-
-
-
-
-
-
-
-
-
-
محتاج رأيكم فى الاختيار

حائر بين العربيتين دول فى حالة لو حاجة منهم وقعت قدامى بحالة نظيفة وتكون عاملة 20 الف كيلو على الاقل ولسه فى الضمان وهم :

تيدا سيدان 1600سى سى - سيات كوردوبا 1600 سى سى
التيدا 2008 - والسيات 2008 والسعر فى حدود من 90 الى 95

بعض الملاحظات

- على فكرة انا متقبل شكل التيدا مقابل الوسع الداخلى بتعها ومتقبل الضيق اللى فى السيات من جوة فى الكنبة مقابل انها المانى و تبع فولكس فاجن وماتورها وفتيسها بتوع الجيتا (حيرة لذيذة)

- وبعدين محدش يقولى كمل وهات بالقسط حاجة جديدة لانى مش حقدر
او كمل وتقدر تجيب بالسعر ده كورى وزيرو لانى من النوع اللى اتعودت على الاوروبى ولو حغير حغير على اوروبى او يابانى ( معلش انا من الناس الدقة القديمة )

- بس فى نقطة صغنونة وهى اعتراف باعجابى بسيارة البرسونا الاتوماتيك اعلى فئة وزيرو ولكن خايف من 3 نقاط وهم التوكيل طبعا والخامات المستخدمة فى العربية بعد اربع خمس سنين والنقطة الاخيرة البنزين

- انا من الناس اللى مش بتغير العربية بسهولة يعنى مش فارق اعادة البيع , وسبب تغيرى لعربيتى الحالية ( بولو 99) لعدم وجود شنطة وتكيف وبور واتوماتيك ولو كان فيها كدا والله ما كنت فرط فيها ابدااااااااااا والحمد لله معايا من 99 ومغيرتش فيها مساعدين ولا اى حاجة فى العافشة مع العلم انها عاملة 100 الف كيلو ولو حغير فيها حاجة ممكن جلب مقصات وحاجات بسيطة ( عرفتوا بقا انا من الناس الدقة القديمة ليه !!)

فاتمنى تشاركونى بمشاركتم وتساعدونى فى الاختيار بين العربيتين دول واعرف ارائكم وسبب اختياراتكم