الموضوع: عندي شويه مشاكل و عايز اعرفلها حل ؟؟؟ الكل يدخل بسرعه

انا معايا دايو جولييت 2 موديل 99 مانيوال

1- اول ما ادور و اكبس بنزين ( و انا ممور الفتيس ) العربيه بتخنق و مبتسحبش و بعدين ترجرج و بعدين المكنه تطفي فالميكانيكي قالي عشان بارده فمبتسحبش و قالي كمان ان الرداخ سليم هل الكلام ده صحيح ؟؟؟؟

2- العوامه مبتقراش كويس و بحس انها بتهيس فهل لازم اغير الرداخ بالكامل ؟؟؟؟

3- هو الرداخ ممكن تتعمله عمليه تنظيف هو و رشاشات الانجيكشن ؟؟؟

4- السنتر شويه يشتغل و شويه لا ... اعمل ايه بالظبط ؟؟؟

يا ريت يا جماعه تردوا عليا بسرعه

العوامة في اللانوس مدمجة مع طلمبة البنزين في كيان واحد داخل تنك البنزين و طلمبة البنزين بتتبرد بواسطة البنزين اللى محوطها في التنك و العوامة بنفكها من التنك بواسطة فك شلتة الكنبة الخلفية للعربية وتلاقي اسفل الكنبة صحن معدني اسود كبير مثبت بواسطة اسنان صلب معشقة مع الغطاء،وواصل له جاك به اربعة اسلاك اثنان للعوامة و اثنان للطلمبة افصل الجاك وافصل خطي الرايح و الراجع بتاع البنزين من الغطاء بواسطة فك كليبسات الخرطومين ثم لف الغطاء المعدني بواسطة مفك عادة و شاكوش خفيف حتي تترك الأسنان الغطاء،ارفع الغطاء بحذرو ببطئ حتلاقي الغطاء هو عبارة عن رجل كبيرة لونها ابيض داخلة في التنك و العوامة مثبتة داخل هذه الرجل
اخلعها ببطئ و خذها برا العربية و حتلاقي من الجنب يوجد بوابة بلاستيكية لو فتحتها حتلاقي المقياس الكهربي اللي بتتحرك عليه العوامة
كما لو يكون مقاومة سلكية و مؤشر العوامة يتحرك عليها لأعلى و اسفل. هذه المقاومة السلكية عايزة تتسنفر بقطعة سنفرة ناعمة جدا و اسلوب السنفرة يكون بهدوء و بخفة يد ثم بعد ذلك تغسل مكان ما سنفرت ببنزين علشان تشيل اثار برادة السنفرة من مكان القياس و تقفل البوابة تاني و تركب الجهاز في التنك و تربطه في الكليبسات و تركب خراطيم البنزين و الكهرباء وتركب الكنبة الخلفية بالكبس و تدور العربية و حتلاقي القياس لمنسوب البنزين قرأ صح.