انا ساكن جنبها من 47 سنه ومافيش حاجه
اذكرى الله
عرض للطباعة
والله الشعب المصري ده عسل
يكدب هو الكدبة وبعدين تلف تلف وترجعة وهي اسطورة مش كدبة لغاية ما صاحبها يصدقها وهو اللي مالفها
يا ريت والله حد يكسب فيا صواب ويديني شقة فى العمارة دي
على فكرة انا ليا تجارب مع الاسلطير دي كتير وكلها هجص
وبعدين الموضوع فيه مثلا وفلان دخل ولم يعثر عليه
وزوج وزوجة لقو نفسهم في الشارع والخ الخ
والله تلاقي اللي الف الهجص ده بيضحك لما يوصلو الكلام ده
المهم ان اللي بيسمع بيحكي تاني بعض اضافة المؤثرات الخاصة وكانه شاف اللي بيتقال
وفي الاخر العفاريت دول عسل برضة سايبين الناس تركن في الجراج اظاهر عارفين ازمة الركنة
مشكور صاحب الموضوعلى النقل
انا بصراحة مؤمن بالجن طبعاً ولكن مش مؤمن بتأثيرها علي عباد الله المؤمنين ..
القصر الي بقولكم عليه ده دائماً بتطلع منه اصوات غريبة في الليل تشبه اصوات الفحيح واتضح لاحقاً انها تحوي مستعمرة من طائر البوم تطلق هذا الصوت العجيب وانا شفتهم بنفسي
المشكلة ان اي مبني شكله مختلف و يظل مغلق لسنوات طويلة لازم تطلق عليه هذه الإشاعات
ما شاء الله :36_1_1[1]: يا المزااااااااااااااااااجاقتباس:
وكان فيه فقره انك في نهايه التحضير بتكون مجهز سرير بيبي
وبتلاقي طفل جميل فيه
ولازم تدبحه علشان تكمل شروط التسخير
احماقتباس:
مثلا لو حد اعزكم الله ( بصق ) على جنب وكان فى جنى قاعد او نايم وجت عليه لازم ياخد حقه , كذلك لو رميت حاجه تقيله عليه وحاجات من دى كتير
ما شاء الله ده جن صعيدي عاد ....:fdsa:
http://www.nilemotors.net/Nile/image...ugh%5B1%5D.gifhttp://www.nilemotors.net/Nile/image...ugh%5B1%5D.gifhttp://www.nilemotors.net/Nile/image...ugh%5B1%5D.gifhttp://www.nilemotors.net/Nile/image...ugh%5B1%5D.gifhttp://www.nilemotors.net/Nile/image...ugh%5B1%5D.gifاقتباس:
كان لى تجربه فى التعرف على احداهم , كان ماليزى http://www.nilemotors.net/Nile/image...eb1%5B1%5D.gif لو حد عايز حاجه من بروتون يقول ممكن نبعت نجيبه تانى http://www.nilemotors.net/Nile/image...ugh%5B1%5D.gif
ايه يا عم الحاج القلق ده ؟؟؟:fdsa:اقتباس:
القصه الاولي
كان فيه واحده زميله والدتي امها كانت بتحبس ابن بنتها في الحمام وفي الضلمه كتير
لحد ما الواد بطل يصرخ
وبقم يسمعوه بيكلم حد
ومرت الايام ومحدش شغل باله وكبر شويه ودخل المدرسه
ومره قاعدين فبيقولوله بتعرف ترسم يا فلان
قالهم اه
قالوله طيب ارسملنا راجل
راح رسم وادالهم الورقه
فلقوا انه راسم واحد شبيه بالشيطان
عنده قرنين وشعره منكوش ووشه احمر
فقالوله ايه اللي انت راسمه ده دا مش راجل
فكان رده
.
.
.
.
دا الراجل اللي بكلمه هو شكله كده
(من مصادر موثوق بيها جدااااااااااااااااااااااا اااااااااااااااااااااااا)
==============================
موضوع بقي ان الجن يمس البني ادم والميه السخنه
اولا مترميش ميه سخنه ولا اعقاب سجاير في التواليت
روي راوي من زمان بعيد
ان واحده في بلد ما كانت بتعوي زي الكلب في اوقات الاذان
ولما بدئوا علاجها
طلع ان سكنها جني وامه والكلب بتاعهم وشويه تانيين وصل عددهم ل7 عفاريت في جسمها
ومع استجوابهم عن طريق الشيوخ المعالجين بالقرئان
عرفوا انها رمت عقب سيجاره في التواليت فوقعت علي الجني الصغير وشوهت وشه وبطنه
فكان انتقامهم بانهم سكنوها
====================================
الاكتئاب الشديد والعياط والاستعراض امام المرايه :
الجن دايما وعلي ما سمعت من ناس موثوق بيهم برضه
بيدخل جسم الانسان في اشد حالات ضعفه
اما لتخويفه او بدافع الحب
وبانه بيكون فاكر انه بيدعمه ويحميه
وفيه ناس كل يوم بالليل كده يدخلوا سريرهم ويقعدوا يعيطوا وبالاخص من الجنس الناعم
وبكثره العياط بتضعف النفس وبيتم المس
وفيه ناس برضه من الجنس الناعم بيحبوا يستعرضوا نفسهم امام المرايه
اللي تخنت واللي خست واللي شايفه نفسها حلوه لدرجه البارانويا وبرضه بيحصل نفس الموضوع
يعني باختصار الجن بيسكن الانسان اما للعشق او للكره والانتقام
===================================
يحكي ان كان فيه شاب بيقراء كل يوم القرآن
وكان صوته من اعذب اصوات الارض
مره واحده بقي كل ما يتكلم (يتعتع) في الكلام
كانه بيتكلم وفي بقه لبانه
بس لما بييجي يقرا قرآن
كان صوته وطريقه كلامه بتتعدل
وبرضه تم اكتشاف ان كان فيه مخلوق من مخلوقات الله
كان بيحب يسمع صوته وهو بيقرا وبيقعد مخصوص علشان يسمعه
فكان بيمسك لسانه عن اي كلام الا قرائه القرآن
==============================
دول اللي انا فاكرهم دلوقتي من ذاكرتي الضعيفه المحدوده المصابه بداء النسيان
لو افتكرت حاجه تانيه حبقي اقولكم
تشكر يا سيد شنوري على الموضوع القلق الشيق ده
:))
انا مش عارف اكمل قرايه تعليق واحد على بعضه
والله جتتى بتتلبش من الكلام ده
طبعا الموضوع اصلا انا مقرييتوووش d:
مش ناقصه يا عم الحج
بس على فكره الجن و العفاريت موجودين و ذوكروا فى القرآن الكريم و طبعا فى حاجات ممكن الجن يئذى الانسان فيها
و ربنا يحفظنا ( اعوذ بالله من الشيطان الرجيم )
المهم محدش يقرا كتب السحر والحاجات دى ولا يحتفظ بيهاومتضمنش تقع فى ايد مين والشيطان يأثر عليه والساحر كافر ولا يستتاب ويقتل
وبعدين كل القصص عن اللى راحوا العمارة ياحد لوحده او اتنين وبالليل
طب لو كلنا رحنا مع بعض وبالنهار وخدنا علماء متدينين بجد وقرآن اكيد مش هيقدر الجن علينا كلنا بس اللى يروحوا اللى قلبهم جامد قوى
والدى كان جده الله يرحمه كان عمده قريه اسمها سحيم فى طنطا
وبعد وافة جده كان القصر فاضى و شبهه مهجور
وفى يوم كان والدى و هو طفل عنده 9 سنين تقريبا كانو فى زياره للبلد وهو ماشى قريب من قصر جده
فشاف نور الصاله الرئيسيه منور و الشباك مفتوح و و كان فى قلب الصاله ترابيزه كبيره ( كبيره من الاحجام بتاعت زمان يعنى قد 2 او 3 من ترابيزات سفره دلوقت )
و كان البيت بينور بالكلوب ( ماكنشى الكهرباء منتشره فى وقتها فى القرى )
فشاف الكلوب منور فوق الترابيزه ده و بيطوح يمين وشمال ( جو ريا و سكينه ) و فيه واحده لابسه اسود بتجرى و تلف حوالين الترابيزه
فراح للبيت يشوف الست دى مين ... و اول لما قرب من البيت على بعد 5 متر حس برعب رهيب فى قلبه مش عارف مصدره و خلاه يجرى بكل سرعة
الحكايه دى حصلت و هو تجاهل الموضوع مع الزمن لغايه لما مره بيحكى لجدتى على القصه دى و بالصدفه كانت موجوده بنت خاله ( كانت من نفس القريه ) لاقاها بتكمله ط و لاقيت واحده لابسه اسود بتجرى حولين الترابيزه و الكلوب بيطوح ) فاندهش و قالتله دى عفريته و كل البلد كانو بوجودها و فضلت لغايه لما القصر ده اتهد !!!!!!!!
YouTube - 'Paranormal Activity 2' Trailer
شوفوا الفيديو ده عند الدقيقه 0.54 وقفوا الفيديو حتلاقوا الطقل طالع في المرايه و مش موجود في السرير مع وجود الشبح يبقى ازاي الفيلم ده بجد :D
ححرقلك الفيلم و حقولك ان الموضوع ده تمثيل
و فيه فيديو عاملين فيه مقابله مع الاتنين اللى بيمثلو الفيلم ده و تكلفته قليله اوى و هو متصور فى الفلا بتاعت المنتج
انا شوفت الفيلم و كنت فاكره حقيقى و كنت ميت من الرعب بجد
لكن لما عرفت انه تمثيل دحكت على نفسى
YouTube - "Paranormal Activity" Interview with Micah and Katie