تحقيق شامل عن عماره رشدي (عماره العفاريت)

**the-hero** · 08-11-2009 08:10 AM

عوووووووووووووووووووووووو وو

اعتقد ان الكل سمع عن العمارة واتحدى ان يكون حد شاف اى حاجة
انصح كل الاعضاء بمشاهة فيلم البيضة والحجر بتاع احمد ذكى
اتربنتوخ.اتربنتوخ كنا شباب وبقينا شيوخ

**MohaMed_Refaat** · 08-11-2009 09:04 AM

حد شاف فيلم the grudge تقريبا هو نفس الفكرة ::::)

**Eng_Mostafa_89** · 08-11-2009 10:41 AM

المشاركة الأصلية كتبت بواسطة ezzat-fayek

طب يا باشا يا ريت تحكيلنا عن تجربتك دي لو تقدر

+11111111111

المشاركة الأصلية كتبت بواسطة the-hero

عوووووووووووووووووووووووو وو

ههههههههههههههههههههههههه

**maka** · 08-11-2009 10:44 AM

المشاركة الأصلية كتبت بواسطة misoalex

يا جماعه متاخدوش الموضو هزار الموضوع جد جدا
والى بيقول العماره عليها مشاكل وقضايا والمقاول نصب على السكان
وهل يعقل عماره من سنه 1961 وعليها المشاكل والقضايا والكلام الفارغ ده
وبعدين دى الشقه دلوقتى تسوى 2 مليون فى الحته دى يعنى لو الى عاملين الخلافات دى باعو الشقق او الارض بس حسوا الخلافات ويكسبوا ملاين
محدش يقول مفيش حاجه اسمها عفاريت انا مش عاوز اتكلم واحكى
مش حقول اكتر من انى شفت بعينى وحسيت كمان يعنى محدش حكالى
يعنى يكفى لما واحد مسخر جن يقوله زق فلان وقعده مكانه يقوم يزقنى ويقعدنى وتقولو انتو مفيش الكلام ده
لا الناس دى عايشه معانا ولازم نعترف بيها وربنا خلقهم قبل ميخلقنا ولا انتو نسيتو قصه سيدنا ادم
برجاء محدش يقول مفيش عفاريت
وبخصوص العماره انا سمعت كل ما كتب عنها وانا عندى 3 سنين وبشوفها على وضعها هذا لهذا الوقت
وبعدى كتير من هناك وفعلا لما ببصلها كتير بحس بأحساس غريب
بجد يا جماعه الموضوع بجد مش هزاااااااااااار

بس هل يعقل ان عمارة كاملة تحتلها العفاريت , الجن موجود مقلناش حاجة بس مش العمارة كلها وماخدوش الجراج ليه بالمرة

**zaza_lanos** · 08-11-2009 11:55 AM

ده عاملة زى الفيلا اللى على الكونيش ومحدش عارف يهدها
ومحافظة الاسكندرية اديتها وش علشان السياحة والمنظر العام

**TaoTao** · 08-11-2009 12:07 PM

المشاركة الأصلية كتبت بواسطة sha2e

ودي فين ؟؟
وبتتباع على كام ؟؟

وعلى فكره كلامك مظبوط فعلا

هي شقة ذكرى في الزمالك تقريباً كنت قرأت عنها تحقيق صحفي من فترة، بس اللي شفته بنفسي عقار كان قصاد منزل خالي بالوراق، حصلت فيه حريقة تقريباً وناس ماتوا ومن ساعتها ماحدش عاوز يشتري البيت وكلام كتير عن عفاريت وأصوات (مع إن البيت تالت نمرة من كورنيش النيل !!)، حتى لما كنت باسأل والدتي عن البيت اللي شكله وحش كانت بتستعيذ بالله وتغير الموضوع !! الحكاية دي بقالها فوق العشرين سنة.
المنزل ده اتباع واتهد (لأن العقار الأصلي كان دورين حوائط حاملة فقط مش عشان حاجة تانية :) ) واتبنى مكانه عمارة والدنيا زي الفل .. ماعفريت إلا بني آدم.

**محمد ابراهيم 1** · 08-11-2009 02:27 PM

المشاركة الأصلية كتبت بواسطة misoalex

يا جماعه متاخدوش الموضو هزار الموضوع جد جدا
والى بيقول العماره عليها مشاكل وقضايا والمقاول نصب على السكان
وهل يعقل عماره من سنه 1961 وعليها المشاكل والقضايا والكلام الفارغ ده
وبعدين دى الشقه دلوقتى تسوى 2 مليون فى الحته دى يعنى لو الى عاملين الخلافات دى باعو الشقق او الارض بس حسوا الخلافات ويكسبوا ملاين
محدش يقول مفيش حاجه اسمها عفاريت انا مش عاوز اتكلم واحكى
مش حقول اكتر من انى شفت بعينى وحسيت كمان يعنى محدش حكالى
يعنى يكفى لما واحد مسخر جن يقوله زق فلان وقعده مكانه يقوم يزقنى ويقعدنى وتقولو انتو مفيش الكلام ده
لا الناس دى عايشه معانا ولازم نعترف بيها وربنا خلقهم قبل ميخلقنا ولا انتو نسيتو قصه سيدنا ادم
برجاء محدش يقول مفيش عفاريت
وبخصوص العماره انا سمعت كل ما كتب عنها وانا عندى 3 سنين وبشوفها على وضعها هذا لهذا الوقت
وبعدى كتير من هناك وفعلا لما ببصلها كتير بحس بأحساس غريب
بجد يا جماعه الموضوع بجد مش هزاااااااااااار

محدش قال مفيش عفاريت
فيه عفاريت وفيه سحر

لكن فيه رب أقوى من كل ده
ولن يستطيع أحد أن يضرك إلا بإذن الله

**SHNORY** · 08-11-2009 02:34 PM

المشاركة الأصلية كتبت بواسطة محمد ابراهيم 1

محدش قال مفيش عفاريت
فيه عفاريت وفيه سحر

لكن فيه رب أقوى من كل ده
ولن يستطيع أحد أن يضرك إلا بإذن الله

محمد بيك ابراهيم يا واحشني كتير ومش بتسال عليا
هو انا كان لازم احضر عفاريت في المنتدي علشان اشوفك ؟؟؟؟

**misoalex** · 08-11-2009 03:00 PM

طب يا باشا يا ريت تحكيلنا عن تجربتك دي لو تقدر

الموضوع طويل جدا والراجل الى مسخر ده مفتش فى الازهر يعنى محدش يقول ده نصب ولا جهل
وعلى فكره احنا كان عندنا شقه زمان نفس الحكاااااااايه بالظبط
كان ساكنها واحد واى حد يسكن فيها يتأذى وابويا محطش فى دماغه وسكن فيها هو ووالدتى وكانت النتيجه ان اتنين اخواتى توفوا فيها وكان عندهم سنتين والتانى سنه ونص يعنى اطفال وكان بعد ميتوفوا يلاقو علامات غريبه عليهم زى ضرب وكف بالازرق وكدمات
وبعد كده طبع سيبنا الشقه وعرفوا من الجران ان فعلا ان مش احنا اول ناس ييسكونوها ويحصلهم من ده
والى سكنوها بعدنا برضه معرفوش يعيشوا فيها ويلاقو الشبابيك بتتفتح والبيبان بتتفتح وتتقفل
وباعوها لواحد عملها مخزن خشب كان بيجى يلاقى حاجاته بره فى الشارع الى ان الخشب ولع فى مره وسابها
والى الان الشقه دى محدش سكنها وشكلها فظيع من بره وموجوده ليومنا هذا فى العوايد لو حد سمع عنها
واشمعنا بقى الشقه دى دون عن باقى البيت
حد بقى يقولى ده كذب وتخاريف اهو دى بقى حصلت معانا
عشان كده محدش يقول دى اشاعات العماره دى فعلا الى قاعدين فيها مش اى حاجه لان لو انتم تعرفوا الجن طبعا انواع وفيه منهم كويس جدا اكتر من البنى ادم
حد سمع عن كتاب شمس المعارف
اهو الكتاب ده الى يقرأه على اتم استعداد انه ينقل حائط من مكانه لمكان اخر
وانا من فتره قريبه قابلت واحد ابوه كان عنده الكتب دى وكان عمل بيها حاجات والكتب دى عنده لحد دلوقتى واتعرض عيه فيها مبالغ كبيره وهو مش عاوز يبيعها منهم كتاب شمس المعارف ده
وطبعا الحارس ربنا محدش يقدر يقول غير كده ربنا الى خلقنا وخلقهم

-

الموضوع: تحقيق شامل عن عماره رشدي (عماره العفاريت)

LinkBack

أدوات الموضوع

عرض

-

-

-

-

-

-

-

-

-

المواضيع المتشابهه

مركزخدمه خالد عماره ايه رئيكم فيه

شركة أم عماره للأجهزه الجبارهشركة أم عماره للأجهزه الجباره

عماره سكنيه خاليه

الكلمات الدلالية لهذا الموضوع

المفضلات

المفضلات

ضوابط المشاركة