قل لا لتكهين الملاكي

**بوالينو** · 06-11-2009 09:12 PM

اعضاء المنتدي الكرام اقترح ان يكون هذا الموضوع بمثابة استفتاء واعتراض علي هذا القانون الجائر الذي لايراعي حق بسيط من حقوق شريحة كبيرة من شرائح هذا الشعب الكادح / وأسف علي لفظ قانون فهو سرقة لاموالنا بدون وجه حق / واذا كان لابد ان يطبق فليأخذوا السيارات بالسعر الحقيقي للسوق ثم يعطوا لنا سيارات جديدة بالقسط تكون معفاة من الجمارك والضرائب وبدون مقدم وبدون فوائد ولو قال قائل ان هذا الامر مستحيل فلنقل له ان المستحيل ان تأخذوا أموالنا بدون وجه حق ونقف مكتوفي الايدي - اذا فلتتركوا لنا سياراتنا وكفاية بقي حرام عليكم / ولنقف وقفة رجل واحد ولنقل لا لتكهين السيارات لا للظلم لا للسكوت عن حقوقنا بعد اليوم / وحسبنا الله ونعم الوكيل أخي قل رأيك ولا تخشي الا الله

**Ayliz_2009** · 06-11-2009 09:18 PM

يا ريت تضيف استفتاء طيب في الموضوع

**Ghamrawy** · 06-11-2009 09:30 PM

بصراحة نعم لتكهين الملاكى و لكن بعد تطبيق الشروط اللى انت قلت عليها

**بوالينو** · 06-11-2009 09:32 PM

أخي Ayliz_2009 ما هو الموضوع ده عبارة عن استفتاء لنعلن فيه رأينا / فقل رأيك

**Ayliz_2009** · 06-11-2009 09:41 PM

نعم لتكهين الملاكي :)

**mohamedbook** · 06-11-2009 10:01 PM

نعم لتكهين الملاكي
كفاية فقر وتلوث ومناظر للسيارات القديمة مش ولبد

**michohat** · 06-11-2009 10:20 PM

لا لتكهين الملاكى

احنا مش وصلنا لمستوى معيشة مترف علشان ندور اننا نجدد العربيات
الاول يتيحوا لينا عيشة كريمه و مستوى دخل كويس
هل احنا خلاص خلصت كل المشاكل زى ( البطاله - العنوسة -
العربيات دى اصحابها محتفظين بيها ليه؟
سببين مفيش تالت
الاول: الحاله الماديه مش تقدر على اكتر من كده
الثانى : العربية مفيش منها مشاكل ومفيش داعى للتغيير

يجى مقرر القوانين يقول ياخد بملاليم العربيه اللى الواحد تعب لحد ما يجيب تمنها و يهادينا بعربيه جديده" من عربيات رجال الاعمال اللى القوانين دى معموله ليهم" ومطلوب مننا اننا نتحمل اقساط شهرية "وكله لعيون رجال الاعمال " بالاضافة اننا مش هنلاقى حد يشتغل فى صيانه العربيات دى وهيكون فى ضرورة لعمل الصيانات فى التوكيل وكمان قطع الغيار وثمنها

ده لما باب الجراج وقع ومش عرفت استخدم العربية يومين واضطريت استخدم المواصلات كنت ناقص امشى بقسم شرطه صغير معايا كل السواقين سواء المكروباصات او التاكسيات بلطجيه وبيفرضوا عليك الاجره ولما ينجروا على المرور تلاقي ليهم معارف هناك وانت اللى تطلع غلطان

الفكره دى مرفوضه قلباً وقالباً

ولو طبقوها اظن ان البلد هتولع عليهم اكتر

كنت عامل استفتاء قبل كده عن الموضوع ده والرابط اهه

http://www.nilemotors.net/Nile/95000-a.html

**Ayliz_2009** · 06-11-2009 10:27 PM

طب ما برضو كانت الاصوات في صالح احلال الملاكي 29-18 !!!

**meemo the beast** · 06-11-2009 10:51 PM

المشاركة الأصلية كتبت بواسطة Ayliz_2009

طب ما برضو كانت الاصوات في صالح احلال الملاكي 29-18 !!!

Sorry I don't have Arabic in my keyboard
But I would like to comment on u, u seem to be a provocative person, all u want to do is to prove - only to ur self- that old cars should be retired , I think u came from a high class which means u don't feel how would a poor Egyptian suffer without his/her old car, and according to ur high class, purchasing a new car is not a problem at all. so why don't we get rid of our ugly cars to satisfy people like you, specially when we know that all car dealers belong to the same class, so by the end let all public Egyptians go to hell for the sake of your class