الموضوع: شوية مشكل فى لانوس 2001 ماشية 38000 ما غيرتش اى حاجه نهائى

اولا احيكم بشده على هذا النتدى الرائع جدا جدا
لانى اعتبر النت بالنسبه لى زى بيتنا بعد عليها من سنين طويلة لكن انقطعت منذ سنتين نظرا لتغير شغلى وشغلى الجديد واخد كل وقتى
وكان عندى مشكلة دائما فى حصولى على معلومة تخص عربيتى القديمة (اكسل 97) لان ما كانش فى مواقع مصرية تهتم بموضوع السيارات فكنت الجا الى المواقع الخليجية اللى كانوا بيهرونى تريقة على المشاكل اللى بعرضها على اساس انهم بيعتبروا ان عربياتنا دى (الفيات الهيونداى الدابو الكيا)عربيات غير صالحة للاستخدام الادمى.
المهم انا سعيد بالموقع ده اللى كلنا فية راكبين عربيات زى بعض تقريبا

مقدمة طويلة -:)))

المشاكل

من شهر اشتريت عربية والدى الذى لا يستخدمها اطلاقا منذ ان جابها على الزيرو (لانوس 1500 فول اوبشن مانيوال موديل 2001 ماشية 38000 كم) .
العربية يا جماعة زيروا بمعنى الكلمة فهى عربية والدى وانا عارف قصة حياتها من يوم ماجبتها وبدون اى مبالغة العربية كبوتها ما اتفتحش الا على شان الزيت تغيير الزيت وتغيير البطارية فقط لا غير بمعنى ان حتى لم يتم تزويد زيت الفرامل من يوم ماجبناها ولا بوجيهات ولا سيور ولا اى حاجة حتى البرلاستيك اللى على الكراسى انا اللى شيلته ومع ذلك اعانى من الاتى :-
1- العربية سحبها وحش جدا جدا مقارنة بالاكسل اللى كنت مطلع عنيها وعاملة 160000
2- لما بشغل التكييف العربية بتتحول الى 128 خربانه يعنى الموتور مضبط والار بى ام مضبوط برضه لكن السحب ضايع اللى ركب عجلة اطفال من اللى بثلاث عجلات ممكن يطلع منى بدون بذل اى مجهود (هل السحب هبتظبط لو غيرت بوجيهات وفلاتر ولا ايه رايكو اروح التوكيل يمكن تكون كمبيوتر او رشاشات ولا ايه)
3- فى صوت ونه وانا ماشى حتى على سرعات تبدا من 40 كم/س (فى ناس افتو وقالولى ان الكاوتش من الركنة بس انا حاسس من خبرتى مع الاكسل ان الصوت ده صوت بلى امامى)
4- مشكلة المشاكل الفرامل وحشة جدا على سرعات عالية او عادية بحس ان العربية بتمووت على شان تقف وبحس ان فرامل عجلة ابنى عمر احسن منها.

افيدونى افادكم الله لانى محبط جدا بعد التغيير الاكسل كانت عفريتة وبحط رجلى على البنزين بتنط من على الارض على فكرة من حبى فيها اديتها لاخويا الصغير لانى معجب بيها جدا اعدت معايا 5 سنوات لم اغير فيها الا طلمبة المياه بجانب الصيانة الدورية وعمرها ماعطلت منى او خذلتنى حتى لما بتقوم علي الجنونة واشد مع حد كانت بترضينى
اما بعد الاختراع اللى اسمو لانوس فانا حاسس وكانى اول مرة بركب عربية على فكرة لى تجارب كثيرة مع السيارات (128 - بولونيز - هيونداى - تويوتا ايكو وكرولا هوندا سيفك 88 ) بس مع اللاونس انا تلميذ...

طولت عليكم مووت وتلاقيكم بتقولوا ايه وجع الدماغ ده

[quote="Sherif Khalifa"]

مش عايز يبيع طيب :

لازم يعدي عليها 30 سنة علي الاقل لما الناس تركب عربيات بتطير علشان يغيرها :D

انا راي الاسلوب ده مش بيبوظ العربية
مش علشان الاسلوب كويس لكن علشان المنتجات بتطور و الحاجات بتستحمل الاستخدام السئ
لكن ده ما يمنعش انها ممكن تقل في اي وقت و تعمل مشكلة كبيرة
لان الاسلوب ده مش اسلوب التشغيل الامثل اللي الناس اللي اخترعوها قالوا عليه