الموضوع: استفسار عن المرايات فى التوكيل وخارج التوكيل

المشاركة الأصلية كتبت بواسطة zoro007

السلام عليكم
اهلا شباب

المرايه الشمال اللى جمب السواق اتكسرت عندى امبارح من القاعده لكن المرايا كلها سليمه
روحت لبتاع ابواب قلى متنفعش تتلزق لازم تجيب مرايا جديده

فلو حد عنده فكره عن انى اجيب قاعده بدل مشترى مرايه كامله جديده يقلنا

وبكام سعر المرايا الجديده بالتوكيل وخارج التوكيل لانسر 2001 مكواه ... المرايا كهرباء

ومنين اجيب المرايا لو من خارج التوكيل انا فى شارع الخليفه المأمون بمصر الجديده وقريب منى شارع دمشق واعتقد فى شارع دمشق محلات لقطع غيار اللانسر ولا ايه وهل اسعارهم غاليه ولا فيه مكان افضل اسعارهم معقوله ؟

ارجو الافاده

القاعده موجوده لوحدها و لكن غير أصليه و معموله هنا فى مصر حديد و ليست فبر (حاجه كده بلدى يعنى بس بيقولوا شكلها كويس مش وحشه بس محتاجه تترش إسود) و المعلومه ده كنت قرأتها فى موضوع موجود هنا فى المنتدى و صاحب الموضوع كان قال إنه لاقاها عند مركز خدمة الرواس اللى فى العجوزه و ركبوهاله هناك و تمام التمام و بعد كده لقاها فى بعض محلات قطع الغيار بس أعتقد هتلف عليها شويه (لو غلبت فى المحلات روح فرع الرواس المذكور) و علفكره مش غاليه لأنها ليست قطعه أصليه و واضح إنها معموله مخصوص للانسر لأن غالبية مشاكل الكسر فى المراية بتاعتها بتكون فى القاعده و زى محضرتك ذكرت مش بتتباع لوحدها.

ملحوظه: مراية المكواه هى مراية البومه و الجديده من التوكيل تعدى ال800 جنيه على ما أظن و التايوانى بحوالى 250 جنيه

انا حصلت عندي نفس المشكلة بس في المرايتين الحل الاكيد واللي هيريحك قووي قووي انك تشتري مراية تاوني وهي عاملة 140 جنيه وتاخد القاعده بتاعته تركبها على المراية الاصلي بتاعتك لانها سليمة زي ما بتقول وتعين المراية الكوري لو حصل اي حاجة لا قدر الله تاني والمراية متوفرة في اي مركز قطع غيار وزي ما قلتلك ب140 جنيه بس

متشكر جدا ياشباب على الافاده

انا مش عارف الاسعار غاليه ليه كدا دى مرايه يعنى لا راحت ولا جت وملاحظ اى شىء فى قطع غيار العربيات مولع جدا انا لسه جايب مسمار اللى هوه طبة فتحة الزيت للمكنه ب 30 جنيه وفى نظرى ميساويش 2 جنيه

يلا قدر الله وماشاء فعل
على العموم لو ملقتش القاعده لوحدها زى مقال الاخ mohamedway هجيب المرايا الكورى
هروح شارع دمشق النهرده اسال عليهم وربنا يسر ان شاء الله

ولو فيه اى جديد هذكره هنا بالموضوع لتعم الفائده على الجميع

انا روحت شارع دمشق وجبت المرايه تايوانى ب 150 جنيه هيه فى الشكل زى الاصليه لكن الاداء سىء خصوصا فى قفلة المرايه والخامه بتعتها ... بس اهه اى حاجه تسد الغرض :)

سالت على الاكصدام البارز بتاع المكواه اللى هوه 2003 عرفت انه مش موجود تقليد منه الاصلى بس تقريبا على 1700 جنيه :s
التقليد للاكصدام العادى فقط

اللى يعرف اى طريق للاكصدام البارز دا تقليد ياريد يفدنا