الاخوة الاعزاء خبراء الصوتيات أخوكم محتاج مساعدة صغيرة بخصوص طقم صوت متواضع جدا
انا والحمد لله معايا شاهين 2002 مكيفة وباور وسنتر حاجة متواضعة على قدى المهم العربية كانت جاية بكاسبت زى بتاع المكرباز (الميكروباص )سابقا اللى هى عربيات موديل 1910اللى هو بكر المهم مطولش عليكم كانت الماديات تعبانة فجبت كاسيت اسمة ماتسوبيشى انتاح (جمهورية الصين العربية الشقيقة )ب140لحلوح والكاسيت شغال على سماعات العربية ومعاة fmولعاة بس الصوت كل لما يعلى بيزن جربت اكثر من واحد مفيش فايدة ودلوقتى الامور بدات تتحسن شوية وعايز اجيب كاسيت حلو فى ناس قالت ان فى واحد بيجيب كاسيتات مستعملمة من برة cdوشرايط فى منية سمنود اسمة محمود ابو لامؤاخذة غنزة بحوالى 200-250 بتوع تويوتا ولا فى واحد بيجيب منتجات من الصين اقولة على ماركت حلوة يجيبها من هناك ولا اجيب من هنا بس ياريت اللى يقولى على كاسيت يقولى اجيبة منين من المنصورة او على الاقل سعرة كام وعايز سماعات علشان المرحلة اللى جاية الدور عليها وبعدين زينون ان شاء الله

اسف على الاطالة وياريت الرد بسرعة علشان اللحاليح ميروحش

أخوك محمد حامد