الموضوع: باساتي الجميله لما مزاجها يبقى وحش

المشاركة الأصلية كتبت بواسطة dr_3eshoo

ازيكم يا شباب انا عندي مشكله ةكبيره جدا
عندي عربيه بسلت موديل 99 بحبها جدا بس خلاص
عاوز اقطع معاها مش عارف
جري الحمد لله جامده جدا ثبات معدي بس المشكله كلاتي
في يوم من الايام نزلت بيها البلد و قلت اصحى قبل الفجر اسافر بيها المهم صليت الفجر توكلت على الله و نزلت علشان الحق القصر العيني و جريت لحد ال 180 واحد يقلي و ايه المشكله
المشكله ان الطريق اتزحم مره واحده و احتجت الرابع علشان السرعه بقت اقل من 70 كيلو
الرابع مش بيجي يا بنت الناس راسها والف صرمه اديمه ابدا امهم اتعفيت عليه لحد ماجه
وو صلتني القاهره الحمد لله
المشكله طلعت في زيت الفتيس و لازم اغيره
ماشي حاجه ضروريه و لازم تتعمل
لفيت على مالا يقل على 15 محطه بنزين في المنيل و شارع الهرم و كان معايا ابو رامز
علشان الطبه بنت الحلال مش موجوده واحد ابن حلال قالي احم فيها صاموله عند واحد بتاع شكمنات
ماشي رحت قالي قالي دي المونيم رحت لواحد بتاع لحام المونيم قالي فك الكرتيره و ننطر الطبه
طبعا قلت على جثتي
لو سمحتم يا شباب اي حد مر بالتجربه بنت الحلال دي يقولي عمل ايه و عند مين علشان بجد انا جبت جاز
تقولو العربيه فين
مركونه عند خالتي في الهرم و مش بتمشي طبعا ولو بتمشي مش هركبها مش طالبه مشاكل
ارجوكم................ اتوسل اليكم .................
الرد السريع لاني مش قادر استغنى عن العربيه و محتاجها ضروري لاني ساكن ب اكتوبر و عندي القصر العيني و دروس باليل و بحتاج العربيه جدا
معلش انا جديد عليكم و ارجوكم اقبلوني كصديق جديد عليكم
شكرا و جزيل الشكر للجميل الي هيديني المعلومه
سلام عليكم

قصدك ان مفيش حد عنده مفتاح الطبه؟؟؟

لو دي المشكله روح لأي مركز صيانه نضيف هتلاقي المفتاح عنده... ممكن تروح عند بوش مثلا.
غير الزيت و بعدين على راحتك.. يا اما تدور على مفتاح و تخليه معاك.. يا اما لما تفكها بالمفتاح بتاعها تروح تلحم فيها صاموله قبل ما تركبها تاني

متشكر يا شباب على الرد السريع
بس مراكز الخدمه دي القيها فين في القاهره انا مش من القاهره معلش انا هتعبكو معايا
و بعدين في مركز خدمه فعلا اسمه بوش

عرف تروح امبابة او جسر السويس؟

انا ممكن اقولك على ميكانيكى متخصص فى الفولكس فى امبابة بتعامل معاه و بيشتغل فى الفولكس عادى و بشوف عنده باشات و كل موديلات الفولكس

متشكر يا معاز باشا
الحمد لله عملتها فكيت الطبه و هيا واقفه

هو انت فى طب القصر العينى؟