الموضوع: honda city 2009 قطع الغيار

السلام عليكم ورحمة الله وبركاته
انا أول مشاركه ليه فى المنتده الجميل ده بس انا متابع معاكو من زمان
( منتده جميل و الناس اللى فيه أجمل )

انا من ملاك honda city 2009
الصراحه العربيه جميله جداً وممتعه جدا ونعمه جدا فى السواقه وسحبها ماشاء الله تحفه والتوكيل محترم جدا جدا انا عامل 5000 كم .
صيانه 1000 كم مجاناً :
-تربيط العفشه و الكشف على العربيه .
كان فى رمضان اخت 3 ساعات عشان كنت رايح بعد الفطار و مكنش فى غير 2 مهندسين بس .

صيانه 5000 كم 385 جنيه :
-شامله الزيت mobil 1 كم10000 فلتر زيت - تربيط العفشه - فحص التيل -الكشف على الزييوت و السوائل . مختش (ساعه ونصف)
المهم اللى انا عايز اتكلم عليه أصلاً قطع الغيار وأنا بعمل صيانة 5000 كم قلت أسئل على كام حاجه كده والله اتصدمت
فلتر بنزيين 935 جنيه ليه ياعنى يقلى الأستاذ الى واقف على منفذ بيع قطع الغيار اصله متكلف متكلف ايه بس ده تهريج بجد غالى اوى اوى
بوجيهات 1100 صباح الفل
رحت واخد بعضى وماشى من قدام الراجل خفت أسئل على حاجه تانى .
على فكره يا جماعه العربيه جميله جدا والله بجد ( على فكره انا كان معايا lancer 2006 )
ومريحانى جدا وشيك اوى ومبشتكيش من اى حاجه فى العربيه بس قطع الغيار اسعارها غريبه اوى يمكن عشان لسه جديده ولا ايه ؟؟؟؟؟

مبروك يا ابو هيثم :) انا عندى سيتى 2008 بس يا عم انا لسه رايح اعمل صيانة 40,000 و قاللولى ان فلتر البنزين هيعمل بتاع 500 جنيه و تيل فرامل حوالى 300 و زيت وفلتر يعنى تقريبا الليله دخله فى 1000 و شويه :) ربنا يستر بس التوكيل بقه فعلا بيستهبل شويه فى الاسعار بس بصراحه السيتى تستاهل . و مبروووك يا باشا عليك ربنا يباريك ليك فيها و يكفيك شر الميكروباصات الحيوانات : و خليك معانا بقه كل شويه قلنا اخبارها ايه ..