لمبه صفرا كده بعلامه مكرفون - كليو

**ashraf_msd** · 06-11-2009 11:54 AM

السلام عليكم
بتطلعلي لمبه صفرا كده بتنور وانا ماشي بعلامه مكرفون
كليو 2006 اوتماتك
معناها ايه دي يا شباب؟

**lion99990** · 06-11-2009 01:50 PM

ديه صوره لتابلوه الكليو اوتوماتيك ياريت تعرفنى اى واحده فيها ولو قصدك على الزرار اللى مكتوب تحته اوتو ده يبقى الفتيس الاوتوماتيك و يبقى جضرتك مضطر تروخح التوكيل ياما يكون سوفتوير يا حيكون سينسور فالف عايز يتغير وده بيبان لو اللمبه ديه بتظهر تحس ان العربيه اترجت وانت ماشى و بعدين بتبقا عادى العربيه و غالبيه بيظهر هذا العيب والعربيه برده وانت ماشى عليها

**gebreel** · 06-11-2009 02:58 PM

متابع

**ashraf_msd** · 06-11-2009 08:27 PM

الف شكر يا شباب عالرد
هيا فعلا مكتوب تحتها اوتو
وفعلا بتظهرلي وانا ماشي وبعد عشر دقايق كده تروح
عموما انا متهيئلي حاجه سوفت وير لان الجير ماشي معايا تمام
وهاروح برضو التوكيل واتاكد
وتعيش الوحوش

**lion99990** · 07-11-2009 08:44 PM

المشاركة الأصلية كتبت بواسطة ashraf_msd

الف شكر يا شباب عالرد
هيا فعلا مكتوب تحتها اوتو
وفعلا بتظهرلي وانا ماشي وبعد عشر دقايق كده تروح
عموما انا متهيئلي حاجه سوفت وير لان الجير ماشي معايا تمام
وهاروح برضو التوكيل واتاكد
وتعيش الوحوش

ايه اخر الاخبار روحت التوكيل ولا لسه
يارب يكون سوفت وير بس ميضحكوش عليك زى مكانوا عملوا معايا لان لما كنت روحت العبور فى الاول قاللولى سوفت وير و بعدين متظبطتش معايا لما روحت المقطم قالوه ده الكترونك سينسور فالف وفعلا لما غيرته بس فى العبور ظبطت والحمدالله معدتش فيه حاجه فلو انت روحت لازم تخليهم يتاكدوا وهوا الموضوع سهل انشاء الله

**ashraf_msd** · 13-11-2009 03:03 PM

المشاركة الأصلية كتبت بواسطة lion99990

ايه اخر الاخبار روحت التوكيل ولا لسه
يارب يكون سوفت وير بس ميضحكوش عليك زى مكانوا عملوا معايا لان لما كنت روحت العبور فى الاول قاللولى سوفت وير و بعدين متظبطتش معايا لما روحت المقطم قالوه ده الكترونك سينسور فالف وفعلا لما غيرته بس فى العبور ظبطت والحمدالله معدتش فيه حاجه فلو انت روحت لازم تخليهم يتاكدوا وهوا الموضوع سهل انشاء الله

السلام عليكم
ازيك يا باشا انشاء الله تكون بكل خير
والله المشكله ان انا هنا فقطر مش في مصر
التوكيل بتاعهم هنا عشان تروح بس وتكشف ممكن يقولك عايزين نغير الجير بوكس كله
من الاخر مالهومش في الصيانه او تغير حاجه بسيطه .. يغيرو الجير علي طول
عشان كده انا بحاول اعرف ايه المشكله واتصرف انا مع نفسي مع راجل ميكانيكي كده علي ادنا هنا
في ملاحظه ياباشا
انا لاحظت ان اللمبه دي مابتنورش الاوانا طالع الصبح بعد ما امشي كده متين متر ولا حاجه
اقفل العربيه وادور تاني تمشي تمام
هل ممكن يكون الجير بوكس بتاعي لازم يسخن شويه قبل ما امشي ولا ايه
واي معلومه تساعد من الوحش هتفيد وربنا يبارك فيكم

**lion99990** · 13-11-2009 03:07 PM

ده بالظبط اللى كان بيحصل معايا الموضوع اسمه سينسور فالف و ده بيتغير تمنه حوالىى 500 جنيه مصرى عباره كده عن ماسوره صغيره الكترونيه جوه الجير بوكس لازم تتغير
ربنا يكون معاك بس هيا ديه المشكله اكيد

**lion99990** · 13-11-2009 03:08 PM

ححاول اصورهاللك لان القديمه عندى وانا بحتفظ بكل حاجه و حجبللك اسمها بالظبط الموضوع ده نفس الموضوع اللى كان بيحصل معايا وانا حجبللك تفاصيل اكتر انشاءالله

**ashraf_msd** · 13-11-2009 03:14 PM

الله يبارك فيك يا باشا يا ريت تجيبلي صورتها واسمها ايه وكده

لاني لو رحت التوكيا هيخربو بيتي

سؤال بس يا باشا
انا عايز اعرف العربيه الصح بتاعها ايه لما بتغير السرعات
يعني عند كام rpm يتغير الترس وكده
انا عندي بتغير عند 4000 ار بي ام فهل ده صح ولا الجير بيأخر شويه