ايوا الى اتكسر ممكن يتصلح ان شاء الله
بسم الله الرحمن الرحيم
انا فتحت التوبيك دة عشان افيد كل الناس اصحاب الجين
لو لا قدر الله حد حصلة نفس مشكلتى هيستفد ساعتها من التوبيك دة ولو 1 % حتى
وفى نفس الوقت اعيشكم معيا رحلة تصليح الجينا خطوة بخطوة ان شاء الله
اولا دة التوبيك بتاع الحدثة عشان الى مشفش الصور موجودة فى تانى صفحة
http://www.nilemotors.net/Nile/104782-a.html
وان شاء الله هصورها بردوا فى الاخر بعد انهاء الرحلة دى
قبلتنى مشكلة قطع الغيار واهم قطعة محتاجها والوحيدة تقريبا الاكصدام الامامى
واستفدت جدا من الموضوع دة بتاع استاذ احمد
http://www.nilemotors.net/Nile/103347-a.html
واتصلت تقريبا باغلب المحلات وكان معظهم يقولى لا مش موجود للاسف
عدا بس محلين الراعى ودة كان عايز يبعلى معه الكبوت والفوانيس اجبارى
ومحل تانى قالى سعرة 950 ج يعنى اغلى من التوكيل 50 ج
ولما سالته السبب قالى لانى مش موجود ونادر جدا حتى فى التوكيل نفسة
وطبعا كلامة حقيقى والدليل المحلات الى كلمتها معظمهم مش عندهم الاكصدام الامامى
واخيرا جاه توفيق ربنا واتصلت بى محل اولاد علام وكنت قلقان جدا لان دة اخر امل
الراجل قالى كويس انك لحقت لانى معنديش غير اخر واحد والله عشان لسة باعت كام واحد للتوكيل ودى كنت معلومة طريفة جدا
طيب تمنة كام 500 ج فقط لا غير ( سعر تحفة )
بس لازم هتاخد معه الكبوت قولته انا مش هغير الكبوت انا هصلحة انا عايز الاكصدام بس
من هنا لهنا الحمدلله الراجل طلع جدع ووافق انى اخد الاكصدام بس
وجبت الاكصدام بالفعل الحمدلله وهنزلكم صور ليه النهردا كمان ان شاء الله
كفاية كدا النهردا وبكرة هقولكم الخطوة الجاية اية ان شاء الله