honda city 2009 قطع الغيار

السلام عليكم ورحمة الله وبركاته
انا أول مشاركه ليه فى المنتده الجميل ده بس انا متابع معاكو من زمان
( منتده جميل و الناس اللى فيه أجمل )

انا من ملاك honda city 2009
الصراحه العربيه جميله جداً وممتعه جدا ونعمه جدا فى السواقه وسحبها ماشاء الله تحفه والتوكيل محترم جدا جدا انا عامل 5000 كم .
صيانه 1000 كم مجاناً :
-تربيط العفشه و الكشف على العربيه .
كان فى رمضان اخت 3 ساعات عشان كنت رايح بعد الفطار و مكنش فى غير 2 مهندسين بس .

صيانه 5000 كم 385 جنيه :
-شامله الزيت mobil 1 كم10000 فلتر زيت - تربيط العفشه - فحص التيل -الكشف على الزييوت و السوائل . مختش (ساعه ونصف)
المهم اللى انا عايز اتكلم عليه أصلاً قطع الغيار وأنا بعمل صيانة 5000 كم قلت أسئل على كام حاجه كده :U_thin1[1]: والله اتصدمت
فلتر بنزيين 935 جنيه :stink[1]: ليه ياعنى يقلى الأستاذ الى واقف على منفذ بيع قطع الغيار اصله متكلف :star1: متكلف ايه بس ده تهريج بجد غالى اوى اوى
بوجيهات 1100 :C_laugh[1]: صباح الفل
رحت واخد بعضى وماشى من قدام الراجل خفت أسئل على حاجه تانى :ma(30): .
على فكره يا جماعه العربيه جميله جدا والله بجد ( على فكره انا كان معايا lancer 2006 )
ومريحانى جدا وشيك اوى ومبشتكيش من اى حاجه فى العربيه بس قطع الغيار اسعارها غريبه اوى يمكن عشان لسه جديده ولا ايه ؟؟؟؟؟:majd(2):

-معلش ياجماعه عشان تكون كل الامور واضحه فلتر البنزين (بيتغير كل 40000كم سواقه شاقه / 80000كم سواقه عاديه ) من الكتالوج.
-البوجيهات كل 100000 كم *الكتالوج*

عادي ما هو عشان تركبلها ريموت السنتر .. هياخد منك 2000 جنيه وهيركبلك بتاع السيفيك ... عادي هو ده العادي من الفطيم

ألف مبروك يا باشا علي اول صيانة. و فعلا توكيل هوندا بقي عامل زي توكيل بي ام دبليو و ميرسيدس في اسعارة الحراقة! كان عندي سؤال هي السيتي بتحك في المطبات؟

الله يبارك فيك
لا مش بتحك بس لو محمل العربيه تاخد المطب براحه عشان متحكش زاى اى عربيه يعنى ارتفاعها مناسب .

على فكرة العربية دى تستاهل اسعار قطع غيارها تبقى غالية لانك مش هتحتاج لقطع غيارها الا لو عملت حادثة العربية زى الفل و ملهاش اى مشاكل و باذن الله مبروكة عليك

شكرآ للمعلومات الهامه ... وبصراحه أنا شايف إن التوكيل مغالي جدآ في أسعار قطع الغيار

اسعار قطع الغيار بتعتها غالية بس الغالى منها بيتغير لما توصل الى 80 الف كيلو او 100 الف على الاقل ولما نوصل الى عدد الكيلوهات ده يكون قطع الغيار دى بقة رخيصة او قلت شوية عن الاسعار الحالية

مبروك يا ابو هيثم :) انا عندى سيتى 2008 بس يا عم انا لسه رايح اعمل صيانة 40,000 و قاللولى ان فلتر البنزين هيعمل بتاع 500 جنيه و تيل فرامل حوالى 300 و زيت وفلتر يعنى تقريبا الليله دخله فى 1000 و شويه :) ربنا يستر بس التوكيل بقه فعلا بيستهبل شويه فى الاسعار بس بصراحه السيتى تستاهل . و مبروووك يا باشا عليك ربنا يباريك ليك فيها و يكفيك شر الميكروباصات الحيوانات : و خليك معانا بقه كل شويه قلنا اخبارها ايه ..