الموضوع: الكبالن

اعراض تلف الكبلن الخارجى هى الطقطقه اثناء الدوران
اما الكبلن الداخلى فتظهر هذه الطقطقه اثنا السير فى خط مستقيم
ومن اعراضه الخشونه فى العجل ومن الممكن ان يكون سبب الخشونه بلى العجل شوف حد يكشف كويس ولو ظروفك تسمح غيرهم لو ماتسمحش بتروح لحد بتاع كبالن يصلحهملك وتمشى بيهم مؤقتا

المشاركة الأصلية كتبت بواسطة m.mostafa80

اعراض تلف الكبلن الخارجى هى الطقطقه اثناء الدوران
اما الكبلن الداخلى فتظهر هذه الطقطقه اثنا السير فى خط مستقيم
ومن اعراضه الخشونه فى العجل ومن الممكن ان يكون سبب الخشونه بلى العجل شوف حد يكشف كويس ولو ظروفك تسمح غيرهم لو ماتسمحش بتروح لحد بتاع كبالن يصلحهملك وتمشى بيهم مؤقتا

شكرا لرد حضرتك الحقيقة الطقطقة لا تظهر الا عند الدوران و لما أمشى شوية كتير أحس ان فيه خشونة جامدة أو نحرة.

حضرتك تعرف الكوبلن يكون سعره كام؟
وهل نغير التالف فقط ولا طقم؟

العربية اسبيرو 1995 1500سى سى مانيوال

تغيير التالف فقط وخاصتا اذا كانو اللى فى العربيه بتوع الفابريكه

اولا متسمعش كلام حد يقولك صلح الكبالن لان الكبالن مبتتصلحش لان الطقطقة دى بتبقى نتيجة ان الكاوتشة اتقطعت والشحم نزل من الكوبلن فاصبح البلى بيتحرك فى التجويفات بتاعتة على الناشف وده بيخلى التجويفات يحصل فيها خلوص وده اللى بيعمل صوت الطقطقة والقلق الكبير من الكوبلن لو بيطقطق وانت ماشى مستقيم مش فى الملفات بس وده يلزم تغيرة على الفور وتغير التالف بس ازا كانت الطقطقة فى جنب واحد فقط زى مانت بتقول

جزاكم الله خيرا على الردود وان شاء الله أغيرهم بس عايز أعرف هل ممكن مشلا بيهم شوية كدة ولا لا؟ وإيه الخطورة من المشى بيهم كدة؟ و معلش لو حد يعرف أسعار الكبالن

المشاركة الأصلية كتبت بواسطة samirayad

من الآخر
طلع الكبلن اللى تالف أو عامل صوت طقه وأكشف على الشحم اللى فيه
لقيت مفيش شحم أو الشحم اللى فيه مختلط بيه رمال وأتربه
يبقى الكبلن باظ وهو اللى مسبب كل المشاكل دى
وفى الحاله دى حتغير كبالن وتجرب
قبل مانفكر فى أسباب خشونة بلى

يا باشا كتر خيرك
أناكنت عايز أعرف هل ممكن الصوت النحرة اللى بيحصل معاية (الى كان سبب فى تغيير طلمبة الباور وطلع انه لسة موجود) يكون من تلف الكوبلن او خشونته نتيجة لنقص الشحم أو اختلاطه بأتربة

هى النحرة بتظهر بعد ما أمشى شوية بالعربية مش فى اول السير لدرجة انه بيعمل اهتزازات فى دواسة البنزين ودواسة الدبرياج