يا باش مهندس .. إزيك ..
ماقلتليش أعلي الدواسة منين ؟
عرض للطباعة
يا باش مهندس .. إزيك ..
ماقلتليش أعلي الدواسة منين ؟
الله يخليك ياحمو
وروح للميكانيكى يرجعهالك تانى شويه
أصل الموضوع ده بيبقى على الطبيعه أفضل
ولازم من الجثه تبقى قدامك
وبلاش تعمل حاجه زى دى بنفسك
وخللى الميكانيكى يعليهالك شويه
انزل تحت هتلاقى الدواسة فيها مسمار داخل فى صاملة
هوى الصمولة شوية و المسمار دا هيعلى و يوطى الدواسة
ملحوظة مهمة جدا (لازم تتأكد ان الدبرياش بيفصل و يعشق بصورة طبيعية
علشان لو وطيتها زيادة هيكون زى ما تكون مريح رجلك على الدواسة على طول و يسبب تأكل فى الاسطوانة
علشان الملحوظه دىاقتباس:
ملحوظة مهمة جدا (لازم تتأكد ان الدبرياش بيفصل و يعشق بصورة طبيعية
علشان لو وطيتها زيادة هيكون زى ما تكون مريح رجلك على الدواسة على طول و يسبب تأكل فى الاسطوانة
أنا قولتله
عليك وعلى ميكانيكى
يعملك المطلوب
أصل النظرى شىء والعملى حاجه تانيه خالص
أنا شايف أن الصح
أن الواحد ميعملش حاجه فى العربيه عامة أعتمادا على كلام نظرى
سواء منى أو غيرى
ألا لو شاف الميكانيكى بينفذه أول مره وعرف الفوله
وكان مركز معاه وشافه وهو بيعمل كل حاجه قدامه
علشان كده دكاترة الطب لما بيشرحوا فى المدرج تشخيص لحاله معينه
بيخدوا الطلبه فى حصه عملى من أجل الأقتراب من الطبيعه
والحاله قدامهم
ما الفكرة إنه بيفتي .. ويقوللي إنه وطاها كده عشان ماتجيبش إسطوانة .. بس دا خلاها بينها وبين الأرض بتاع 15 سم بالكتير
أنا كنت بغير عنده سير الكاتينة وباشيك على الطرمبة وباقي السيور وغسلت المانيفولد والليلة دي .. المهم قلت اه الغيار الأول بيعاكس .. افتكس لي حكاية الدبرياج دي !
اقتباس:
بس دا خلاها بينها وبين الأرض بتاع 15 سم بالكتير
Clutch pedal travel should measuremore than 130 mm
الكلمتين دول من الكتالوج
وبما أنك بتقول خلاها 15 سم
يبقى الراجل مظبوط ياحمو
وأنت ظالمه كده
ماهي المشكلة إنها كانت أعلى من كده ورجلي خدت عليها ..
وبعدين كل اللي عمله ده كان عشان الغيار بيعاكس في الأول ..
ودلوقت يقوللي أشوف لك زيت الفتيس .. قلت في عقلي ـ أصلي عندي بارانويا من الصنايعية ـ حتى لو كلامه سليم مش هاسيبه يمد إيده ف عربيتي إلا لما أتأكد الأول من الباش مهندس سمير .. فاسئلوا أهل الذكر ... بس يا سيدي آدي الحكاية !
عنده حق فعلا
ممكن تحاول تغيير زيت الفتيس بزيت لزوجته خفيفه
وده حيريحلك الغيار بدون شك
لو الفتيس حالته تمام
وبالذات وأحنا داخلين أو فى الشتاء الأيام دى
إيه رأيك في المصري أبو 10 جنيه .. لونه أحمر هو والجركن لونه أبيض .. ولزوجته خفيفه فعلا كأنه كركديه !
ههههههه !
سيبك من الكركديه
ههههههههه
وأختار نوع كويس من اللى فى الموضوع ده
http://www.nilemotors.net/Nile/93256-a.html