بصي مع اني بخاف من القر والحسد
بس انا حعترفلك بحاجه واثبت للاعضاء انك بتتكلمي عن غير درايه بالواقع
التليفزيون ده كان التليفزيون الصغير مش الكبير بس قولت اشوف سواد القلوب واحسد رايح لفين ههههه
وبناء علي ردودكم في الموضوع فانا مش حعزمكم في بيتنا ابداااااااااااااااااا
بالنسبه للارباح لما بتكتر بشوفها من علي سطح الفيلا ومش محتاج اسافر
هما لما بيرصوا الفلوس فوق بعضها بتظهر عندي علطول من هنا
بالنسبه بقي للعربيات
فانا عندي الجراج والمطبخ والدولاب بتاع الهدم ملحقين ببعض
تشوفيهم علي شمالك ويمينك وانتي داخله اسكندريه
مكتوب عليهم كارفور وداون تاون
ودايما بنفتحه للغلابه يدخلوا ياخدوا اللي هما عاوزينه
علشان كده لما تيجي حتلاقي ناس كتير جوه جايين ياخدوا اللي فيه النصيب
وفيه ناس بتدفع تبرعات ودول حتشوفيهم بيدفعوا فلوس جوه متشغليش بالك بيهم
لما تجيلي وخصوصا انتي يا رنا
ديلك كارت تدخلي تاكلي وتاخدي كل اللي يعجبك من جوه ومتدفعيش حاجه
اي حد يكلمك تطلعيله الكارت علطول
ولو زود معاكي في الكلام تقلعي اللي في رجلك تنسليه علي دماغه ولما ياخدوكي للمدير وريله الكارت وهو حيتصرف
======================
بلنسبه للعفاريت فانتي قولتي الموضوع غلط
انا من كتر ما اشتريت الناس بفلوسي لقيت اني اشتريت الناس كلها
فاشتريت العفاريت كمان
وعماره رشدي دي مجرد مكان سايبهم يباتو فيه علشان عندنا عفاريت مغتربين ومش بيقدروا يروحوا كل يوم
==========================
العربيه الفقيره دي بقي مشكلتها معايا اني دايما بنزل مستعجل وهي اللي جنب الباب
زي الشبشب اللي بيتحط علي باب الحمام كده
فباخدها وانزل بدل ما استني يومين علي ما الاولاد يطلعوا البوجاتي من الجراج جوه
علشان الجراج مكركب وعاوز يترص
===========================
اخر حاجه بقي
ابعدي عني بدل ما اقر عليكي وانتي عارفه اني سري باتع
لما تحصل حاجه تانيه حبقي اقولهالكم
او لو افتكرت حاجه من الكتب اللي قريتها زمان
بس للاسف فيه حاجات مينفعش تتحكي هههههههههههههههه
لا خليكي في تراب القاهره والزحمه اللي عندكم
اسكندريه يا دوب علي قدنا
وعموما حبقي افضيلك اوضه من العفاريت وتيجي تقعدي فيها