مركز صيانة تكنو سيرفس وصيانة 516

**Fouad Ezz** · 06-11-2009 01:21 PM

السلام عليكم ...
بإختصار وفي نقاط بسيطة:
1. كنت محتار قبل الشراء وقارنت كتير وسألت كتير ثم إستقرييت علي 516 وكنت مبهور بها
2. في صيانة ال 15000 إشتكيت إن في صوت حكة في التيل دون الضغط علي الفرامل و مركز الصانة أصر علي تغيير التيل وقال المهندس إنسى الصوت والصفارة بعد كدة
3. الصفارة رجعت تاني يوم ... حاجة كدة زي أتوبيسات النقل العام
4. روحت لمركز الصيانة ... قال لي الباش مهندس مدير الفرع ........... ركزوا كويس
(( إية ياباشا إنت مش عارف إنت راكب إية؟ لو جيت كل يوم برضو التيل هايصفر ... ده تيل مصري معفن إنت عايز إية يعني السعر واضح تيل بـ 170 ج عايزة يعمل إية ... ريح دماغك ولما تسمع صوت صفارة إبقي بص وراك كويس وفرمل فرملة جامدة))))
5. ناس كتير ممكن تقولي كنت زعقت وقولت كذا وكذا ... لكن أنا ضحكت بعد الكلام اللي قالة المهندس المحترم ... ضحكت ضحكة المخدوع اللي أخيرا النصاب صعب علية حالة وقالة فوق بقه انا باضحك عليك وبأخدعك ياحمار!!!!!

**Hacker5** · 06-11-2009 04:15 PM

حسبى الله و نعم الوكيل
حضرتك ممكن تسال عند تجار قطع غيار الاسبيرانزا عن تيل نوعه انضف من النوع المصرى التعبان دة

**mramzy** · 10-11-2009 02:48 PM

اشترى تيل من بره من شارع دمشق اللى عليه اسيبرنزا الاصلى مش من التوكيل وركبه بره وشوف الفرق
عن تجربه

**maged george** · 11-11-2009 11:51 PM

المشاركة الأصلية كتبت بواسطة mramzy

اشترى تيل من بره من شارع دمشق اللى عليه اسيبرنزا الاصلى مش من التوكيل وركبه بره وشوف الفرق
عن تجربه

هو واحد صاحبي غير التيل من شارع دمشق ومن بعدها لمبة الABS منورة على طول يا ترى ده عيب تركيب ولا عيب تيل وشكرا.

**h_shahin** · 12-11-2009 10:24 AM

المشاركة الأصلية كتبت بواسطة maged george

هو واحد صاحبي غير التيل من شارع دمشق ومن بعدها لمبة الabs منورة على طول يا ترى ده عيب تركيب ولا عيب تيل وشكرا. :u_thin1[1]:

إللى غير التيل يا إما مركبش الحساس بتاع abs أو الحساس إتكسر أو مهزوز

**waelsamaha** · 24-11-2009 11:25 PM

السلام عليكم
أنا عندى مشكلة التيل و الصفارة دى من صيانة الخمسة أشتكيت منه و قالولى فى المركز اللى بعد الكارتة أنهم غيروه و لقيتها هى هية الصفارة
و أستمريت لغاية العشرة و ساعتها عملت مشكلة و قالولى بس صنفرنا التيل و شقناه و كله تمام و قعدت معايا يومين بتصفر بصوت صغيرو زاد أوى تانى على طول و رجع أكتر من الأول
مش عارف أعمل أيه أشتكيهم فى حماية المستهلك ولا أيه

**Hacker5** · 24-11-2009 11:48 PM

يا باشا زى ما احنا قولنا كدة
التيل بتاع ابو الفتوح صناعة مصرية
انزل التوفيقية او شارع دمشق عند تجار قطع غيار الاسبيرانزا و اطلب تيل مستورد نضيف و ان شاء الله المشكلة تتحل

**mohamedhamam** · 27-11-2009 01:12 AM

اللى حصل لحضرتك أحد الاسباب الرئيسية التى تمنعنى من شراء التيجو اللى حاجنن و أشتريها حيث هذا التوكيل (مركز تكنو سيرفيس) أنا جربته عندنا فى الاسكندرية حيث بيقوموا بصيانات عربيات الدايو لان زى مانتوا عارفين أنه يتبع ابو الفتوح و شفت الامرين منهم و عايز أقول لحضرتك أنا بأعمل صياناتى الان عند ميكانيكى شاطر و ناره أحسن من جنتهم ألف مرة

**Fouad Ezz** · 11-12-2009 05:23 PM

طب واللي ما يعرفش ميكانيكي شاطر يعمل إية
انا حاسس ان العربية بتنهار حتة حتة وعمال اسمع اصوات وطقطقة ومش عارف اروح لمين (وطبعا مش هاروح الصيانة تاني لإنها مضيعة فلوس ووقت علي الفاضي)
اللي يعرف ميكانيكي كويس أو بتاع عفشة ياريت يقولي علية ... انا ساكن في جسر السويس