اولا التييجو دلوقتى تعتبر من العربيات المنتشره وجربتها بنفسى ومع ناس كتير اعرفهم مش مجهوله وبالانتشار دا نقطة قطع الغيار واعادة البيع هاتتظبط
مش زى السبلندور باشوفها كل كام شهر مره
التييجو عربيه اوتوماتيك وكامله من كلو وسعرها 105 وموتورها قوى عربيه suv عاليه هى بس عيبها انها 2000 سى سى فالضريبه بتاعتها بتبقى غاليه
انما اسبلندور 110 الف ومانيوال وشكلها من ورا وحش وعربيه تقيله وزنها 1390 وموتورها 101 حصان ومش منتشره خالص
هى طبعا اكبر واعرض من الاوبترا وشكلها فخم
وبعدين انا لو فى يوم من الايام جبت تييجو هاجيبها عشان وقتها عايز اركب suv و مفيش عربيه suv بالمواصفات والسعر دا
ملهاش بديل ليها قريب فى السعر غير التيريوس ومش عاجبانى اوى
انما لو انا عايز سيدان ففى 100 عربيه فى السوق اشمعنى الاسبلندور اللى هاجيبها ؟
لو طالبه معايا سيدان اوى يبقى اوفر 35 الف واجيب سبيرانزا m11 أكيد
وأحسن من السبلندور فى رأيى غير انى هاوفر مبلغ كبير
بس انا عايز الفت نظرك ان التقفيل والخامات فى السبلندور اعلى من التيجو بكتير بالاضافة انى حاسس ان السبلندور يعتمد عليها اكتر مش عارف ليه ان التيجو هاتقع من السوق خلال عام او اكثر قليلا
المفضلات