لماذا نقوم بعمل إستفتاء على إشاعات لا أساس لها من الصحة
اللي يخاف من العفريت يطلع له
مستحيل أن يتم عمل قانون لتكهين الملاكي
مستحيل
ولو واحد مجنون ناقشه في مجلس الشعب بجد وقتها نبقى نتكلم
عرض للطباعة
لماذا نقوم بعمل إستفتاء على إشاعات لا أساس لها من الصحة
اللي يخاف من العفريت يطلع له
مستحيل أن يتم عمل قانون لتكهين الملاكي
مستحيل
ولو واحد مجنون ناقشه في مجلس الشعب بجد وقتها نبقى نتكلم
بسم الله الرحمن الرحيم - وأتقو يوما ترجعون فيه الي الله - صدق الله العظيم / ارجوا بمن يقول نعم لتكهين الملاكي ان يتقي الله فسيسأل عن ذلك امام الله والله اعلم / وبعدين اللي بيقول نعم لو معندوش الا عربية قديمة وحتروح منه وحيأخذ تعويض ملاليم وحيأخذ سيارة بالقسط ولكن معهوش يدفع الاقساط العالية دي - حيعمل ايه - حيقول نعم للتكهين - لا أظن - ولكن اللي مضيع حقوقنا اننا مبنحبش بعض واننا مش عارفين حقوقنا ولو عرفناها بنخاف نطالب بيها / واختم كلامي بحديث الرسول عليه الصلاة والسلام - لايؤمن أحدكم حتي يحب لاخيه ما يحب لنفسه - صدق رسول الله صلي الله عليه وسلم :vctry:
نسيت اقول حاجة انا كمان مع تكهين العربيات الملاكي واعتقد كل الناس مع تكهين الملاكي احنا مش ماسكين فيها وفرحانين بيها / ولكن احنا مع تكهين الملاكي بالشروط اللي قلت عليها في بداية الموضوع :T_thum1[1]:
الاخ العزيز michohat قرأت مشاركتك وعرفت ان ليك موضوع عن التكهين وعلي فكرة مشاركتك جميلة وموضوعك جميل / وقد قمت بالمشاركة في موضوعك السابق / وادعوا المشرفين علي الموقع لتثبيت موضوعك لما فيه من فائدة للغلابة اللي زينا :S_thum1[1]:
متشوفوا التلوث الي بيخرج من السيارات الفديمة اد اية
يعني عشان تركب عربية قديمة حلتها كرب المفروض تتكهن من زمان تضر الاخرين بالدخان والبلاوي الزرقة الي خارجة منها سيبك من شكلها المنيل ومتظرها المقرف خلينا في ضررها علي الاخرين
مصر من اكثر دول العالم تلوث للهواء بسبب العربيات الي موترها اتهلكت وانتهت من زمان ومشيا علي بفضل لله
انا مع الحكومة عشان منزلها من غير جمارك ياجماعة والله دي فرصة مش هتتعوض للي عايز يغير
لازم يكون فية خسائر بس مش فادحة للدزجة الي بتتكلمه عليها
يعني معاكم حق البنزين وجت علي قسط السيارة
معملتوش هيصة لية لما البنزين غلي
نعم لتكهين الملاكى بالشروط اللى أنت قلت عليها وإن لا يكون التكهين إجبارى
هو هيتنفذ اساسا و لا لا ؟
قبل ما حضرتك تتكلم علي التلوث اللي بيخرج من السيارات القديمه شوف التلوث اللي بيخرج من عوادم اتوبيسات النقل العام..
اللي راكب عربيه قديمه حالتها كرب زي ما حضرتك وصفتها مش راكبها علشان خاطر عيونها وانما عملا بالمثل القائل " ايه اللي رماك علي المر" واحتمال حضرتك تكون عارف ايه هو" اللي امر" منه ولو كانت امكانياته تسمح انه يركب عربيه زي عربية حضرتك اكيد كان رمي عربيتة اللي حضرتك وصفت منظرها بالمقرف من زمان..
وبعدين هيه السحابه السوداء مش بلاوي زرقا ومداخن المصانع المبنيه في وسط المناطق السكانيه مش بلاوي زرقا وتلوث الميه اللي بنشربها مش بلاوي زرقا والقمح الفاسد اللي بناكله مش بلاوي زرقا والخضار والفاكهه المزروعين بمية مجاري مش بلاوي زرقا..
علي فكره الحكومه مش هتدي الناس عربيات بدون جمارك زي محضرتك بتقول انما هتخفض الضريبه يعني حتي مش هتشيلها خالص..
وبعدين انا مش فاهم يعني ايه معاكم حق البنزين وجت علي القسط. ايه وجه المقارنه بين مبلغ البنزين ومبلغ القسط؟؟ اللي بيحط بنزين 80 بيدفع تقريبا 100 جنيه بنزين في الشهرواوقات كتير مبيستعملش العربيه الا اذا كان معا زوجته واولاده علشان يرحمهم من بهدله المواصلات وجشع بعض سائقي التاكسي انما قسط العربيه الجديده هيبقي حوالي 1000 جنيه..
اللي معاه العربيه اللي حالتها كرب لما ميبقاش معاه تمن البنزين او الاصلاح هيركنها لحد ما ظروفه تتحسن يعني الدنيا مش هتخرب انما لو ممعاهوش مبلغ القسط هيتحبس!!!
مش عارف ليه جمله " يعني معاكم حق البنزين وجت علي قسط السيارة " حسستني انك عايز تقول جاتكم القرف مليتو البلد..
علي فكره انا مش راكب عربيه من اللي حالتهم كرب والحمد لله علي فضله ونعمه انما حاسس بالناس...
نعم لتكهين الملاكى العربيات القديمة المتهالكة التى تؤدى الى تعطيل الشوارع وتسبب التلوث لنا
ربنا يكرمك فيها وكلنا هنا منتدى متعاون بنحس ببعض ولولا كدة مكنش اتعمل الموضوع دة علشان نعرف موقف الاخرين اللى معاهم العربيات القديمة اية او اللى حتدخل الاحلال ارجو ان مش متدايق من كلامى وهو بهدف النقاش فقط وليس بهدف الدفاع او التحيز ويشهد الله على كلامى هذا ارجو ان تكون فهمت وجهة نظرى .