الموضوع: مشكله فى 28

هل انت هتشترى سوستة كاملة وللا ورقة سوستة، لان السوستة بتكون مكونة من عدة ورقات (شرائح صلب) وعادة اللى بتنكسر فيهم بس هى اللى بتتغير، مش السوستة كلها، السعر ده لو سعر سوستة كاملة يبقى معقول لكن لو سعر ورقة يبقى غالى شوية، وبعدين وهو بيشتغل لازم يطلعلك السوستة المكسورة ويوريهالك لأن لو مش مكسورة ممكن يطلعها ويطرقها علشان تعلى ويركبها تناى ويشتغلك فى ال80 جنيه

المقص سعره معقول بس لازم يكون سليم والجلببتاعته سليمة مش بتلق، لو ركب ولسة فيه خبط من ورا يبقى الجلب مبوشة وفى هذة الحالة هتكون محتاج طقم جلب، على فكرة المقص الخلفى لل 128 موجود جديد بحدود 90-100 جنيه على ما اذكر

بالنسبة للكوبلن انسى ان فيه دولة اسمها الصين نهائيا، غالبا الكوبلن الصينى ده هيطقطق تانى يوم

يا إما تجيب كبالن ايطالى او المانى جديدة ودى حراقة شوية (ممكن يكونوا وصلو ل350 جنيه للجوز مثلا بس انا مش متأكد) يا إما تاخد الكبالن بتاعتك لواحد بتاع كبالن، تبدلهم ب 3 متصلحين وتدفع 80-100 جنيه، فيه 2 مشهورين اوى فى اللعبة دى، فيه واحد فى كوبرى القبة فى الشارع اللى فيه ديافيا بتاع التكييف، تحت كوبرى قصر القبة،فى شارع متفرع من ابن سندر(لو انت جاى من ناحية جسر السويس بيقى آخر شارع قبل كوبرى قصر القبة، وفيه واحد تانى فى شارع شامبيون فى وسط البلد

والله كتر خيرك على الإفادة
طيب يعني اعرف انا منه ايه اللي مكسور بالظبط واشتريه ولا اخليه هو يجيبه بس انا خايف احسن يشتغلني لأني اوب مره اتعامل معاه وما اعرفوش بصراحة انا سألت على الكبالن الإيطالي في التوفيقية قالولي ال 2 ب 170 جنيه كده يبقى كويس ولا ايه

فى واحد بتاع كبالن كويس جدا جدا فى امبابه فى شارع المطار اسمه سامى ورقم موبيله 0101457113 قبل كدة صلحلى كوبلن وفضل اكتر من سنه ونص

سعر الكبالن كدة كويس جدا واحسن من المتصلح والإستيراد والصينى، اما بالنسبة للسوستة فخلى العفشجى يفكهالك ويطلعها قدام عينك ويويريك مسكورة منين، الموضوع مافيهوش اى فن لان السوستة كما ذكرت لك عبارة عن مجموعة شرايط حديد فوق بعض، هيفكها ويوريك الشريط المكسور، هتشوفه بعينك انه بقى حتتين، والشرايط بتاعة السوستة فيه شركة بتبيعهم اكيد العفشجى عارف مكانها، فى شارع احمد عرابى (بتاع وسط البلد مش بتاع المهندسين) ، يا إما يجيب لك الشرايط المطلوبة بفاتورة يا إما تنزل تجيبها انت

رحت امبارح لواحد بتاع سوست فك السوسته طلع فعلا في شريحة مكسوره
جاب شريجة من سوستة قديمة عنده وركبها واخد 85 جنية بس العربيه اترفعت من ورا لأنها كانت ساقطة جدا من ورا
كده يبقى كويس ولا اضحك عليا