شباب ازيكم اتمنى الجميع يكون كويس وبخير,عندى استفسار,انا العربيه عامله معايا دلوقتى 7500 كم فى 3 شهور وطبعا بتابع استهلاك البنزين والعربيه بتعمل 375 كم فى التفويله سواقه جوا البلد معظمها بالتكييف فكنت عايز اعرف كدا المعدل ده كويس ولا فى رأى تانى؟
عرض للطباعة
شباب ازيكم اتمنى الجميع يكون كويس وبخير,عندى استفسار,انا العربيه عامله معايا دلوقتى 7500 كم فى 3 شهور وطبعا بتابع استهلاك البنزين والعربيه بتعمل 375 كم فى التفويله سواقه جوا البلد معظمها بالتكييف فكنت عايز اعرف كدا المعدل ده كويس ولا فى رأى تانى؟
عربيتك 1300 ولا 1500 ؟ مانيوال - اتوماتيك ؟
1300 اوتو يا محمود
النفروض تعمل 500 كم اكيد في حاجه مش مظبوطه
انا شاكك في طريقة الحساب.
حضرتك بتحسبها إزاي؟
على فكرة دي طريقة غير دقيقة خالص
كان فيه طريقة
إنك تملا التانك على الآخر لغاية الزور
وتصفر عداد التريب
وبعدين لما التانك يقرب يفضى تملاه تاني لغاية الزور
مش لازم تسيبه لغاية ما يفضى خالص
وتعرف حطيت لترات أد ايه.
وبعدين تقسم عدد الكيلومترات اللي اتعمل في عداد التريب على عدد اللترات اللي انت مليتها
الناتج بيكون الكيللومترات اللي عملها اللتر الواحد.
هي كلها متوسطات استهلاك بس أظن إن دي أكتر طريقة دقيقة.
بص يا جورج انت حاسس انها بتاكل بنزين ولا موفره معاك
يعني حاسس انك بتمشي كتيير بالتفويله (سيبك من حساب كام كيلو)
ده المهم انا اول ما جبت العربيه قعدت اشتغل نفسي بالحوارات دي وكل شويه احسب وكل مره تتطلع غير اللي قبلها فبقيت بكبر دماغي
متنساش يا جورج إنك لما بتزود بنزين بيكون لسة فاضل شرطة تمشيك عالأقل 50 كيلو أو 60 كيلو .. و لو بتزود و إنت لسة شرطتين يعني لسة قدامك عالأقل 100 كيلو .
و الإستهلاك جوة البلد في الزحمة مع التكييف بيفرق كتير جداَ عن لو ماشي علي طريق مفتوح .. متقلقش إنت في السليم .
و بيفرق كمان أسلوب السواقة لو بتحرق كتير عشان تطلع من الناس .. انا عملت كل الأرقام مع السيريون! أقل رقم كان 320 في تفويلة و أعلي رقم كان 700 و شوية.
بس الأحسن تزود بنزين و المقياس فاضل فيه شرطتين و ده مكتوب في الكتالوج.
تمام كده محمود جاب المفييد
ابو حمزة جاب المفيد
سيبك من شكل الشرط, ده مش دقيق
انت فول العربية للاخر خالص لحد الزور ... و بعد كده خلص التفويلة دى, و لما تيجى تحط بنزين تانى قول للعامل يقولك المسدس وقف اول مرة امتى (عند كام لتر) و اعرف الرقم ده ... و صفر عداد trip A or B و امشى بيه, و اما تملى تانى, اسأله برضه المسدس اول مرة وقف امتى.
الرقم التانى ده, مع عدد الكيلومترات اللى مشيتها هيديك رقم هو الاقرب للصح
بالنسبة لأخر شرطة فى التنك, فدى بتبدا تنور لما يكون فاضل 6.6 لتر
طبعا بعد رد د/معاز وابو حمزة بارك الله فيهما مش هيكون عندى حاجة اضيفها(اذا وجد الماء)
ولكن اقدر اقولك انى كنت متابع الموضوع ده فى اول ماجبت العربية وكنت بحسبها زي ما وضحو الاخوة الافاضل بس هى فعلا بتختلف لاعتبارات كتيرة(اسلوب السواقة-الزحمة-التكييف)
وطالما مش هتقدر تثبت حاجة من الحاجات الثلاثة دى فرايي الشخصى روق(الجى) وكبر (الدى):b4_592:
شكرا لكم يا جماعه على الردود والتوضيح جميعا,بصراحه الواحد حاسس انه عنده عزوه ومطمن انه لو حصل اى حاجه فى العربيه هلاقى وحوش ورايا :)
تقبلوا تحياتى جميعا
سؤال عبيط جدا
بس يمكن حد عارف ايجابته
حد عارف اول شرطه فى عداد البنزين بتفصل بعد كام كيلو - و التانيه و التالته وهاكذا
ههههههههههه حبيبي جورج باشا
صباح الفل
اكيد انت عارف احساس واحد لسه شاري عربيه - عامل زي الدوده عاوز اعرف كل حاجه
بس الصوت السخيف ده منغص عليا حياتي !!!!
و كمان لاقيت الفردتين اللى قدام واحده ضغطها 15 و التانيه 20
ظبطهم و افتكرت هالاقى الصوت راح
ولا الهوااااا
صدقنى يا بشمهندس انا كمان خبرتى ومعرفتى بالسيارات عموما قليله لكن الناس هنا هما اللى عرفونى حجات كتير ربنا يبارك للجميع
على فكره انا كمان لما استلمت جديد كان الكاوتش برضو ضغطه مش متظبط ورحت ظبطه,ابقى اعمله كله على30 ده بناء على نصايح الشباب هنا فى المنتدى,بالمناسبه استلمت العربيه عامله كيلومتر كتير؟بالنسبه للصوت انا مش عايزك تقلق منه الصوت ده عندى برضو بسمعه لما بدور العربيه الصبح وعلى السرعه البطيئه متقلقش (افتكر ده صوت السير وبيبقى باين اوى علشان السير حديد)بس مش متأكد من المعلومه علشان انا خبرتى زى مبقوللك مش كبيره
ياللا خير ان شاء الله
انا كلمت الوكيل و رايح بكره الصبح ان شاء الله (الثلاثاء)
أولاً إحنا اتفقنا إنها مش مقياس دقيق
بس انا باحب أتابعها
أنا كل مشاويري طرق مفتوحة اسكندرية صحراوي أو من 6 أكتوبر للصحراوي
بتعمل معايا من 120-140 بدون تشغيل التكييف
مرة واحدة بس والعربية عاملة 5000 كيلو نزلت أول شرطة بعد 155 كم
ومتكررتش تاني :)
وأأقل رقم عملته كان 60 كم من تفويلة غريبة الشكل من محطة بنزين مصر للبترول في مرسى مطروح الصيف اللي فات.
والحمد لله برضة متكررتش تاني
تمام لانها نزلت عندي ونا جو البلد بعد 100
على فكره انا بحط من شل اللى فى زايد بس و اسمع ان سمعه شل نضيفه
بشمهندس محمود بعد التحية
انا كمان بمون من موبيل اللى في ميدان جهينة نفسه وانت نازل من اكتوبر للمحور(بعد دار الفؤاد)
بصراحة برتاح ليها اوى حتى لو التانك فاضله شرطتين ونازل بيها بكمله فيها عشان ماحتاجش امون من اي بنزينة علي الطريق حاول تثبت علي بنزينة تكون فى طريقك عشان الغش بقة كتير
الا من رحم ربي
هههههههههههههههههههههه
انت تأمر يا ميدو
على فكره المقابله السيريونيه (ليك انت ) يوم السبت 21 اكتوبر مش 20 نوفمبر
اوع تقول لحد
و العزومه اوبن بوفيه
"اوع يا ميدو تقول لحد"