الموضوع: ازاي ينصلح الحال .......يا بلد !!!!!

المشاركة الأصلية كتبت بواسطة husseinoo

حسبنا الله ونعم الوكيل

شوف الموضوع ببساطة

قول 15 مليون موظف
مرتبات مللاليم

يكمل مرتبه من باقى المواطنين

يبقى احسن حاجة تسيب الدنيا ماشية بالمشقلب
والموظفين هياكملوا مرتباتهم منك ومنى

وموش هايشتكوا للحكومة وموش هايطلبوا زيادة مرتبات
والحياة تمشى

يعنى من الآخر شعار الحكومة هو
"لبس ده عمة ده"

والحياة تمشى فى هدوء ويتم رفع الضغط من على الحكومة والمطالبة برفع المرتبات

لو قعدنا نكلم للصبح
احنا هانتجنن ونروح مشتشفى المجانين
ومافيش حاجة هاتتغير

يعنى واحد زى ده بيعملوا مرتب شهرى محترم اكثر من مرتب اجدع طبيب فى بلدك
اجدع من مرتب اجدع مهندس اكل دماغه فى التعليم
عايز ايه تانى

ثوانى
ها طلع نفس من جوه قبل ما افرقع من الغيظ

اوك نكمل الكلام
ولا بلاش مالوش لازمة الكلام

حد يقول لنا نكتة احسن
خلينا نضحك على همومنا وننسى شوية

اسمع النكتة دى
بيقول لك واحد محمل فراخ
قابلته لجنة
سؤال من اللجنة للسائق : انت بتأكل الفراخ ايه
السائق: بأكلها قمح
اللجنة : يا خبر ابيض بتأكلها قمح واحنا عندنا ازمة عيش ... غرامة مية جنيه
بعد شوية قابل السائق لجنة تانية
اللجنة : بتأكل الفراخ ايه
السائق: بأكل الفراخ "زبالة"
اللجنة : يا خبر ابيض ... انت موش فاهم ان ده فى ضرر على صحة المواطن ... 100 جنيه غرامة

بعد شوية لجنة تانية
اللجنة: بتأكل الفراخ ايه
السائق: ما بأكلهاش ... كل فرخة اديها مصروفها وهى تروح تاكل اللى هى عايزاه

ربنا يهدى الجميع

حلوة النكتة