الموضوع: باركولي ؟ كلاكيت تاني مره

السلام عليكم
طبعا الموضوع ده اهداء الي شخص عزيز كان عامل فرح وهليله علي حته 250 فاير موديل ؟؟؟؟؟؟؟؟؟؟ مش فاكر علشان هي من زمان خالص والاخ العزيز فاكر انه كل الي عايشين بره لما بيرجعو مصر مش بيلقو حتي صيني بيركبوه او لو باع سيارته الي بره يادوب بيرجع مصر بيشتري عربيه افيو

المهم خلينا في الصور وقولو ماشاء الله واتمني من كل قلبي ربنا يدي كل الاعضاء احسن منهم يارب
قولو امين

دي صوره الموتسيكل النينجا اول مكنه ياباني امتلكها في حياتي طبعا بعد الصيني الي في مصر حاليا وهو موديل 2004 وحجم 636



والصوره دي مع الموتسيكل والعربيه



ودي صوره من داخل العربيه





ودي صوره الوحش وهو سوزوكي gsxr 1000 موديل 2004 طبعا هو ملغوم فول لغمه او متعدل بالكامل بالنسبه للموتور وراكب عليه اغراض وهي فول سيستم اكزوز اراتا وراكب عليه باور كوماندر وراكب عليه فلتر رياضي وعليه بساتم رياضيه طبعا شوطها اكبر وتحملها للحراره اكبر وراكب عليه كام شفت ياشيمارا طبعا فائدتها السماح بدخول كميه اكبر من الهواء وخروج كميه اكبر من العادم وذلك بهدف رفع القدره الحصانيه وبالتالي تورك اكثر وكمان الصوت بتاعها مع التقطيعه للمهتمين بالاصوات بيبقي الصوت احلي من سيمفونيه




ودي صوره العدادات بتاعته وطبعا مبين لسه ما كملش 12000 كيلومتر يعتبر ممتاز نسبيا





صوره اخري طبعا الخوذه معروفه shoei ومعروفه ومصنفه عالميا في المرتبه الثانيه بعد arai وهي تمتاز بعزل صوت الهواء الخارجي في حاله السرعات العاليه مع توفير نسبه عاليه من الحمايه في حاله الوقوع لا قدر الله وكزلك يوجد لها توصيل سماعات بلوتوث وتوفر تهويه ممتازه طبعا شاريها مع اسكرينه شفافه واخري سوداء وكزلك مانع للضباب في حاله القياده في الاجواء البارده وتمنع تكثف الضباب نهائيا علي الاسكرينه




واخيرا دمتم بود وكما قلت لكم سابقا اتمني افضل منهم لجميع الاعضاء وانا جاهز لأي استفسار منكم مع اطيب التمنيات

المشاركة الأصلية كتبت بواسطة abdalla194

ممكن تقولى اسعار المكن بعد اذنك

النينجا شاريه ب 900 دينار وصارف عليه تقريبا 150 وبعته بعد حوالي شهرين من وقت الشراء بسعر 900 دينار اما السوزوكي شاريه ب 1900 دينار وصارف عليه حاجات بسيطه تقريبا حوالي 70 دينار وخد الموقع ده ممكن يساعدك في معرفه اسعار الموتسيكلات بالكويت وهو موقع مزاد للموتسيكلات

دراجات نارية - شبكة مزاد الكويت


Haytham1212 الف شكر علي ذوقك ويرزقك بأحسن منهم يارب