عايز عناوين محلات اجهزة موسيقية

**amrico** · 04-11-2009 08:58 PM

المشاركة الأصلية كتبت بواسطة mr_sameh

انا بصراحة مش فاهم حاجة معلوماتكم جامدة انا بجد بعشق الاورج ونفسي اتعلمو بس فين وازاي وكمان الشغل والوقت الفراغ بس بمشيئة الله هتعلمو

بالتوفيق، بس لو ودن حضرتك مش موسيقية، يبقى هاتحفظ كام لحن وهاتزهق من الأورج بسرعه.
واي حاجة انا تحت امرك عالخاص

**Eng.Mina** · 04-11-2009 09:14 PM

المشاركة الأصلية كتبت بواسطة amrico

بالتوفيق، بس لو ودن حضرتك مش موسيقية، يبقى هاتحفظ كام لحن وهاتزهق من الأورج بسرعه.

بالظبط كده ممكن حضرتك ياmr_sameh تجرب الاول في اورج صغير من ماركة كاسيو انا كان عندي واحد زمان وده كان اول اورج اتعلمت عليه وكان تمنه حوالي 400 جنيه بس ده بيكون غربي وماتقدرش تعزف عليه بعض الاغاني الشرقي اللي بتحتاج ربع تون زي مثلا زي الهوي وجانا الهوي لعبد الحليم وانا بعشقك لميادة الحناوي بس كبداية حيكون كويس جدا وممكن تجرب نفسك بانك مثلا تشغل اي اغنية انت عايز تعزفها وتحاول تمشي معاها علي الاورج لغاية لما تطلع معاك ومرة في مرة حاتلاقي نفسك بمجرد انك تسمع اي لحن حاتطلعه علي الاورج وفي الحالة دي ممكن تشتري الاورج الشرقي لان غالبا الاورج الشرقي بيكون غالي لو حاتجيبه جديد وصدقني لو انت حابب الموضوع حاتتعلمه بسرعة بس بالنسبة لو في اماكن ممكن تعلمك فدي انا معرفهاش واكيد لو في حد يعرف من الاعضاء حايقلك
وربنا يوفقك

**ahmedsamir5edr** · 16-04-2010 02:47 PM

المشاركة الأصلية كتبت بواسطة Eng.Mina

بالظبط كده ممكن حضرتك ياmr_sameh تجرب الاول في اورج صغير من ماركة كاسيو انا كان عندي واحد زمان وده كان اول اورج اتعلمت عليه وكان تمنه حوالي 400 جنيه بس ده بيكون غربي وماتقدرش تعزف عليه بعض الاغاني الشرقي اللي بتحتاج ربع تون زي مثلا زي الهوي وجانا الهوي لعبد الحليم وانا بعشقك لميادة الحناوي بس كبداية حيكون كويس جدا وممكن تجرب نفسك بانك مثلا تشغل اي اغنية انت عايز تعزفها وتحاول تمشي معاها علي الاورج لغاية لما تطلع معاك ومرة في مرة حاتلاقي نفسك بمجرد انك تسمع اي لحن حاتطلعه علي الاورج وفي الحالة دي ممكن تشتري الاورج الشرقي لان غالبا الاورج الشرقي بيكون غالي لو حاتجيبه جديد وصدقني لو انت حابب الموضوع حاتتعلمه بسرعة بس بالنسبة لو في اماكن ممكن تعلمك فدي انا معرفهاش واكيد لو في حد يعرف من الاعضاء حايقلك
وربنا يوفقك

لو سمحت انا لسه مبتديء و كنت عاوز أسأل حضرتك عن اسم الموديل ده من كاسيو ؟؟

و هل هو أفضل و لا
yamaha ypt210

و شكراا لـــــــــيك

**Eng.Mina** · 16-04-2010 11:33 PM

المشاركة الأصلية كتبت بواسطة ahmedsamir5edr

لو سمحت انا لسه مبتديء و كنت عاوز أسأل حضرتك عن اسم الموديل ده من كاسيو ؟؟

و هل هو أفضل و لا
yamaha ypt210

و شكراا لـــــــــيك

بصراحة انا مش فاكر اسم الموديل كان ايه لاني اديته لواحد قريبي يلعب بيه لان خلاص مش محتاجه بس عموما حاول حضرتك ماتجبش حاجة تكون غالية اوي علشان لو زهقت من الاورج ماتبقاش الفلوس اترمت علي الارض وعموما انا ارشح الياماها عن الكاسيو بس مسألة الموديل علي حسب ميزانية حضرتك
ولو في اي حاجة انا تحت امرك