الموضوع: أمنية أول ضحية لـ "أنفلونزا الخنازير" فى المدارس قبل موته بلحظات

المشاركة الأصلية كتبت بواسطة amrico

كلام صحيح 100%
وبالمناسبة، رغم وضوح المسحة الدرامية المفتعلة على موضوع أمنية الوصول لكأس العالم، لكن نفترض انه فعلا الموضوع مش متفبرك، بيتهيألي مش هانهاجم (ملاك) عمره 6 سنين عشان منطقش الشهادتين، وكان بيحب الكورة، وده طبعا مع الإيمان التام بغرس تعاليم الدين الإسلامي الحنيف في اطفالنا منذ الصغر.

رأيي الشخصي (المتواضع جدا)، ان افضل تعليق على الموضوع، اللي نقله مشكورا الأخ keemvip، هو الدعاء لأهل الطفل بالصبر، وان وربنا يجعله سبب دخول اهله الجنة بإذن الله.

صح حضرتك قلت اللي المفروض يتقال

المشاركة الأصلية كتبت بواسطة adel1414

والله يا ا-كيم كنت اتمنى ان الكلام دة يقولوا ملايين قبلى وبعدى مش الاف...ولو الحال بقى على ماهو عليه ساعتها مانلومش غير انفسنا لاننا حنبقى وقتها اللى اختارنا دة...وغير كدة انا بقول لحضرتك انا( بتمنى) لكن بالتاكيد مفيش حاجة حتتغير بكلامى الا لو كان التغيير نابع من اعماق كل واحد فينا..احنا اللى مش عاوزين نعمل حاجة بدليل الكورة اللى بقت احد الركائز الاساسية فى حياة اكثرنا واللى تطورت وبقت الشغل الشاغل للاكثرية وليس الجميع طبعا..كل انسان فينا مخير يعمل اللى هو عاوزة واللى مقتنع بية وربنا يسترها علينا اجمعين.واتمنى ان حضرتك متكنش زعلت من كلامى لانى بقول وجهة نظرى الشخصية والتى لاتعمم.

لا طبعا حضرتك انا احترم وجهه نظرك جدا وفعلا كلام حضرتك كله صح

ربنا يرحمه
علي الله نفرح في حاجة تنقل البلد و الشعب الغلبان ده قريب