كيا بيكانتو ام فيات بونتو

**pro_90210** · 10-11-2009 04:39 PM

المشاركة الأصلية كتبت بواسطة sheeko911

السلام عليكم :)

محتار و عايز اعرف مين احسن قبل ما اشترى ان شاء الله كيا بيكانو اوتوماتيك ام فيات بونتو .. و يا ترى الفيات بونتو فيه منها اوتوماتيك

اولا : مفيش من البونتو اوتوماتيك
ثانيا : انا برشحلك البونتو عن البيكانتو عشان
1- محرك البونتو اكبر
2- خامات البونتو اكثر جوده
3- تقفيل البونتو افضل

و ارجو ان اكون قد افدتك

**monmonmon** · 10-11-2009 05:03 PM

المشاركة الأصلية كتبت بواسطة hibbsa

طبعا البونتو تعتبر سيارة عائلية صغيرة و ممكن Mini SportCar
و انا شايف انها اعتمادية جدا و عملية اكتر من البيكانتو كتير
على الاقل اوسع كتيييير من البيكانتو و الـ I10 و تقدر تقول ان فيها شنطة ممكن تستخدمها للسفر و لاي اغراض انما سواء البيكانتو او الـ I10 الاتنين يكفي تحط Subwoofer في شنطهم و شكرا و لو كانت مفيهاش صب يادوب تحط شنطة صغيرة و تمام على كده و الباقي حطه في الكنبة ورا عندك

بالنسبة للموتور 1242 سي سي 60 حصان اصلي و عربية تجري بيك بتسارع بعربيات مواتيرها اكبر منها زي الكورولا 2007 و الياريس و اللانسر و اللانوس
البيكانتو سريعة بس اكيد متطلعش من الكورولا و الياريس

فيها جنوط سبور 14 " عريضة و ده يحققلها اتزان جميل جدا لابعد الحدود (مشيت بيها لغاية 170 كم/س كانها طوبة على الطريق مبترمش)

عربية ناعمة جدا جدا في سواقتها و مفيهاش اي بوشات ولو 1%
تقفيل محترم و توكيل محترم

اعتقد ان كل ده يخليها اعتمادية جدا و مفيش حد جابها قال عليها غير كده
و البيكانتو كانت قدامي بس انا اخترت البونتو و انا مغمض

تقفيل ايطالي 100% و طبعا افضل من الكوري
5 نجوم في اختبارات الامان

يعيبها:
خفة وزنها و دي على السرعات العالية بتكون خطر لو انت عديت على حجر كبير شوية او حد خبطك (بس عشان هي مصممة للمدن اكتر من الطرق السريعة)
و غلو قطع غيارها نسبيا
دي العيوب الوحيدة اللى انا شايفها فيها

و ده قرارك في الاخر برضه

و ان قدرت تطلع 15000 طبعا هات الجراند احسن بكتير
بس في حدود 72000 يبقى بونتو حتى لو كانت مانوال

و فيه ملحوظة (مش متأكد و ياريت تتأكد بنفسك احسن) فيه ناس كتير بتشتكي من المواتير الصغيرة الكوري عموما في الاوتوماتيك: بيتقل العربةي اوي اوي و مشاكله كتير

باشاااااااا انت جربت مع ياريس و كورولا؟؟؟

لو كده ايه رأيك فى الماتريكس؟؟ اكيد بطيخه

و ممكن تجرب فى الماتريكس لو تحب و ممكن كمان مع i10 بس النتايج مش مضمونة اوى بعد 80-90

احب اضيف ان الاوتوماتيك فعلا زى ما قلت هيبقى ضعيف على المكنة الصغيره لانها 1100 سى سى.. لكن فى ميزه هايله ان الجير بوكس الاتوماتيك فى البيكانتو و ال i10 (((يابانى))) و من شركة Jatco
و الشركة دى بتنتج ل

Mitsubishi
Renault
Nissan
Mazda
Suzuki
Skoda
Seat
VW

و غيرهم كتيييييييييييير.. يعنى منقدرش نتكلم على اعتماديته او اعطال او ما شابه

**SharpArrow** · 11-11-2009 09:50 AM

المشاركة الأصلية كتبت بواسطة monmonmon

باشاااااااا انت جربت مع ياريس و كورولا؟؟؟

لو كده ايه رأيك فى الماتريكس؟؟ اكيد بطيخه

و ممكن تجرب فى الماتريكس لو تحب و ممكن كمان مع i10 بس النتايج مش مضمونة اوى بعد 80-90

احب اضيف ان الاوتوماتيك فعلا زى ما قلت هيبقى ضعيف على المكنة الصغيره لانها 1100 سى سى.. لكن فى ميزه هايله ان الجير بوكس الاتوماتيك فى البيكانتو و ال i10 (((يابانى))) و من شركة jatco
و الشركة دى بتنتج ل

mitsubishi
renault
nissan
mazda
suzuki
skoda
seat
vw

و غيرهم كتيييييييييييير.. يعنى منقدرش نتكلم على اعتماديته او اعطال او ما شابه

انا مجرتش مع ماتركس قبل كده صراحة بس هي 1600 سي سي يعني المفروض يطحني اصلا
انا بتكلم على نفس الفئة الموتورية

و اديك وضحت حاجة مهمة ان الكوري بياخد التكنولوجيا من الياباني طب ليه اخد منتج تكنولوجيته مقتبسه من مكان تاني
طب منا اشتري من المكان التاني اضمن
على الاقل عارف ان اصحاب التكنولوجيا هيحطو افضل جودة و حاجات صعب انها تتلف

يعني عمري ما سمعت ان الياريس الاوتوماتيك حد اشتكى منها رغم انها 1300 سي سي بس

**monmonmon** · 11-11-2009 10:46 PM

المشاركة الأصلية كتبت بواسطة hibbsa

انا مجرتش مع ماتركس قبل كده صراحة بس هي 1600 سي سي يعني المفروض يطحني اصلا
انا بتكلم على نفس الفئة الموتورية

و اديك وضحت حاجة مهمة ان الكوري بياخد التكنولوجيا من الياباني طب ليه اخد منتج تكنولوجيته مقتبسه من مكان تاني
طب منا اشتري من المكان التاني اضمن
على الاقل عارف ان اصحاب التكنولوجيا هيحطو افضل جودة و حاجات صعب انها تتلف

يعني عمري ما سمعت ان الياريس الاوتوماتيك حد اشتكى منها رغم انها 1300 سي سي بس

شوفت الشركات دى اللى انا كاتبها؟؟؟؟
Mitsubishi
Renault
Nissan
Mazda
Suzuki
Skoda
Seat
VW

ضيف ليهم كمان INFINITI

و ال Nissan SKYLINE
و Mitsubishi PAJERO
و INFINITI FX50

مش فاهم يعنى ايه الكورى مقتبس و صناعه تانيه و تاخد الاولى

انا بقولك الجير بوكس فى البيكاتنو و ال i10 يابانى و الشركة اللى بتنتجه بتنتج للشركات اللى انا ذكرتها دى و كفايه اسم Infiniti , VW

كده يبقى VW بتقتبس و بتسرق تكنولوجيا !!!!!!!!!!!

كده وصلت؟؟؟؟

**SharpArrow** · 12-11-2009 09:23 AM

انا مقلتش ان الياباني بيسرق تكنولوجيا خالص
انا اقصد ان الكوري بياخد من الياباني (مش سرقة انما اقتباس)
يعني مفيش حاجة معمولة في الكوري الا لما تلاقي اصلها في الياباني او الاوربي, مفيش حاجة الكوري مبتكرها غير التصميمات الخارجية للسيارة (ان كانت غير مقلدة برضه)

اعتقد انك فهمت قصدي

و على فكرة هي كل شركات السيارات بتبيع تكنولوجياتها لبعض ده عادي
انما اللى مش عادي ان شركات تشتري تكنولوجيا بس و متبعش (متبتكرش يعني) و انا اشير للنقطة دي للكوري و الصيني

**tutankhamoun** · 12-11-2009 09:48 AM

البونتو أفضل كعربية و لكن سعرها عالي شوية ....... و أنا معرفش سعر البيكانتو كام و لكنها سيارة حلوة قوي .

البونتو موتور صغير ....... أنسى الشد و الجري نهائي .
تسارع الموتور كويس قوي لغاية 100 ........ بعد كدا تجميع السرعات ضعيف قوي فيه و أقصى سرعة رسمية هي 155 كم - س .

العربية بتموت لو محملها ناس كتير و بتوطى على الأرض جامد و لو معدي على مطب لازم تأخده بشويش و بالعرض .

أعتقد أن البونتو هاتتميز عن البيكانتو أنها أثبت منها في الجري .

=======================================

لي ملحوظة صغيررة على الكلام اللي أتقال على البونتو و أنها بتشد مع الياريس و الكورولا .

البونتو اللي موجودة في مصر اللي أنا ركبت منها أثنين قبل كدا ......... مش بتاعة شد خالص .

إذا كان الياريس بيشد مع العربيات 1600 الكبيرة ؟؟؟؟؟؟؟؟؟؟؟ و الكورولا طبعا ؟؟؟؟؟؟؟؟؟؟؟؟؟

أنا حافظ العربية دي و متأكد من كلمة كاتبها .

بالنسبة للعيوب اللي أنا قلتها على البونتو هاتنطبق على البيكانتو تمام الأنطباق

و الأثنين موفرين في البنزين علشان مواتيرهم صغيرة ......... و تسارعهم معقول على مواتيرهم ....... بس ما تستناش تسارع بعد 100 جامد ..... تاسرع بعد 100 بطئ جدا ....... و ده عادي مش عيب ......... علشان المواتير صغيرة و متصممة للتوفير مش للجري .

تسارع البونتو المانوال هايكون أحسن من تسارع البيكانتو الأوتوماتيك .

في النهاية رأيي الشخصي لو أنا اللي هاشتري العربية ........... و نويت أدفع فيها فوق 70 ألف في عربية صغيرة ....... هاجيب بونتو .
و لو أني معجب جدا بالبيكانتو .......... بس أنا مجرب البونتو و ده السبب اللي ممكن يكون مرجحها عندي شخصيا لأستخدامي الشخصي .

و لو مش معايا الفلوس كاملة هاجيب البيكانتو ......... سيارة ممتازة و أثبتت كفاءة .

و لو أن أنا مش شايف فروق كبيرة بين الأثنين غير أن البونتو أثبت في الجري شوية عن البيكانتو .

**ehaballam** · 12-11-2009 10:06 AM

المشاركة الأصلية كتبت بواسطة monmonmon

شوفت الشركات دى اللى انا كاتبها؟؟؟؟
Mitsubishi
Renault
Nissan
Mazda
Suzuki
Skoda
Seat
VW

ضيف ليهم كمان INFINITI

و ال Nissan SKYLINE
و Mitsubishi PAJERO
و INFINITI FX50

مش فاهم يعنى ايه الكورى مقتبس و صناعه تانيه و تاخد الاولى

انا بقولك الجير بوكس فى البيكاتنو و ال i10 يابانى و الشركة اللى بتنتجه بتنتج للشركات اللى انا ذكرتها دى و كفايه اسم Infiniti , VW

كده يبقى VW بتقتبس و بتسرق تكنولوجيا !!!!!!!!!!!

كده وصلت؟؟؟؟

monmonmon باشا , إزيك يا برنس

جميل إن الجير بوكس يكون من مكان كويس ..... بس اجمالا البونتو أحسن من البيكانتوا...
سواء فات الموتور , أو تقفيل العربية ومساحة الشنطة ..وكده

**monmonmon** · 12-11-2009 05:13 PM

المشاركة الأصلية كتبت بواسطة ehaballam

monmonmon باشا , إزيك يا برنس

جميل إن الجير بوكس يكون من مكان كويس ..... بس اجمالا البونتو أحسن من البيكانتوا...
سواء فات الموتور , أو تقفيل العربية ومساحة الشنطة ..وكده

اهلا يا باشا,,

انا متكلمتش عن العربية ككل انا اقصد بس ان الفتيس ميزه فى البيكانتو و ال i10 انه يابانى و مقدرش اقيم الاتنين لانى مركبتش البونتو بس ممكن تكون اريح شويه و اوسع و هكذا لان ابعادها اكبر بشويه

لكن الحاجه الوحيده اللى مش عجبانى هى خامات البونتو من جوا مش عجبانى و تحس انها فقيرة اوى

**monmonmon** · 12-11-2009 05:26 PM

المشاركة الأصلية كتبت بواسطة tutankhamoun

البونتو أفضل كعربية و لكن سعرها عالي شوية ....... و أنا معرفش سعر البيكانتو كام و لكنها سيارة حلوة قوي .

البونتو موتور صغير ....... أنسى الشد و الجري نهائي .
تسارع الموتور كويس قوي لغاية 100 ........ بعد كدا تجميع السرعات ضعيف قوي فيه و أقصى سرعة رسمية هي 155 كم - س .

العربية بتموت لو محملها ناس كتير و بتوطى على الأرض جامد و لو معدي على مطب لازم تأخده بشويش و بالعرض .

أعتقد أن البونتو هاتتميز عن البيكانتو أنها أثبت منها في الجري .

=======================================

لي ملحوظة صغيررة على الكلام اللي أتقال على البونتو و أنها بتشد مع الياريس و الكورولا .

البونتو اللي موجودة في مصر اللي أنا ركبت منها أثنين قبل كدا ......... مش بتاعة شد خالص .

إذا كان الياريس بيشد مع العربيات 1600 الكبيرة ؟؟؟؟؟؟؟؟؟؟؟ و الكورولا طبعا ؟؟؟؟؟؟؟؟؟؟؟؟؟

أنا حافظ العربية دي و متأكد من كلمة كاتبها .

بالنسبة للعيوب اللي أنا قلتها على البونتو هاتنطبق على البيكانتو تمام الأنطباق

و الأثنين موفرين في البنزين علشان مواتيرهم صغيرة ......... و تسارعهم معقول على مواتيرهم ....... بس ما تستناش تسارع بعد 100 جامد ..... تاسرع بعد 100 بطئ جدا ....... و ده عادي مش عيب ......... علشان المواتير صغيرة و متصممة للتوفير مش للجري .

تسارع البونتو المانوال هايكون أحسن من تسارع البيكانتو الأوتوماتيك .

في النهاية رأيي الشخصي لو أنا اللي هاشتري العربية ........... و نويت أدفع فيها فوق 70 ألف في عربية صغيرة ....... هاجيب بونتو .
و لو أني معجب جدا بالبيكانتو .......... بس أنا مجرب البونتو و ده السبب اللي ممكن يكون مرجحها عندي شخصيا لأستخدامي الشخصي .

و لو مش معايا الفلوس كاملة هاجيب البيكانتو ......... سيارة ممتازة و أثبتت كفاءة .

و لو أن أنا مش شايف فروق كبيرة بين الأثنين غير أن البونتو أثبت في الجري شوية عن البيكانتو .

100 100 و كفايه انك مجرب عربيتين بونتو

انا فعلا معايا i10 و ماتريكس 1600 بحس بالفرق فى السحب و تجميع السرعة بينهم رغم ان ال i10 سحبها كويس جدااا و مرضى لكن مع التحميل الفرق بيبان.

كمان حضرتك قولت: العربية بتموت لو محملها ناس كتير و بتوطى على الأرض جامد و لو معدي على مطب لازم تأخده بشويش و بالعرض .

انا فى ال i10 لو محمل على الاخر عمرها ما بتحك فى اى مطب مهما كان و باخد المطب ب وش العربية عمرى ما اخدته بالعرض و بصراحه ممكن محدش يصدق لان الناس بتاخد العربية بالشكل انها صغيره و ربنا يشهد على كلامى,, حتى الماتريكس حكت فى مطب و هى بتعدى جنبى مره و ال i10 لأ و كان فيهم نفس الحمولة