الصحة المصرية توضح طرق الوقاية من "أنفلونزا الخنازير"

**night_whisper** · 27-04-2009 10:52 PM

احذروا أنفلونزا الخنازير!

أصدرت وزارة الصحة الأحد بياناً أوضحت فيه العديد من الحقائق العلمية عن مرض أنفلونزا الخنازير، وكيفية انتقال العدوى به بين الخنازير والإنسان، وذلك على شكل سؤال وجواب تيسيراً للعامة فى معرفة تلك الحقائق وكيفية التعامل مع هذا المرض وفيما يلى نص البيان:

س / كيف تنتقل أنفلونزا الخنازير بين الخنازير؟

ج / ينتقل فيروس أنفلونزا الخنازير عن طريق الاختلاط المباشر بين الخنازير وغالبا عن طريق الأدوات الملوثة التى تستخدم بين الخنازير المصابة وغير المصابة وأن القطعان التى تم تحصينها ضد أنفلونزا الخنازير قليلا ما تصاب بالمرض أو يظهر عليها علامات المرض.

س / هل يمكن الوقاية من أنفلونزا الخنازير فى الخنازير؟

ج / يمكن الوقاية عن طريق تحصين القطعان "استخدام الوسائل الآمنة" تشجيع أساليب العمل الآمنة بين عمال مزارع الخنازير واستخدام أجهزة التهوية السليمة فى مزارع الخنازير.

س / ماذا عن لقاحات الأنفلونزا للخنازير؟

ج / لقاحات الأنفلونزا للخنازير يمكن أن تساعد ولكن ليس بنسبة 100 % وذلك لاختلاف السلالات العديدة للأنفلونزا التى تستطيع أن تصيب الخنازير مما يجعل اللقاح لا يحمى ضد كل السلالات.

س / دور الطب البيطرى؟

ج / وضع استراتيجية للعلاج والوقاية لتقليل انتشار الأنفلونزا بين القطعان ومنع انتشار فيروس الأنفلونزا بين الخنازير والإنسان والطيور.

س / هل يمكن أن تنتقل أنفلونزا الخنازير بين الإنسان عن طريق أكل لحم الخنازير؟

ج / ليس هناك دليل أو اثبات أن أنفلونزا الخنازير تستطيع أن تنتقل عن طريق لحم الخنازير المطهى، وكذلك منتجات لحم الخنازير، وتكون اللحوم آمنة عند وصولها لدرجة 71 درجة مئوية خلال الطهى وذلك لقتل الفيروس.

س / ماهى الإرشادات التى يجب اتباعها للوقاية؟

ج / أولا: غسيل الأيدى بالماء والصابون عدة مرات بعد التعرض للحيوانات مع الحذر الشديد أثناء التعامل مع الحيوانات المريضة.

ثانيا: إذا كنت تعانى أنت أو أحد أفراد اسرتك من أعراض تشبه أعراض الأنفلونزا أبلغ الطبيب المعالج بأنك مخالط لخنازير، فقد تكون مريضة بالأنفلونزا.

ثالثا: تشخيص الإصابة بأخذ عينة من الأنف أو الحلق ضرورية جدا لتحديد إذا ما كنت أصبت بفيروس أنفلونزا الخنازير أم لا.

**night_whisper** · 27-04-2009 10:57 PM

فى برنامج الحياة اليوم تم عرض طرق الوقاية من المرض و هى :

1 - غسل الأيدى مرتين يوميآ جيدآ على الأقل بالماء و الصابون

2 - غسل الأنف من الداخل بالماء مرتين يوميأ على الأقل

3 - الأكثار من أكل البصل

**Dr_Ahmed_Abdelghany** · 27-04-2009 11:02 PM

بقول لكم إيه أنا هشد شعرى

خنازير إيه وطين إيه اللى هنتعامل معاهم؟

وهى الخنازير فى مصر قطعان ومزارع؟ دى فى العشوائيات ومقالب الزبالة

الخنازير دى تتعدم زى ماالفراخ اتعدمت

وبالمناسبة بخصوص انفلونزا الطيور: إنذار من تفشى الوباء... كل إجراءات وزارة الصحة صفر على الشمال حتى الآن ، مازالت تربية الطيور كما هى ومحلات الذبح منتشرة والألعن فى مزارع القليوبية: أفدنة مغطاة بالسبلة (مخلفات الدواجن) المخلوطة بالنشارة يحملها تيار الهواء لكل مكان وتنتظر أن يتم توريدها لمزارع الأسماك.............................. عمار يامصر

**night_whisper** · 27-04-2009 11:15 PM

المشاركة الأصلية كتبت بواسطة Dr_Ahmed_Abdelghany

بقول لكم إيه أنا هشد شعرى

خنازير إيه وطين إيه اللى هنتعامل معاهم؟

وهى الخنازير فى مصر قطعان ومزارع؟ دى فى العشوائيات ومقالب الزبالة

الخنازير دى تتعدم زى ماالفراخ اتعدمت

وبالمناسبة بخصوص انفلونزا الطيور: إنذار من تفشى الوباء... كل إجراءات وزارة الصحة صفر على الشمال حتى الآن ، مازالت تربية الطيور كما هى ومحلات الذبح منتشرة والألعن فى مزارع القليوبية: أفدنة مغطاة بالسبلة (مخلفات الدواجن) المخلوطة بالنشارة يحملها تيار الهواء لكل مكان وتنتظر أن يتم توريدها لمزارع الأسماك.............................. عمار يامصر

دكتور أحمد
أحنا طبعآ مش بنتعامل مع الخنازير
بس احنا هنا بنتكلم عن طرق الوقاية
لان المرض دة غير أنفلونزا الطيور مش مقتصر على المريض المصاب
لو واحد بيتعامل مع الخنازير و انتقل لية المرض الشخص دة هينقل المرض للمتعاملين معاة و اى حد بيتعامل معاة
يعنى الانسان هنا بينقل المرض لو اصيب
مش زى أنفلونزا الطيور كانت عدوى المرض بتقف عند الانسان المخالط للطيور و لا تنتقل للمخالطين بة

لتخيل خطورة المرض اخر مرة ظهر فيها الفيرس دة مات 52 مليون أنسان فى العالم بسببة

ربنا يحفظنا كلنا و يحمينا

**kemo0o** · 27-04-2009 11:16 PM

بقول لكم إيه أنا هشد شعرى

خنازير إيه وطين إيه اللى هنتعامل معاهم؟

وهى الخنازير فى مصر قطعان ومزارع؟ دى فى العشوائيات ومقالب الزبالة

الخنازير دى تتعدم زى ماالفراخ اتعدمت

وبالمناسبة بخصوص انفلونزا الطيور: إنذار من تفشى الوباء... كل إجراءات وزارة الصحة صفر على الشمال حتى الآن ، مازالت تربية الطيور كما هى ومحلات الذبح منتشرة والألعن فى مزارع القليوبية: أفدنة مغطاة بالسبلة (مخلفات الدواجن) المخلوطة بالنشارة يحملها تيار الهواء لكل مكان وتنتظر أن يتم توريدها لمزارع الأسماك.............................. عمار يامصر

+99999999999999

حسبي الله ونعم الوكيل

**Dr_Ahmed_Abdelghany** · 27-04-2009 11:21 PM

المشاركة الأصلية كتبت بواسطة night_whisper

دكتور أحمد

أحنا طبعآ مش بنتعامل مع الخنازير
بس احنا هنا بنتكلم عن طرق الوقاية
لان المرض دة غير أنفلونزا الطيور مش مقتصر على المريض المصاب
لو واحد بيتعامل مع الخنازير و انتقل لية المرض الشخص دة هينقل المرض للمتعاملين معاة و اى حد بيتعامل معاة

منا بتكلم عن كده يافندم
بسبب الخطورة بتاعة المرض دا الحل لازم يكون جذرى
وهو إعدام الخنازير وحظر التعامل معاها

إنما كل إجراءات الوقاية فى مصر صييييييييييييييينى = مضروبة

**night_whisper** · 27-04-2009 11:28 PM

المشاركة الأصلية كتبت بواسطة Dr_Ahmed_Abdelghany

منا بتكلم عن كده يافندم
بسبب الخطورة بتاعة المرض دا الحل لازم يكون جذرى
وهو إعدام الخنازير وحظر التعامل معاها

إنما كل إجراءات الوقاية فى مصر صييييييييييييييينى = مضروبة

انا أتمنى أن كلام حضرتك دة يحصل و يتم أعدام كل الخنازير اللى فى مصر
و يكون كما فى رقابة على مداخل مصر ( المطارات و الموانى )
ربنا يستر
احنا فى الآول و الأخر ربنا هو اللى بيحفظنا

[/CENTER]

**Dr_Ahmed_Abdelghany** · 27-04-2009 11:46 PM

المشاركة الأصلية كتبت بواسطة night_whisper

ربنا يستر

احنا فى الآول و الأخر ربنا هو اللى بيحفظنا

متفق تماما معاك
لو بالأسباب والإجراءات المتبعة كان زماننا متنا من زمان وبنصدر الأمراض للكواكب الأخرى مش الأقطار الأخرى

**Abdo_Eldesokey** · 27-04-2009 11:55 PM

كانوا لسة جايبين المزارع دي في Otv وعاملين لقاء مع الناس الي عايشين هناك

ويا عيني عمالين يتمسكنوا ويقولوا إحنا اتولدنا هنا - اتولدوا في مقلب زبالة - ودي شغلتنا من زمان والخنازير بتاعتنا نضيفة

الصراحة كتهم القرف ، كائن مقزز أساسا ً ، وأنا مش عارف ازاي إنسان عاقل ياكل لحم حيوان بيتغذى على الزبالة

الحل إن الخنازير دي تتعدم ومعدتش تدخل مصر تاني ... مكانها مش هنا خالص

**AshTurbo** · 28-04-2009 12:40 AM

تحية لمحافظ كفر الشيخ الذي قام بأعدام جميع الخنازير في المحافظة ولكن الخطوة دي تعتمد على تحور مرض أنفلونزا الخنازير من مرض يصيب الخنازير -وهو مرض له علاج- الي مرض يصيب الأنسان وينتقل بين الشخص المريض وآخر سليم عن طريق الرذاذ وأستنشاق الهواء لكن الحكومة عملت أيه لحد دلوقتي في المطارات والموانئ ؟؟؟ تايلاند ركبت أجهزة في المطارات عبارة عن كاميرات حرارية من نوع خاص تستطيع التمييز بين الأشخاص المصابين وغير المصابين عن طريق درجة حرارتهم وتتعرف الكاميرات على جسم كل شخص يدخل عن طريق المطار وحجزه أذا كان مصاب ومنعه من دخول البلاد بينما حكومتنا نايمة في العسل وحتى لم تقم بنقل المزارع خارج التجمعات السكنية ياجماعة الناس اللي شغالة في المزارع دي بتدخل كل يوم بيوت المصريين تلم القمامة عشان تطعم الخنازير تخيلوا حجم المشكلة ولم تقم الحكومة بأي أجراءات على الموانئ والمطارات ودي مصيبة ياجماعة المرض دة لو وصل مصر عن طريق أي وافدين من الخارج هينتشر كالنار في الهشيم بسبب الكثافة السكانية العالية والقاهرة على سبيل المثال تحتل مرتبة متقدمة كأحد أكبر مدن العالم من حيث الكثافة السكانية ربنا يستر علينا جميعاً .