بصراحة انا كمان بقلق من موضوع التأمين دة ومش ناوى آمن وخليها على ربنا يسترلنا طريقنا
و عندك حق خليها شوية تاخد العين ربنا يكفينا شر الحقد والحسد
عرض للطباعة
السمكري ده حمار كبير و ربنا يرحمنا يا رب من كل الحمير اللي بتفتي
الميجان و الكليو و السينيك هما اللي رفارفهم فايبر
و مع عدم احترامي للسمكري الحمار (عدم احترامي لانه بيفتي مش لسبب تاني)
الرفارف الفايبر ميزة مش عيب (يعني يا ريت لو كانت اللوجان رفارفها فايبر)
1- في الصدمات البسيطة ما بتتكسرش و لا بتتطبق و بترد لوحدها ..... و الاهم انها ما بتحملش عالمكونات اللي حواليها من فوانيس و اكصدامات و حوض و صدر و قنطرة عشان ما تعوجش حاجة ..... عكس الصاج اللي بيريح عاللي حواليه
2- في الصدمات القوية بتتقطم بدون تحميل على ما حولها (عكس الصاج اللي بيحمل على ما حوله) و في نفس الوقت لو كانت نفس الصدمة القوية في رفرف صاج فهو هيتطبق جامد و مش هينفع فيه تصليح برضه
ان شاء الله خير و طالما تترد على البارد تبقى باذن الله مش كبيرة
اما بالنسبة لقصة التأمين و حرمانيته فانا سألت فيه مليون مرة قبل ماعملو و سألت في دار الافتاء و هكذا و كلو قالي انو مش حرام
ده حتى نظرا لظروف اختي الشركة عندها بتأمن على حياة العاملين فيها سألت في الموضوع ده دار الافتاء بردو و قالو انو مش حرام و عموما انا بعت سؤال مرة تانية لدار الافتاء على القصة دي و مجرد الرد هبلغك
و طمنا لما تعمل اي حاجة في العربية
اولا عامل ايه يا سوبر وايه اخبارك وان شاء الله تكون بخير وعجبانى مشاركاتك فى الفترة الاخيرة جدا :verygood:
بقت اكثر موضوعية ودقة والفترة الجاية حتكون لوجوناوى جامد :w6266d
بالنسبة لموضوع التامين فهو موضوع اختلف عليه بعض العلماء من مؤيد ومعارض
وبالتالى فى المواضيع اللى بتكون محل جدل بستفتى قلبك وعقلك من وجه نظرك
يعنى اللى شايف ان الموضوع حرام فهو صح واللى شايف انه مش حرام هو برده صح
اهم حاجة الواحد يعقلها ويتوكل على الله ويا رب محدش فينا يحتاج لتامين ولا لغيره
بالنسبة لعدد التلفيات والخبطات اللى بنشوفها فى اللوجان فدى ضريبة بيدفعها كل من تسول له نفسه
على شراء عربية زيرو :36_7_4[1]: سواء بسبب الحسد او اخطاء الغير او الفنانين اللى بيتعلموا الرسم على العربيات
وربنا يستر طريقنا جميعا
الحمد لله يا رينجو هبتدي الميدترمات ان شاء الله يوم الجمعة ادعيلي كدة لحسن الواحد مرعوب انت عامل ايه واحشني جدا و بقالي كتير مشفتكش.
انا معاك في قصة اختلاف العلماء و اللي هو رحمة لينا بس بردو الواحد بيبقى قلقان انا اعدت ادور في الموضوع ده كتييييييييييييير جدا لحد ما والدي قالي كلم دار الافتاء على تليفون كدة مش فاكر كام بس هجبهلكم يا رب افتكرو بس بسيب السؤال بتاعي و اخد رقم السؤال و اتصل بعدها بساعة و اسمع الرد بصوت الشيخ مصدر الفتوة و كان قال انها مش حرام + ان والد صاحبي شغال في مصر للتأمين سألته على الموضوع ده قالي انهم عندهم فتوة من شيخ الازهر بانو مش حرام و عموما نستنى ردهم تاني مش مشكلة و يا رب مانحتاجه بس الواحد يحب يكون مطمن بردو
اما بالنسبة لموضوع ضريبة العربية الجديدة فللاسف دي حقييقة و انت و نصيبك يا تيجي في حاجة كبيرة زي اللي حصل هنا مع صاحب الموضوع يا تيجي في حاجة صغيرة زي اللي حصلت معايا حكة بسيطة كدة :majd(4): و ان شاء الله تطلع بالبولش و يا رب يكفينا شر كل الناس المؤذية قولوا امين :)
جزاك الله خيرا عن النصيحة
سؤال
انا بس خدت بالي من اسم حضرتك دلوقتي (ذكر الله) لاني سمعت الاسم في المعرض و احنا بنستلم العربية
هو حضرتك كنت بتستلم يوم السبت من محمد زكي في القطامية ؟ :)
انا كنت باستلم هناك مع واحد صاحبي في نفس الوقت ...... انا اللي كان رجلي داخل فيها مسمار و باعرج :)
سبحان الله الصدف و الدنيا صغيرة فعلا :)
متصدقش كل الى الصنايعية بيقولوه
زي ما وعدتكم يا جماعة بالنسبة لسؤال التأمين انا كنت بعته لدار الافتاء المصرية و ده رقم الفتوة 802660 و ده اللينك اللي هتشوفو بيه السؤال و الرد بتاعو ط¯ط§ط± ط§ظ„ط¥ظپطھط§ط، ط§ظ„ظ…طµط±ظٹط© - ط§ظ„ط§ط³طھط¹ظ„ط§ظ… ط¹ظ† ظپطھظˆظ‰ ط³ط§ط¨ظ‚ط©
و بعتذر على التأخير علشان بس ظروف الامتحانات هبدأ ان شاء الله يوم الجمعة و اخلص الجمعة اللي بعدها دعواتكم ليا بقى علشان الواحد مرعووووووووووووب