الموضوع: وكيل "ميتسويبشي" يتوقف عن طرح "لانسر البومة"!

المشاركة الأصلية كتبت بواسطة cutevampire

انااااااااااااااااااااااا ااااااااااااااااااااااااا اااااااااااااااااااااااا
:m_yes[1]:

كفاية أوهام بقه عن السيراتو و الإلنترا (أنا معايا لانسر 1600 2006 مانوال) و من كتر الكلام على الإلنترا تحديدا إتوهمت بيها لدرجة انى بقيت ببصلها على إنها عربية فئة أعلى من اللى أنا راكبها وإنى بالنسبالها فيات128 و لما أتيحت ليا الفرصه أجرب الإلنترا وكانت مانوال بردو لاقيتها فعلا عربيه كويسه جدا ما شاء الله و لكنها ليست أفضل من الانسر بالمرة و فى الحقيقه هى بتتساوى معها فى حاجات و تقل عنها فى حاجات و لا تتفوق عليها إلا فى شىء واحد فقط و هو قوة الموتور و لكن الفرق مش كبير لدرجة الوهم اللى حاصل و الانسر لو شدت معاها هتقول معاها حلو قوى و لو اللى راكب الإلنترا مش سواق الانسر هتطلع منه مرتاحه كمان و الانسر تتفوق فى الثبات و العفشه غصب عن كل اللى بيقولوا عكس كده (السيراتو زى الإلنترا و لكن أكيد السيراتو الجنط ال17 تتفوق فى الثبات عن الإتنين).

طبعا انا حكمى على الانسر بتاعتى من منطلق انها مانوال و 1600 و يمكن يكون الأتوماتك هو اللى كان عايبها لما تتقارن بالإلنترا الأتوماتك بردو و لكن أعتقد مع الفتيس الجديد ممكن كتير من اللى كانوا هيجيبوا إلنترا يجيبوا لانسر أحسن من وجهة نظرى بس يبقوا عرفين ان موتور الانسر أضعف شويه و لكن مش قوى زى ما الناس بتقول و الفتيس الجديد هيبين قدرته أفضل للناس و طظ فى شوية القوه الزياده اللى فى موتور الإلنترا أمام باقى المميزات كلها لصالح الانسر من شكل و كماليات و ثبات و عفشه و إعتماديه و كفايه إنها يابانى.

اللى يمشى على الإلنترا يمشى على السيراتو مع العلم ان أتوماتك السيراتو شبيه بأتوماتك الانسر الجديد و فيه نفس البوابه الرياضية (+ و -)