيك إيلي إنا بحترمة و لكن لا أحترم الطريقة في عرض الرأى يبقي بأسلوب تاني غير كده ده أصلا لو كان مطلوب !

**a7mode** · 05-11-2009 03:31 AM

يعني انت مركب البوء تحت الاكصدام مش في الكبوت ؟

ايوه عشان لما تروح تفحص وتجدد الرخصه متحتاجش تفكها وتركبها مالاول عشان دى دووووووخه

و لما بتحب تدي سرينة بتمد إيدك تحت الكرسي ولا عامل زرار في الطبلوة مثلا ولا إية

الزرار حر وطليق فى العربيه كلها لو حد اعد معاك ورا ممكن ياخد الزرار ويضرب سرينه مفيش مشكله ههههههه

و إيلي انت جايبها دي صناعه إية و بكام و جوده صوتها إية ( يعني صوتها كأنها ونش بجد و لا باين انها مش أصلية و لا إية الظروف

صناعه ايه معرفش بس اكيد صينى حتكون ايه يعنى غير كدا ههههههه بكام بـ 300 جنيه و 50 جنيه تركيب عند الكهربائى -- جوده الصوت زى الفل تسووووووووووور الودان مفهاش كلام -- دا ممكن تكون بتاعت الونش هيا اللى مضروبه جمبها ههههههههه

عشان لو كده إن شاء الله تيجي معايا نشتروها بإذن الله

تحت امرك اى وقت راسلنى عالخاص ..

**MOK3336** · 05-11-2009 03:51 AM

شكرا يا a7mode علي الإهتمام ربنا يخليك يا رب

**am79** · 05-11-2009 05:18 AM

المشاركة الأصلية كتبت بواسطة mok3336

طيب ممكن أركب الجهاز ده مثلا تحت الكرسي بتاعي بدال ما يتحط علي الطابلوة عشان لو في لجنة و لا حاجة و هل ممكن أعملة زرار مثلا يحول بين السرينة و الكلاكس العادي
فاهم قصدى يعني الكلاكس يبقي شغال عادي و زرار يحول الكلاكس ده للسرينة يارب تكون فهمت قصدى و هل ممكن مثلا أعمل زرار في الطابلوة لتشغيل السرينة مثلا
و أنت جبتها منين من أسكندرية بدال ما أنزل مصر مخصوص

بص ياباشا انا مركب واحده الجهاز والزرارا تحت الكرسي
الزرار ده بيحول كلاكس وسرينه ونجده وكله بضربه من الدريكسيون

يعني اجيبه يمين واضرب من الدريكسيون يطلع كلاكس العربيه
اجيبه في النص واضرب من الدريكسيون يطلع سرينه
اجيبه في الشمال واضرب من الدريكسيون يطلع نجده
يعني انت توجه الزرار والباقي من الدريكسيون

وده إل انا فهمته من كلامك وانا عامله عندي في العربيه