عرض للطباعة
ياجماعه اي حد مش لاقي اي حاجه او مش عارف يصلح فين ياريت يكلمني وانا اساعده علي اد مأقدر
م. كريم
خبير جيناوي قديم 0105885638
مبروك على الجديد يا باشا
لسه فاضل كتير ؟؟؟
الحمد لله كده انت اشتريت كل حاجه ,,
تكمل على خير ان شاء الله
شكرا م.كريم
الله يبارك فيك بكرة ان شاء الله الونش هيجى الصبح وهنروح للسمكرى ويبداء يظبط الدنيا وان شاء الله مش هتعدى 4 او 5 ايام
يعنى لو خلصت قبل يوم 20:ask: هحضر المقابلة معكم ان شاء الله
لانى بجد هموت لو مجتش المقابلة دى
طبعا يا معلم مفيش احسن من الجديد يارب بس بكرة السمكرى يظبطنى فى سعر كويس
اخر الاخبار
جبت سمكرى تحت البيت وسالتة هتكلف كام
قالى مصنعية فقط 1600 ج فقط لا غير
وعشان خطرك 1400 بس
طبعا اخدت الكلام بهزار وقاعدت ادحك ههههههه
اية الاسعار الجميلة دى
وجبت الونش ورفعت العربية وروحت للسمكرى بتاعى ناحية نادى السكة كدا
ومن هنا هنا تم الاتفاق على 600 ج مصنعية الحمدلله
وعلى فكرة هو بسم الله ما شاء الله سمكرى جامد جدا
وسلمته طبعا الكبوت الجديد والكصدام والحلية والشنب وقولتة اتوكل على الله ابدا شغل
وبعدين بعد ما فتح قالى الحديدة بتاعت الاكصدام كمان هتحتاج تتغير وسالت عليها وسعرها 500ج
وهجبها بكرة ان شاء الله وقالى كمان الفنوس الشمال لازم يتغير وجبت الفنوس فعلا بس الشكل القديم بى 240 ج
لان الجديد مش موجود وسعرة 1200 ج فى التوكيل طبعا الفرق بين الفنوس دة ودة الخلفية السوداء الى بالداخل
عشان كدا الراجل بتاع قطع الغيار عارفنى على واحد وقالى بيعملة زى الاصلى بالظبط
يعنى بيفتح الفنوس وبيرشة اسود من جواء وتم الاتفاق على 50 ج رش الفنوس
وان شاء بكرة هستلمة وهطمنك عشان اى حد لو عايز يعمل الفنوس عند الراجل دة يبقا عارف شغلة اية
نرجع للسمكرى قالى كمان ممكن الرداديتر والسربنتينا بتاعت التكيف يكون لازم يتغيروا
وممكن تكون بسيطة وينفع يتصلحوا بس قالى لما افكهم بكرة ان شاء الله هنعرف
بس سالت عليهم لقيت الرداديتر عامل 1100 ج والسربنتينا مش موجودة غير فى التوكيل
وسعرها هيعدى ال 2000 ج
بس موجود استيراد بى 800 ج
فربنا يستر ويطلع فيهم حاجة بسيطة وينفعوا يتصلحوا
عشان كدا الموضوع فتح جامد
الله ينور عليك كده تمام التمام
هوه السمكرى هيخلص وطبعا" هيحاول يبعتك لواحد بوهيجى تبعه وهيحاول يقنعك انه أحسن بوهيجى فى جمهورية مصر العالميه
أوعه
سمعت الكلمه ديه أوعه
عارف ليه ؟؟؟
المعروف أن البوهيجى لو يعرف السمكرى لو فيه خطأ فى السمكره أكيد هيدارى على شغله بالمعجون يعنى هيرسمهالك بالمعجون وطبعا" شكلها هيبان علشان مهما عمل مش هيدارى شغل السمكرى والمعجون بيغير لون البويه فى الشمس .
طاب هتعمل أه ؟؟
والسمكرى شغال فهمه أن العربيه هتبقى سمكره فقط والبوهيجى عندك وكمل شغلك للأخر وفرجنى ولو فيه حاجه عايزها بلغنى ... متتسرعش مسيرها هترجع زى الأول ان شاء الله وساعتها هتفتكرنى .
يا احمد انا فاكرك من دلوقتى والله
فعلا انا عملت كدا بالظبط زى ما انت قولت البوهيجى تابع ابن خالى وفى الحرفين
يعنى منطقة تانية خالص وملوش اى علاقة لا من قريب ولا ومن بعيد بالسمكرى
دة غير انى احتمال امشى بيها شوية صغيرين قبل ما ارش عشان الفلوس
لانى حتى الان صرف 3200 ج والله اعلم بالى جاى
بالتفصيل 2350 قطع غيار
600 سمكرى
230 ونش
ولسة شحن التكيف وطبعا الرش
عشان كدا احتمال استنا ولو اسبوع واخد استراحة من المصاريف :11air[1]: