العربية جابت فتيس :s

**Opelvectra** · 06-11-2009 04:43 PM

السلام عليكم الاول انا دلوقتي لسة راجع حالا و ياريت اسمع رأيكو في القصة
انا عربيتي فيكترا موديل 94 2000 سي سي المهم طالع من الشغل اول امبارح لقيت الغيارات تقيلة في النقل بالذات من الاول للتاني المهم روحت البيت و بركن جبت ال r لقيت رزعة غريبة افتكرت في حاجة انفجرت في الفتيس المهم تاني يوم بكشف علي الزيت لقيتو ناقص قولت ازود في اي بنزينة عقبال ما طلعت مشيت لقيت[mark=#e61919] المشكلة [/mark]بقااااا اللمبة بتاع ال S نورت مشيت مانيوال وصلت البنزينة زودت اللمبة طفت بس الغيارات لسة بترزع انهاردة روحت لصابر نضف الفيش و الكلام دا كولو العربية مبقتش ترزع ايوة بس مبقتش تنقل اصلا هيا الاول و علي كدة دلوقتي صابر بيقولي انها محتاجة فتيس و علشان خاطر الفيكترا A حاجاتها قليلة الفتيس هيعمل من 1800 الي 2000 و المفروض اروحلو يوم الاتنين علشان يجيب الفتيس و نشتغل اية رأيكو يا جماعة في الموضوع ياعني اسيبو هوا يجيب الفتيس علشان يبقا ضامنو و ابقا الاقي واحد قدامي اكلمو بدل قرف بتوع الاستيراد و كدة ولا اعمل اية بالظبط و ياريت المصنعية دية تبقا تقريبا في حدود كام
معلش تعبتكو معايا بالقصة الفاشلة دية بس بجد محبط و بفكر جديا اني ابيع العربية دية و اجيب اي حاجة فوق ال 2000 اكيد مش هتكون لحقت تتعب اوي و مستني ردكو يا شباب

**nab!l** · 06-11-2009 05:09 PM

رايى المتواضع انك تسيب صابر هو اللى يجيب الفتيس على مسئوليته

**Ahmad Allawy** · 06-11-2009 06:41 PM

السعر ده كويس جدا علي فكرة..
ميعتبرش كتير خالص.. عادي يعني اعمله.. و هترجع احسن من الاول ان شاء الله..

**N.a.j.d** · 06-11-2009 07:08 PM

طب يا باشا ايه اللى بوظه بسهوله دي معقوله

**honda forever** · 06-11-2009 08:28 PM

على فكره السعر الطبيعى للفتيس الأوتوماتيك 2000 جنيه فرأيى إن ده سعر كويس المهم يكون الفتيس كويس

**N.a.j.d** · 06-11-2009 08:30 PM

دا جديد ولا ايه سعره كدا

**sniperfox** · 06-11-2009 08:52 PM

حبيب البى نفس القصه حصليت معايه وبرضو الولى فتيس ومن الف ونص ل الفين وناس التلى الفين ونص دول بتوع الحرفيين لحد مربنا واعتى فى واحد كان شغال فى توكيل فورد فى السعوديه ونزل وقرر يستقر هنا وكان شغال على وجه الخصوص فى الفتيسات المهم الت اروح واشوف الحوار ده مهى بيظه بيظه رحتلو اطير العربيه على ونش وشكلها كان مزعلنى المهم الى متدايقش نفسك كل حاجه تتصلح انا مكنتش مسدا ان الفتيس ال اتومتيك ممكن تتعمله عمره بس الراجل ده بجد عمل المستحيل كل الى غيرته شويط قطع اسمها الكلتشات ودلواتى العربيه بسم الله ماشاء الله تمام لو تحب تجربه رسلنى على الخاص