يا جماعة عايز مقارنة بين هيونداي فيرنا و رينو لوجان مع إبدأ الأسباب......
مع الشكر...
عرض للطباعة
يا جماعة عايز مقارنة بين هيونداي فيرنا و رينو لوجان مع إبدأ الأسباب......
مع الشكر...
لوجان عائلية بمعنى الكلمه عاليه بالنسبه للفيرنا ثبات وعفشه محترمه جداا شنطه واسعه أوي و وسائل الأمان افضل بمراحل من الفيرنا فيها إيرباج و واخده 3 من 5 في إختبار السلامه الاوروبية
و توكيلها محترم ثبات حتى 140 ما جربتهاش في عضو إتكلم في النقطه دي
40% منها تقفيل مغربي و قطع غيار أغلى من الفيرنا
تكيفها كويس و ما ياثرش على السحب
ماتور 90 حصان و إستهلاك بنزين كويس
كوبيوتر رحلات
و مفتاحها إمبوليزر لا تعمل إلا بمفتاحها الأصلي
الكنبه اللي ورا فيها أحزمة أمان
فيها فوج لايت 2 قدام و واحد ورا
كاسي سيدي ماركه blaupunkt ماركه محترمة جدا بس cd عادي مش mp3
اللوجان مش معروف سعر إعادة البيع لأنها لسه جديده
الفيرنا جراية أوي ماتور جامد فرامل ضعيفه نسبيا عفشه مش زي اللوجان و سائل أمان مش موجوده واطيه مع التحميل هتحك في المطبات و صالونها مش واسع زي اللوجان
قابله للترويش اللوجان في رأيي غير قابله للترويش خالص
مش ثابته بعد 120
تقفيل مصري
تتصلح في اي حتى و قطع غيار أرخص
توكيلها غبور دي حاجه وحشه
بالنسبه للتكيف عموما الكوري يكسب
ماتور 102 حصان على ما أعتقد
الفيرنا عباره عن أكسنت 2004 نفس التصميم و ثابت على كده
الفيرنا بياعه مش هتخسر فيها كتير
الإتنين فول أوبشن 67 ألف
و لك حرية الإختيار بس أنا كنت محتار و جبت اللوجان لسه إمبارح
لوجان
الرينو في اعاده اليبيع عموما بتخسر كتير أما الهيونداي مطلوبه جدا . قطع غيار الرينو أغلي بكتير من الفيرنا . بصراحه الاختيار صعب .
فيرنا احسن متوفرقطع الغيار
وسيارة مدينة
لو مستعد تتحمل قطع الغيار والصيانه هات اللوجان ..لانها زي مالاخوه ذكروا افضل من جميع النواحي
مافيش كلام بعد الاخوه الافاضل تكرموا بيه
انا من رايى اللوجان افضل
ووفقك الله لما فيه الخير
لوجان ومتترددش
لوجان
رينو لوجان طبعا وممكن تستنى لبداية يناير 2010 لوجان هاتشباك حتنزل شكلها احلى ونفس الكماليات
كنت فى نفس الحيرة مقارنة باللانوس والفيرنا
وفى الاخر استقريت على اللوجان والحمد لله مش ندمان
فيرنا و بدون ابداء اسباب علشان محدش يزعل
فيرنا
طبعا الشكل بس دي أذواق
قطع الغيار أرخص
سعر اعادة البيع
تعرف تصلحها في اي حتة
موتور اقوي
رينو لوجان طبعا للأسباب التالية:
1. هيكل السيارة وصاج أجمد
2. عفشة ونظام تعليق ممتاز بشهادة كل من ركبوا السيارتين
3. توكيل محترم لا يستغفل الناس ومش بيبيع عربية موديلها اتوقف على أنها جديدة موديل السنة
4. أمان أفضل فى اللوجان وفيديوهات اختبارات السلامة تشهد بكده
5. سعر منافس جدا وكماليات أكتر من اللى موجودة فى الفيرنا بتاع أخينا (؟بور قصدى غبور)
يعنى من الاخر صفقة موزونة ومتكافئة الجوانب واحسبها صح مش زى اللى بيقولك الفانوس بكام وتحطلها بنزين 80 ارخص ولا قطع غيار بكام ومش مهم بقى معمرة ولا لأ
و هو مين بيحط 80 في الفيرنا؟اقتباس:
يعنى من الاخر صفقة موزونة ومتكافئة الجوانب واحسبها صح مش زى اللى بيقولك الفانوس بكام وتحطلها بنزين 80 ارخص ولا قطع غيار بكام ومش مهم بقى معمرة ولا لأ
لوجاااااااااااان بلا تردد
رينو لوجان
لوجان بس قطع الغيار غالية
1- الهيكل مقدرش اتناقش فيه لأني معرفش اخباره اية في اللوجان... مع الأخذ في الإعتبار ان في الفيرنا احسن من هيونداي قبل كدا
2- برضه مقدرش اقارن.. بس عفشة الفيرنا ناعمة و مريحة و يعتمد عليها عن تجربة
3- سياسة تسويق اللوجان شبيهة بسياسة تسويق الفيرنا على فكرة... لو حضرتك بس ركزت شوية.. هتلاقي ان زي ما الفيرنا بتستخدم محرك عربية قديمة نسبياً (محرك الإلانترا القديمة) فاللوجان برضه بتستخدم محرك قديم برضه (محرك الميجان القديمة- الكلام دا من نايل موتورز).. بحسبة بسيطة هنلاقي ان مفيش حد بيضحك على حد و هي صناعة السيارات كدا
4- اكيد اللوجان تتفوق في دي
5- هي النقطة الوحيدة اللي شايفها للوجان هي كمبيوتر الرحلات
نقطة البنزين ناقشت حضرتك فيها قبل كدا و لسة مش فاهم قصد حضرتك اية؟
بس ممكن نلاقي نقطة تفوق للفيرنا.. وهي
المحرك القوي: مش قصدي طبعاً ان المفروض تجيب بالعربية 200 ولا حاجة .. بس الميزة فيه انه بيخلي تأثير التكييف على سحب العربية بسيط مع اني كمان نفسي الصيف يجي عشان نعرف نجرب و نقارن اللوجان بالفيرنا في التكييف
يا ريت حضرتك تتقبل رأيي و على فكرة لو كانت اللوجان موجودة ايام ما كنت بشتري ..اكيد كنت هشوفها برضه (و دي دايماً نصيحتي لأي حد بيفكر في العربيتين)
أنا أرشح اللوجان واشتريتها بالفعل بعد مقارنات كثيرة.
بس الفيرنا عربية كويسة
وتتميز عن اللوجان فى الأشياء التالية فقط :
قطع غيار متوفرة خارج التوكيل بسعر كويس
ممكن تتصرف فى مشاكلها خارج التوكيل عشان الميكانيكية عرفوها
بس الميزات دى مسألة وقت بالنسبة للوجان مش أكتر ..
أنا قصدى قوة تحمل العفشة للطرق اليومية الجميلة جدا والمعروف أن مشكلة الفيرنا دايما فى العفشة تحديدا الخلفية اللى بتحتاج تربيط كل شوية وبتأثر على حالة وتآكل الاطارات وطبعا الامامية عشان الكبالن والمطبات
يعنى رأيى ان عفشة اللوجان اقوى من الفيرنا مش مسألة أنعم وأنشف
كلام حضرتك صح فى شق فكرة بناء السيارة وتسويقها مع الفارق ان الفيرنا هى الاكسنت موديل من 2000 وحتى 2005 يعنى مشكلة السيد المحترم غبور أنه بيبيع موديلات مختلفة من نفس الطراز (اكسنت) فى نفس التوقيت على انها موديلات السنة مع اختلاف السعر
والعملية مش حكاية بقى موتور قديم ولا جديد دى تقنيات وفنيات تانية
وأختلف مع حضرتك فى إن مفيش حد بيضحك على حد :dontudear:
ده اسمه غش تجارى واستغفال المستهلك اللى ما يعرفش حاجة والمفروض يحاسب عليه القانون بس فى بلد القوانين أكيد مش عندنا
كومبيوتر الرحلات أصبح متوفر فى اكتر من شكل فى اغلب الموديلات والطرازات الحديثة يعنى مش باعتبرها ميزة تخلينى اشترى اللوجان او غيرها
بالنسبة لموضوع البنزين :U_thin1[1]:
قصدى اقول لحضرتك ان فيه بعض الناس بيحبوا يسترخصوا ويحطوا بنزين 80 فى عربيات ماقبل سنة 2000 او فى عربيات حديثة وتعتمد على محركات قديمة نوعا ما زى اللوجان وموتور ال8صمامات بتاع الميجان 1 او الفيرنا وموتورها بتاع الاكسنت
انا شخصيا ما بأشجعش على كده بس للأسف الشديد فى ناس بتعمل كده عشان توفر ومش بتفكر فى عمر المحرك ولا انه لازم يتزبط عشان يحقق افضل حرق للوقود
ولا يهمك ياباشا شكرا على ردك وانا مش زعلان ولا حاجة
احنا مهمتنا نقول المزايا والعيوبة واضحة وبكل شفافية عشان اللى ناوى يشترى عربية معينة يبقى عارف عيوبها - ان وجدت - ومتكيف معاها قبل اما يركبها مش يفاجأ بعكس ما كان فاكر :vctry:
سعادتك اللوجان اصلا مش مندرجة تحت تصنيف رينو رسميا، مجرد وورلد كار يعني عربية للعالم الثالث، زيها زي الباراتي و السوران و الباليو و العك ده كله
اللوجان شكلا رديئة جدا، و عموما دي مسألة أذواق، بس اهم حاجة تبقى عارف انك لما تشتري اللوجان انت مش هيبقى اسمك راكب رينو نهائيا
اذا كنت تقدر تستحمل تركب عربية شكلها زي ما يكون طفل بيلعب صممها و لم يتم الاعتناء بالتفاصيل الداخلية للسيارة زي مكان زراير الزجاج الكهربا و الكلاكس اللي في ذراع الاشارات (دي موتتني من الضحك)، يبقى تقدر تفكر في اللوجان
و لو اني أشتري اسبرانزا a516 احسنلي بكتير من اني أشتري اللوجان او الفيرنا...
يعني إيه لم يعتنوا بالتفاصيل الداخليه هو عشان كلاكس و زرار كهربا خلاص اروح اشتري الفيرنا !! دي تفاصيل ثانوية شوف الكاسيت البلاوبنكت شركه المانية محترمه جداا و أربع سماعات بلاوبنكت مش كاسيت الفرينا !!اقتباس:
اذا كنت تقدر تستحمل تركب عربية شكلها زي ما يكون طفل بيلعب صممها و لم يتم الاعتناء بالتفاصيل الداخلية للسيارة زي مكان زراير الزجاج الكهربا و الكلاكس اللي في ذراع الاشارات (دي موتتني من الضحك)، يبقى تقدر تفكر في اللوجان
شكل العربية ده مخلي مساحتاها أكبر من الفيرنا بكتير كفاية مساحة الشنطه و إنها بشكلها ده ثابتها و إستهلاكها كويس جداا مش زي الفيرنا بتطير بجد بعد 120 ( يعني العربية معمول حساب الإيروداينمكس كويس )
دي فعلا عربية معمولة لمصر
إنت بتتكلم كده و خلاص إدخل على موقع رينو هما يعني مستعرين من العربيةاقتباس:
سعادتك اللوجان اصلا مش مندرجة تحت تصنيف رينو رسميا
الي جايب لوجان جايب رينو
:dontudear::dontudear::dontudear:
هانعتبر إن ده رأى حضرتك الشخصى ومش حكم عام على الرينو لوجان اللى مافيش أكتر من موضوعات عنها فى المنتدى بس يبدو إن سعادتك مشغول لدرجة إنك لم تقرأ حتى تقرير الزميل (نادر نبيل) بعناية والذى تناول السيارة بالتفصيل الملل
ومش فاهم يعنى إيه راكب عربية عليها شعار النجمة الماسية الخاص بالصانع الفرنسى العريق وفى الأخر هابقى مش راكب رينو نهائيا ؟!!!!!!!!! :whtauwant:
ياريت حضرتك تفسر لنا الظاهرة الغريبة دى:ask:
أخيرا....
على الأقل اللوجان عربية ليها أصل وفصل وتاريخ معروف ومعلن للجميع
وأنا شخصيا متابع أخبارها من أول أما كانت رسمة (عيل صغير) راسمها فى اسكتش كراسة الرسم بتاعته فى KG-2 لحد أما شافت النور فى 2004 كده وبقت عربية تملى العين
مش زى الاسبيرانزا (اللقيطة) اللى لا ليها ماضى ولا مستقبل هى وأخواتها الحلوين بتوع الصين الشعبية الشقيق :3mla: واللى فجأة لقيناها وسطينا كده من غير إحم ولا دستور
عموما لولا اختلاف الأذواق لبارت السلع
وأكيد فيه اللى حابب زراير الزجاج فوق الفتيس والكلاكس اللى فى ذراع الاشارة :B4_007:
هو يبدو يا y2y انه مدرك انه لا مجال لوضع سبيرانزا مع رينو فى خانة واحدة فقال لك نجردها من شرف رينو أولاً علشان نعرف نتكلم عن سبيرانزا ..
يا جماعة من فضلكم اللي سمع حاجة عن العربية يقلها بكل حيادية و بدون اي هجوم
اللوجان زيها زي اي عربية جديدة لازم تتواجه بهجوم لا لشئ الا انها عربية جديدة و خلاص
بالنسبة للاستاذ اللي بيقول انها لا تمت بصلة لرينو مع احترامي الشديد لحضرتك فهي رينو بنسبة 100% و هسئلك سؤال لما bmw بتيجي تقفل عربياتها هنا في مصر هل ده معناه انها مش bmw ؟ اكيد لأ لان bmw مش هتخاطر بسمعتها علشان توفر تكلفة التقفيل في عربية معروفة اصلا بالرفاهية لكن ليه متوفرش طالما مش هتأثر عليها
طيب ازاي مش هتأثر عليها لان بكل بساطة هي اللي عاملة المصنع بنفس التكنولوجيا و نفس الكفائة بنفس التدريب بنفس المكونات بس في بلد تانية
نفس القصة بالنسبة لرينو شارية نسبة 80% تقريبا من اسهم داتشيا يعني هي المالك الاصلي للشركة و بتصنع اللوجان هناك و بتصدرها لدول اوروبية لو الدول دول مش مقتنع بالتقفيل المغربي مكانوش هيدخلوها بلدهم من الاساس و بعدين ما الميجان السيدان متقفلة في تركيا هل معنى كدة ان الميجان لا تمت بصلة لرينو؟!
بالنسبة لقصة التصميم فدي مسألة اذواق مش هقدر اتكلم فيها لكن اللي هتكلم عليه هو الايروديناميكس بتاعة العربية دي و اللي هي معمول حسابها بشكل مش طبيعي فيها علشان يخليها ثابتة على السرعات العالية بالرغم من علوها على الارض و اللي بيقلل ثبات اي عربية + استهلاكها للبنزين الاكثر من رائع بالنسبة لعربية 1600 كامة واحدة و عربيتي لسة في التليين مكملتش 850 كيلو و بتستهلك تقريبا جوة البلد مع التكييف حوالي 9 او 9.5 لتر\100 كيلو و على الطوالي مع التكييف 7ز5 كيلو سرعة من 100 الى 120
التكييف لا يؤثر تماما على اداء العربية لان موتور العربية محترم جدا و متناسب مع البودي بتاع العربية و معمول حساب تحميل التكييف
بالنسبة لاماكن الزراير فدي متكررة في الرينو بوجه عام يعني نفس اماكن الزراير موجودة في الرينو رينبو في ما عدا زراير الازاز في مكانها الطبيعي قدام اما بالنسبة للازاز اللي ورا فهو موجود في نفس المكان في الهيونداي اكسيل ليه بقى دي مكنتش وحشة و اماكن غريبة
و الكلاكس و الزراير مع التعود من اول مرة بتاخد عليها
انا و الله مش متحيز للوجان لكن الكلام اللي بيتقال عليها ده مش صح و مضلل لمتخذ القرار و علشان الحيادية نيجي للفرنا
مميزاتها في انها عربية معروفة و ميكانيكتها سهلة لان الميكانيكية حافظينها
قطع غيارها اسعارها معقولة بشكل كبير جدا
اما بالنسبة للوجان فميكانيكتها بردو مش معقدة عادية
قطع غيارها غالية نسبيا لكن معمرة و بترخص يعني الفانوس اللي قدام كان ب500 جنيه في التوكيل نزل منو دلوقتي تركي و تايواني اسعار 425 و 250 عند واحد اصلا سعره غالي يعني ثمنهم في ال 300يات ده سعر معقول بالنسبة لعربية لسة جديدة في السوق
لو حضرتك عاوز تستفسر عن اي حاجة في اللوجان انا تحت امر حضرتك و كل وحوش رينو كمان
كنت فى نفس الحيرة مقارنة بالاسبرانزا والانوس والفيرنا
وفى الاخر استقريت على اللوجان والحمد لله مبسوط جدا ومقتنع تماما ومش ندمان....توكل على الله واحسم الموضوع وصلى صلاة استخارة وربنا يوفقك
و الله اي حد فيكم يشوف موقع renault.com و يدور كده على حاجة اسمها رينو لوجان و اراهن انك تلاقى حاجة بالاسم ده، مش هتلاقيها غير على موقع رينو المصري باسم رينو
ليه بقى؟
لأنها أصلا عربية تابعة للشركة الرومانية داتشيا اللي اشترتها رينو، خد بالك انها داتشيا مش لانشيا عشان محدش يتخم
و معنى ده انها مش رينو، مش معنى ان رينو ضحكت علينا و نزلتها بعلامتها عشان تكسب سوق انها فعلا رينو، و انا واثق انه لو العربية كانت نزلت بلوجو داتشيا مكانتش باعت 3 عربيات على بعض
الاستاذ اللي بيتريق عليا، ده فعلا رايي الشخصي، بس مايمنعش انه يكون صح أبدا
الاسبرانزا صيني، شيري الصينية، ايوه ماركة جديدة، و ايوه صيني، و ايوهماعنهمش خبرة، بس في الاخر انا باقارن بين عربيتين، و واحدة فعلا أحسن من التانية، لا ليا دعوة بعراقة شركة (و دي زي ما قولتلكم خدعة) و لا ليا دعوة ببلد المنشأ (اللوجان لا علاقة لها برينو فرنسا بتاتا)
أنا قرأت كل التقارير عنها، و مايفرقش معايا نهائي، العربية واضحة زي الشمس قدامكم، لو شيلت لوجو رينو هلاقي الكل بيشتم فيها شكلا و موضوعا
اللي زعلان على فلوسه مايتريقش عليا عشان يحلل القرشين، ربنا يعوض عليه و يصبره عليها، و كل واحد له راي و ذوق، و راعوا كويس اني لما انتقدت العربية مانتقدش اي حد من ملاكها ولا اتريقت عليه، عكس اللي سيادتكم ترمتم و عملتوه، و انا باشكر الاستاذ superiorboy على اسلوبه المتحضر في النقاش، و الف مبروك على كل واحد العربية اللي تعجبه و يا رب نولنيC280
سلام عليكم!
أخى العزيز
أنا لا معايا العربية ديه ولا ديه
بس للأمانة، اللوجان موجودة على موقع رينو العالمى. الدليل الرابط التالى
Renault.com - Renault Logan
وعلى فكرة ديه غير داتشيا لوجان اللى موجودة فى نفس الموقع على الرابط التالى
Renault.com - Dacia Logan
وده تقريباً علشان الاختلافات