من غير كوسه روحت امتحنت وطلعتها في نفس اليوم
عرض للطباعة
من غير كوسه روحت امتحنت وطلعتها في نفس اليوم
اتصورت فقط لاغير ( علي العلم انا ماكنتش بعرف اسوق اساسا لما طلعتها ) بس كنت عايز اطلعها عشان اخلص خدمه عملتها للواسطة
المشكلة عندنا مرور فيصل زفت وبدور على واسطة
روحت لوحدي من غير كوسه اول مره سقطت في امتحان الاشارات و تاني مره نجحت في الامتحان الحمد لله من غير كوسه و من غير فلوس...
كارت صغير مكتوب عليه ارجو الاهتمام ابن اخويا الكبير :d
والحياة كانت ماشية زى السكينة فى الحلاوة
من غير كوسه لأن الظابط مش بيخدم حد و للاسف بسبب الزحمة و دلع الموظفين فى التسجيل اتأجلت فى الامتحانين كمبيوتر و سواقة كذا مرة , عصبونى منهم لله , كذا مرة أمسك نفسى عشان ما أعملش مشاكل.
بس الحمد لله طلعتها .
مدرسة امتحان رخصة
بمناسبة موضوع الرخص ...
قصة ظريفة حصلت لواحد قريبي من حوالي 15 سنة
كان مسافر بيشتغل في ابو ظبي .... وصاحب الشغل كان راجل واصل هناك ..أخده وراح لمدير المرور مباشرة ...
- عاوزين نسوي رخصة قيادة للاستاذ
- اهلا وسهلا .... نحددله موعد يسوي الاختبار
- رد الراجل قريبي ... لكن انا معايا رخصة مصرية ح تمتحنوني تاني ليه ؟؟؟
- شايف البرواز المعلق على الجدار ده ؟؟
- شايفه
- ايش هذا اللي فيه ؟؟؟
- دي رخصة قيادة مصرية
- ومين صاحب الصورة ؟؟؟
- سيادتك
- ايش رأيك اني عمري ما زرت مصر ... وانا حاططها عندي هنا عشان كل مصري اقوله امتحن يقولي انا معايا رخصة مصرية ....اقوم اوريله الرخصة اللي أخدتها من عندكم بالفاكس .... عرفت ليش لازم نمتحنك ؟؟؟
- بصراحة عندك حق
يا باشا يكفي إنك تروح بس وهناك هتتكعبل في 3 أو 4 علي الأقل بيعرضوا عليك خدماتهم وهيكونوا تحت أمرك في أي حاجه . بس أوعي تقع مع أول واحد تقابله لإنك أكيد هتلاقي أرخص منه بكتير . بعد ما تقابل 3أو4 فكر في كلامهم وشوف مين فيهم أرخصلك وأفيدلك وتعامل معاه . بس يا ريت ما تعملهاش في أول يوم تروح فيه هناك .خلي أول يوم ده للتعارف يعني (تاخد فكرة) وبس
دخلت امتحنت بس لو كنت سقطت كانت هتطلع هتطلع
الحمد لله كنا فى رمضان ومرضتش ادفع ال 400 اللى اتطلبت منى واتصور حتى لو سقطت فى الامتحان وماكنش معايا عربيه وممتحنتش شفوى وكان الكمبيوتر عطلان ومع ذلك ربنا كرمنى ونجحت على تاكسى اول مره اركبه وعطل من السواق وهو بيخرج بيه من ساحه الامتحان
سبحان الله
انا اتكلت على الله ورحت فى رمضان وقررت جوايا انى مش هلجأ للفلوس الا قبل ما أحاول بمجهودى والحمد لله طلعت بدون جنية رشوة ولا واسطة .والموظفين كان ربنا هاديهم والظابط بيقرأ فى مصحف !!!
انا بصراحة مستخدمتهاش
بس حاولت بالفلوس منفعش بالواسطة الناس كل شوية تنفضل يقولى الموضوع ملبش يتهرب
انا عيد ميلادى 1/9 اخر ما زهقت رحت شهر 11 قدمت فى المدرسة ومرحتش ولا يوم المدرسة وعرفت ان الاختبار اول يوم خميس فى شهر 12
رحت بقى وامتحن الاشارات ونجحت بالصدفة وبعدين امتحن سواقة ودى طبعا لعبتى
بس حصل موقف بقول للظابط : ممكن اختبر قيادة بعربية والدى
رد عليا : زيك زى الناس وبص الناحية التانية تلاقيه راكب عربية زيرو اتوماتيك (والله مكانت زيرو ولا اتوماتيك)
وبعدها قال للراجل ركبو العربية يلا (عربية نص نقل ميتة كدة)
طبعا الحمد لله عديت بس انا بسوق من 3 اعدادى الحمد لله
دا من غير واسطة ولا فلوس ولا سحر ولا شعوذة
لو نهر النيل صلصه مش هيكفي الكوسه اللي في مصر...
طبعا كوسة بس عملت امتحان سواقة
صباح الفل
مصر بلد اي حاجه في اي مكان فعلا
انا عموما كان معايا واسطه
بس انا عامه مخبطش ولا قمع وعديت زي الفل
وممتحنتش اشارات تقريبا مكنش في الامتحان ده ولا ايه الله اعلم
انا ليه ارع شهور بحاول اطلع رخصه مع العلم انى بسوق ليا سنتين ومعايا عربيه بتعتى محدش بيركبها غيرى وناججح فى امتحان الكمبيوتر ومعايا وسايط كتير بس للاسف كل مروح الظابط يقلى ان الوسايط اللى جايه انهردا اكبر من وستطق فلازم تنجح وكده النسبه هاتعدى مش هاينفع انجح
نعم ومن غير فلوس(نفوذ)
انا عيد ميلادى 26\4 والرخصة طلعه 25\4
اصلى كوسة
علشان الواحد لو مشى ساليم مش هيطلعها
اوبشن جامد جدا للازم نستغله فى البلد ده
لا واسطة ولا رشوة ولا نفوذ
ولا حتى رخصة بقالي سنة
بقالي سنة بسوق من غير رخصة عشان معنديش واسطة ولا عايز ادفع رشوة و كل شهر أروح امتحن و بيسقتوني مع اني والله العظيم بعرف أسوق و ناجح في إمتحان الإشارات و جايب ال-١٢ سؤال صح و مش بخبت ولا قمع ولا حتى بلمس بس طبعاً لزم أسقط عشان إلي جايين بواسطة لازم ينجحو
بس الحمدلله ولا مرة دخلت كمين و طلب مني رخصتي أو رخصة العربية
انا الحمد لله طلعتها من غير واسطه ولا رشوه ومن اول مره ...روحت مرور الوايلي في العباسيه ومكانش فيه امتحان اشارات وامتحنت وماخبتش ولا قمع ونجحت واستلمت الرخصه تاني يوم...
نعم ومن غير فلوس(نفوذ)
أنا و أبويا معملناش حاجة خالص غير اننا اتصورنا و بس عشان الرخصة
سقطت اول مرة و رجعت بعد شهر و نجحت من غير كوسة بس على ايامنا كان مفيش امتحان كمبيوتر دة كان من 11 سنة
akeeed koosaaaaaaa :):10D5C8~1107::10D5C8~1107:
بالفعل طالعتها من مرور مدينه نصر من غير اى كوسه وسبحان الله كان المفروض جاى معايا واحد وكيل نيابه علشان يطالعها بدون اى شئ بس كانت عنده مأموريه،واختبرت ونجحت ومكنتش مصدق نفسى (الحمد لله) وبعربيه دوجان كمان!
طبعا ب الكوووووووووووووووووووووو وووووسه
كان معايا مستشار وطلعتها فى دقايق
انا معايا 4 رخص من مكانين و كلو بالكوسه لان مصر مفيهاش حاجه من غير كوسه ده لو عايز تشتري حاجه و تدفع فلوس برضه لازم الكوسه عشان تستلم الاول والبركه في الحكومه هيا اللي عودتنا علي كده و خلت الواحد قبل ما يروح اي مكان لازم يكون مكلم اي حد يظبطه عشان ميتبهدلش و يطلع عينه
وهي دي مصر
متفكرنيش
انا اعدت 3 اسابيع متغاظ من والدى
والدى طلع الرخصه بتاعته فى اسبوع عن طريق واحد صاحبه فى امن الدوله ومن غير اختبارات
وانا اعدت بالشهر رايح جاى يوميا علشان اتابع وبرضه من باب الغيره وعايز اخلص فا الشهر عدا بالتمام والكمال من غير اى واسطه
وبال170 جنيه بتمن الشنطه الدوسيه وعلب السجاير الروثمان :)
والمفارقه فى انى وانا بختبر كمبيوتر اول اختبار بعد ما جبت 98 من 100 اكتشفت انى اختبرت فى اختبار دراجه ناريه وطبعا قمه غيظي فى الساعه دى لانى كنت مزاكر وطلعت الى مزاكره فى الامتحان
ولما اختبرت تانى بعد ما الظابط قالى امتحن تانى جبت 89 من 100
ولاد التييييييييييت مخدوش بالاولانيه وكنت مقلق والحمد لله طلعت :ma:
طلع عينى فيها مع ان والدى له معارف كبيرة فى المرور والشرطة
بس مستعنتش بيه وزعل منى
انا لسة كنت في المرور النهاردةعلشان اطلع لواحد صاحبي الرخصة وهوة مواليد (15\10\1991) قالنا انت لسة ماجبتش السن القانوني يا ريت حد يفيدني يا جماعة هوة كدة لسة ما جابش السن القانوني ولا جابة
هوة هيطلع رخصة خاصة
انا عن نفسي بدور على حد في مرور فيصل
كوسة اساسي
وعلى فكره اضحكم شوية انا فضلت اسوق من وانا عندي 10 سنين وعمرى ما اتمسكت خالص بدأت في المنطقة في مدينة نصر في الشوارع الداخليه سنتين وبعد كده ابتديت اطلع على الشارع مشاوير قريبه وانا عندي 12 سنه وسافرت وانا عندي 15 سنه اسكندرية سايق وجدي جمبي رايح و جي انا اللي سايق المهم انا 29 سنه دالوقتي
يوم اللي طلعت فيه رخصة واحد وقفني وقالي رخصتك ههههههههههههههههههههههههه وكان الاخ اللي وقفني ظابط ظريف
قولت له على الحكاية دي وفضل يضحاك