Corolla highline 2010 South Africa

**Doush_csf** · 07-06-2010 12:10 AM

مبروك لصاحب الموضوع

المشاركة الأصلية كتبت بواسطة د.محمود صلاح

العربية دى تبقى ممتازة لو بمرايات ضم وفتحة سقف , لكن للأسف الحلو مايكملش

بصراحة شكليات قوي جنب الامكانيات اللي فيها

المشاركة الأصلية كتبت بواسطة zinc

اعتقد ان المرايات الضم في الياباني و ليس الجنوب افريقي

كلام سليم , بس في المقابل الياباني موتور قديم و نص الأوبشنز مضروبة (راكبة في السعودية مش في بلدها )
زي الكاسيت مثلا والفوجات (الفوجات في الجنوب افريقي نوعها VALEO ودي ماركة غنية عن التعريف وخاصة للّي راكبين عربيات فرنساوي, إنما في الخليجي نوعها أسكت مسكتش ) . و حضرتك شوف الكاسيت اللي في الصورة هتلاقي اللي في الخليجي عندنا هنا مختلف (مع العلم إن اللي في الصورة هو هو الكاسيت اللي نازل في الجنوب افريقي )
4shared.com - photo sharing - download image Corolla 08 (interior) khaligi.JPG

المشاركة الأصلية كتبت بواسطة محمد ابراهيم 1

ألف مبروك يا باشا بس برضة الجيتا حاجه تانية

مع فائق الاحترام للالماني, الفرق مش زي ماحضرتك متخيل.
و على فكرة امبارح واحد معاه بيجو 406 موديل 2006 فبريقة بالكامل( عربية وهم ماشاءالله, أنا بقول فبريقة عشان أوضح إنها حالة ممتازة ) ركب الكورولا من التجمع الخامس لحد مصر الجديدة (28 كم ) و انبسط جدا من الأداء والثبات والتكيف واستهلاك البنزين و قال إنه كان واخد فكرة غلط تماما عنها ,مع العلم برده إن والده معاه مرسيدس 2009 C 200 كمبرسور يعني واحد راكب الماني وفرنساوي بجد مش بقى جيتا و بولو والحاجات اللي الألمان بيعتبروها 128 دي

**mohie777** · 07-06-2010 03:16 AM

ألف مبروك يا باشا

**asa2005eg** · 21-06-2010 10:25 PM

الله يبارك فيكم جامعين

**ahmedbeirut123** · 22-06-2010 10:55 PM

عيا اعتمادية وسحبها حلو و واسعة وكل حاجة

بس لو كانو اليابانيين يحسنو من شكلها شوية

كانت تكتسح

**abou-yahia** · 23-06-2010 09:01 AM

امبارح سعدت بقيادتي للسياره يتاعت صديق لحوالي 60كيلو ذهاب وعوده من والي المطار

العربيه سابت عندي انطباع ايجابي جدا جدا

احلي حاجه تعجبك في العربيه اول لما تدخلها صوت المتور غير الملحوظ نهائي والعزل الجميل للكابينه الداخليه سواء عند السير ببطئ او بسرعه عاليه لاكن ممكن اكون مخطئ كنت سامع صوت بسيط للهواء مع جسم العربيه مع السرعه فوق 120 .

العربيه السحب بتاعها بصراحه مفيش بعد كده التكييف عايز اقول انه مالوش تاثير فعلا ليه عشان انا لاحظت التاثير لما قفلته العربيه فرقت في السحب كتير وغير كده العربيه مع التكييف سحبها ممتاز جدا والعربيه تحس انها مش بتعاني معاك عشان تديك اللي انت عايزه منها .

العفشه ناعمه مش قوي ومن احسن العربيات في الفئه ديه اللي انا ركبتهم .

النقطه السلبيه الوحيده اللي انا حستها وضعيه القياده وخاصه وضع كرسي السائق بصراحه مش حلو تاخد وقت كتير لغايه ما تضبط وضع الجلوس امريح وخصوصا ان التحكم في ارتفاع الكرسي يجب ان يتم وانت مش علي الكرسي . انا والحمدلله طويل لقيت اني مش عرف اقعد غير لما ارخفض ارتفاع الكرسي وده خلاني ماسك عجله القياده وكتافي مشعلقه يمكن اكون غلطان عشان ديه اول مره لاكن بصراحه انا الحمدلله معايا اوبترا احلي حاجه فيها قصه قعده السواق ديه جميله جدا ولاتجد صعوبه في تعديل الي الوضع المناسب لاي سائق .

التاره صغيره علي حجم التابلوه حاسس انها كانت لازم تكبر اكتر من كده خصوصا اني حاولت اعدل من شاشتين البيانات اثناء قيادتي ليها لقيت اني بدخل ايدي من خلال عجله القياده بصعوبه او ان الموضع بياخد تركيز مني اثناء السير وده بيقلل تركيزيعلي القياده .

التكييف جميل جدا وهادئ جدا متسمعلوش صوت اللي علي السرعه الرابعه غير كده متحسش ان التكييف شغال .

ابعاد العربيه هي النقطه المحوريه اللي مضيقاني منها وخصوصا في الجراجات غير كده علي الطريق بتتعود عليها بسرعه لاكن اماكن الركن الضيقه مشكله بس اعتقد انها حتتحل بالتعود فتره اطول في القياده .

العربيه جميله جدا وممتعه ومتبقاش عايز تنزل منها وربنا يبارك لاصحابها

شكرا

**ahmed_aly_78** · 25-06-2010 12:15 AM

المشاركة الأصلية كتبت بواسطة asa2005eg

السلام عليكم
أنا معايا كورولا اتوماتيك 2010 southafrica
بعد تجربة حوالي شهر ( 3400 km أقدر أقول اني بنصح أي حد بيفكر يجيب
3arbeya يفكر في corolla highline 2010
بتفكر في بنزين أكيد حتفكر في corolla (7.4litre /100km inside city)
بتفكر في تكيف أكيد حتفكر في corolla تكيف ال-corolla أحسن من octavia a5 وال-nissan sunny
أنا كنت محتار بين jetta و-cerato w el corolla أنا شايف إن jetta شكلها أحسن كتير وأكيد stable أكتر بس وطيا شوية و عشان أجيب نفس options
ال-corolla حدفع فلوس كتيررررررررر
حسبتها لقيت أهم حاجة عندي في أي عربية هو البنزين والتكيف يعني بتكلم على corolla
cerato حلوة وفيها options أكتر وأرخص بس إستهلاك البنزين مش عجبني بصراحة كمان في ناس بتشتكي إن العفشة ناشفة
أنا ممكن أقول أكتر حاجات مميزة في corolla عن أي عربية ركبتها قبل كدة
إستهلاك بنزين ممتاز أحسن من sunny وال-a5
تكيف ممتاز أحسن من sunny وال-a5
سحب ال عربية أحسن من sunny ول a5 ، صاحبتها ناعمة بتجمع بسرعة وملهاش صوت متحسش إن العربية بتعاني
internal design حلو جداً اليبانين مش سيبين أي حتى مش مستغلة
حاجة وحدة بس مش عجباني في corolla العفشة مش حلوة زي octavia
بس أحسن كتير من sunny يعني لو مكنش عندي a5 مكنتش حست بل فرق بردو الألماني ألماني مشي مش حاسس بل طريق

أنا متكلمتش على options كتير في عربية زي ال-smartkey ، ..........
كريم اتكلم عليهم indetails أنا حبيت أقول الحاجات الحلوة المميزة العربية عندي عن sunny و-a5

عايز أفهم بس حضرتك تقصد إيه بـإن عفشه a5 أحسن من عفشه كورولا؟
في حين إن أغلب الناس بتقول العكس
إن عفشه كورولا مريحة جدا وناعمه جدا
وعفشه سكودا ناشفة ومتعبة
يا ريت توضيح للنقطة دي
مع الشكر