السؤال لملاك الاوبترا ... هل ممكن حد من حضراتكم ينزل من اوبترا ويركب بريليانس سبلندور .... :Ob_mak1[1]: ؟
عرض للطباعة
السؤال لملاك الاوبترا ... هل ممكن حد من حضراتكم ينزل من اوبترا ويركب بريليانس سبلندور .... :Ob_mak1[1]: ؟
لو حبينا نسأل بطريقة تانية هل ممكن حد ينزل من كورى و يركب صينى ؟
اعتقد كدا الاجابة محسومة
لأ مش ممكن
مش عشان كورى وصينى لأ لاسباب تانيه
اولا عربيه مش معروفه ومجهوله بالنسبه لى ومش منتشره
أغلى من الاوبترا وكمان مانيوال فقط
شكلها وحش اوى من ورا لكن جامده جدا من قدام
غالبا ادائها هايبقى مش حلو لان موتورها 101 حصان ووزنها تقيل
ممكن تبقى صيانتها غاليه وقطع غيارها مش متوفره وبرضه غاليه
اعادة البيع واقعه أكيد
يبقى ليه أعمل فى نفسى دا كلو :)
علي فكرة السؤال فعلا غريب . الاسبلندور أحسن بكتير من الاوبترا .
لا التييجو مش زى اسبلندور خالص
اولا التييجو دلوقتى تعتبر من العربيات المنتشره وجربتها بنفسى ومع ناس كتير اعرفهم مش مجهوله وبالانتشار دا نقطة قطع الغيار واعادة البيع هاتتظبط
مش زى السبلندور باشوفها كل كام شهر مره
التييجو عربيه اوتوماتيك وكامله من كلو وسعرها 105 وموتورها قوى عربيه Suv عاليه هى بس عيبها انها 2000 سى سى فالضريبه بتاعتها بتبقى غاليه
انما اسبلندور 110 الف ومانيوال وشكلها من ورا وحش وعربيه تقيله وزنها 1390 وموتورها 101 حصان ومش منتشره خالص
هى طبعا اكبر واعرض من الاوبترا وشكلها فخم
وبعدين انا لو فى يوم من الايام جبت تييجو هاجيبها عشان وقتها عايز اركب Suv و مفيش عربيه Suv بالمواصفات والسعر دا
ملهاش بديل ليها قريب فى السعر غير التيريوس ومش عاجبانى اوى
انما لو انا عايز سيدان ففى 100 عربيه فى السوق اشمعنى الاسبلندور اللى هاجيبها ؟
لو طالبه معايا سيدان اوى يبقى اوفر 35 الف واجيب سبيرانزا M11 أكيد
وأحسن من السبلندور فى رأيى غير انى هاوفر مبلغ كبير
one member here wrote here in the chinese forum that his friend has tiggo and the interior has started to peel away
Brilliance has better chance in market and that is because of it is dealer bavarian is stronger than fottoh
ممكن يبقى التقفيل أفضل فعلا
بس فى الوضع الحالى
اسبليندور هى اللى واقعه جدا مش التييجو
التيجو نازله بقالها سنه تقريبا
بتشوف كام واحده فى الشارع ؟
كام عربيه بتتباع حاليا وكام واحد بيفكر يجيبها ؟
سمعت عن عيوب جوهريه فيها او مشاكل ملهاش حل ؟
عربيه ناجحه وأثبتت كفاءه وعليها اقبال
اما اسبلندور نازله قبل التيجو اصلا
بقالها سنتين او تلاته
بتشوفها فى الشارع ؟
موقفها ايه فى السوق حاليا ؟
بتسمع حد يجيب سيرتها او يفكر يجيبها ؟
صدقنى اسبلندور مش حلوه وماتستاهلش سعرها خالص
m11 أحلى وأرخص
والله يا حسام باشا انا ما جربتش التيجو للامانة بس انا دخلت قسم الاسبرانزا وحقيقى الكلام اللى قريته مايشجعش خالص وده جزء من راى احد الاخوة اللى جربوا التيجو بعد ماباعها ب 87000 جم وهو كان شاريها ب 106000 جم بالاضافة الى مصاريف الترخيص 3 سنين ... ده رايه :
انا قلت اللى ليا واللى عليا فالعربيه دى بس انا عرفت ان الصينى ميضمنش واقرى تعليقاتى على العربيه كويس قبل كده
تيل الفرامل يصفر بعد اسبوعين --- صوت فالعفشه --- صوت فعجلة العربيه اليمين ومش بيروح حتى بعد محاولات الصيانه ---اى شىء قابل للكسر فيها لردائة الخامات --- تقفيل اللحامات بتاعة الابواب والصاج زى الزفت ومنظرة عرة ---تلاقى وحدة السنتر مع السقف شغالين مع نفسهم
والله ليس تجنى على العربيه بس ده فعلا اللى حصل معايا والله وبدون مبالغات ولو لاحظت انا قلت بجد مفيش عيب خطير بس للاسف قلقت منها
بص هاقوللك على حاجه
التيجو بغض النظر عن انها صينى
العربيه تقفيل مصرى
والتقفيل المصرى دا حظوظ
عربيه تطلع كويسه وعربيه تطلع مليانه مشاكل وعيوب
صديقى اللى باتكلم عنه دا معاه التيجو 2000 اوتوماتيك من شهر مارس اللى فات
والمشاكل اللى ظهرت معاه حاجتين
الابواب مبتقفلش كويس لازم تترزع والشكمان بيطلع صوت زى مايكون مخروم
والعربيه اتظبطت فى صيانة الالف وماشيه تمام الحمد لله
وبعد ماتعود على سواقتها ( عشان طبعا Suv مختلفه فى احساس السواقه عن السيدان ) حبها رغم انها مكانتش عاجباه اوى بعد ماجابها
وعلى فكره صاحب الموضوع اللى باع عربيته بالسعر دا باعها عشان مستعجل ومصبرش
لو كان صبر كانت جابتله 92 - 95 الف