مدرسسسسسسسسسسسسسسسسسسسسسس سسة وما ادراك ما مدرسة فى اسكندرية مش هاقدر اوضح
عرض للطباعة
مدرسسسسسسسسسسسسسسسسسسسسسس سسة وما ادراك ما مدرسة فى اسكندرية مش هاقدر اوضح
لا طبعاً الحمد لله مش كوسة مع اني ماكنتش بعرف اسوق خااااااااااااالص
بس طلعتها ب400 جنيه
من غير كوسه و من غير مدرسه.. امتحنت و نجحت و طلعتها
انا بقى مصيبتي اكبر رحت تراخيص القوات المسلحة وقريت الكتاب وامتحنت وحليت والغريب اني مانجحتش لان الاجابات كانت ملعوبة فيها بجد والله وروحت تاني يوم وخدت معايا واحد من اصحاب والدي ظبطني وسال الموظفة اللي على الشباك قالتله التسعيرة 50 ج ودخلت للمدير عميد شرطة والموظفة ناولته ال50 ج ومش هتصدقوا دخل معايا الامتحان وكان في بعض الاسئلة اللي كان بيقولي على اجابتها عشان العملية متبقاش مفقوسة اوي والاجابات اللي كان بيقولي عليها كانت غير الكلام اللي مكتوب في الكتاب وده اللي عرفني ان الاجابات ملعوب فيها
والحمد لله طلعت الرخصة بعد كدة
من اول مره لانى كنت بسوق من مده ومن غير كوسه
هى كوسه ومش كوسه
هو مدير المرور فى المنطقه إلى كنت ساكن فيها كان وقفنى كام مره كده قبل ما أطلع الرخصه كنت لسه ماوصلتش السن القانونى وكان بيسبنى لوحده ولا أكنوا شافنى ولا حاجه..وكان راجل محترم فعلا
المهم لما بلغت السن القانونى رحت أطلع رخصه ..وقبلته قالى انت لسه فاكر... تطلع رخصه وقعد يتريأ بهزار وطلعلى الرخصه من غير ما يمتحنى مع انه كان صعب جدا على مأسمع من الناس بس نصيب
وطلعت الرخصه والحمد لله
على فكره انا كنت ساكن فى منطقه فاضيه جدا وكنت بسوق بحرص فعلا مش كلام
بالفلوس طبعا يدوب تتصور
كوسة بس من غير فلوس
جه معايا واحد صاحبى كان نقيب فى وحدة المرور نفسها واتنقل
دخلت الساعة عشرة
خرجت الساعة واحدة
معايا رخصتى ورخصة العربية
حلو قوي الموضوع
انا كنت من اللى قرروا يشتروا دماغهم و راحتهم بالفلوس..... و قد كان
طلعتها في نفس اليوم الموضوع كله خد ساعة واحدة من غير و لا مليم زيادة من اول ما روحت اقدم في الشباك و الاختبار و التصوير لحد ما استلمت الرخصة
و بالرغم ان المكان كان زحمة بس بصراحة كانوا شغالين بسرعة جدا و بذمة و اللي في الشبابيك كانوا بيحاولوا يخلصوا الناس و يشرحوا كل حاجة للمش عارف
يا رب كل المصالح الحكومية تبقي كده سرعة في الاداء و ذمة و ضمير
ونيس توبك يا باشا
أنا ذهبت لمرور التجمع الخامس اول مرة و كنت بعرف اسوق كويس و اجتزت الأمتحان على عربيه والدي اللانوس و بعد ما انتهيت و ذاهب للتصوير للاسف انا عندي قصر بسيط في ساقي اليمنى لا يعيقني تماما فقال لي لازم تروح الكمسيون بالرغم اني نجحت في الأمتحان لاكن رفض و ذهبت لكمسيون الطبي في مصر القديمه و بعد معامله سيئة لن يكشف على الدكتور و قالى في الشهاده سياره مجهزه و حاولت اقناعه انى نجحت بسياره عاديه فلم يهتم فأقتنعت ان لابد من واسطه و لكن لم أجد (((((( فرجاء من يستطيع المساعدة فيساعدني و انا مستعد لدفع مبلغ مقابل الخدمه))))):ask:
يااااااه ده الموضوع قديم قوى من شهر 11 2007 يعنى اللى طلعها واسطة (زى حالاتى كده من 20سنة)جددها تانى
ههههههههههههههه
............................*
محمود عينو
الواسطة اللى طلعت لى الرخصة و لا حتى كان يعرف اذا كنت بعرف اسوق ولا لآ وكان ايامها ماسك مدير المرور عندنا فى اسكندرية (العميد 0000) وكانت واسطتى ابن خال والدى (لواء كان منصبه نائب مدير مباحث امن الدولة عندنا فى اسكندرية) وبعت معايا رائد من امن الدولة فى عربيته الخاصة وكان معانا كمان الصول بتاع مكتبه وعلى بال ما شربنا الحاجة الساقعة كانت الرخصة الكرتون فى ايدى والكلام ده من 20 سنة بالتمام والكمال
................................*
محمود عينو
الحمدلله مشيت في الاجراءات عادى
بس الشهادات الراجل طلعهملى ب30 جنيه وده عادى يعنى
بس رحت الاسبوع كله
حضرت الدورة التنشيطية وعلى اخر الاسبوع امتحنت ونجحت وطلعت
بالفلوس
ومكنتش بعرف اي حاجة عن السواقة غير ان العربية فها دركسيون
لا
انت اكيد بتهرج
المرور ده في مصر ؟؟؟؟؟؟؟؟؟؟
طب فين ده لو موجو د ممكن كل الناس تغير عنوان سكنها علبشان تعمل فيه
يا باشا انت غلطت اكتر من غلطة
الاولى لما الظابط قالك تروح الكومسيون كنت دورت على حد في المرور وبالفلوس يغير لك التاشيرة وتعدي
ولما رحت الكومسيون بردو كنت شفت حد يخلص لك بالفلوس وكانوا هيطلعوك لائق لقيادة طيارة
لما تروح اماكن زي دي متدخلش على المسئول على طول سواء ظابط او دكتور
شوف امين الشرطة وشوف التمرجي هما دول الى هياخدوا الفلوس ويخلصوا لك كل حاجة
اسبوع بحاله
ربنا يديك الصحة والوقت
حكمتي المشهورة
هين قرشك ولا تهين نفسك ووقتك
[justify]
يا باشا انت غلطت اكتر من غلطة
الاولى لما الظابط قالك تروح الكومسيون كنت دورت على حد في المرور وبالفلوس يغير لك التاشيرة وتعدي
ولما رحت الكومسيون بردو كنت شفت حد يخلص لك بالفلوس وكانوا هيطلعوك لائق لقيادة طيارة
لما تروح اماكن زي دي متدخلش على المسئول على طول سواء ظابط او دكتور
شوف امين الشرطة وشوف التمرجي هما دول الى هياخدوا الفلوس ويخلصوا لك كل حاجة
انا فعلا حاولت مع العسكري الى في المرور و قال لى مش هأدر وروح الكمسيون الموضوع هناك سهل لكن للاسف لما روحت كان كل الماوجودين كلهم بيكشفوا سواقين و الدكتور راح عمال يشتم فيهم فلما سألته لأها رخصه خاصة راح باعتني لمدير المستشفى و المدير ما عندوش أي تفاهم
و عايز أقولك أني اليوم لما نزلت من المكان الغريب دة لأيت العربيه مغبوطة خبطة في الرفرف تمام أولت كويس أنها ماتسرقتش:shine[1]:
أنا متشكر جدا على أهتمام حضرتك
ربنا يخليك شكرا على الدعوة ولك بمثل
بس موضوع هين قرشك
المشكلة انه سااعات بيبقى حرااااام (خصوصا لو مش همتحن خالص او كدة ) حتى لو انا عارف اني بسوق كويس واستحق الرخصة ، برضه شايف انى لازم امتحن عادى واستحمل البهدلة بتاعتهم والا يبقى حراام (على الاقل في موضوع الامتحان ده )
انما موضوع تسهيل الاجراءات بالفلوس ده مش عارف بصراحة
بس يكفى انها صفة سيئة وما بحبش اشوفها ومبحبش اشجع عليها
الحمد لله كوسه هاهاهاهاها
رحت الصبح الساعه 8 كده ودخلت الظابط قالى هات بطاقتك وبعدين قالى معاك عربيه قلتله اه وكنت رايح لوحدى بس الظابط كان عارف الواسطه يعنى بس فقالى هاتها رحت خارج بره وجبتها ودخلت بيها فقالى اطفيها
بعدين قالى دور تانى واطلع قدام خطوتين وارجع تانى رحت ضاحك وقلتلو والله بتتكلم بجد فقالى اه رحت عامل كده وبعدين قالى خلاص روح وتعالى الساعه 11 اتصور وخد الرخصه وامشى
رحت قايلو يعنى انا جاى من البيت لحد هنا ومش هاعرف اطلع العربيه خطوتين وارجعها قالى يمكن وقعدنا نضحك ورحت مشيت وانا ماشى لقيت واحد كان معايا فى درس استنيتو بره وانا واقف اتفرج على الناس اللى بتختبر والله بيعزبوهم لادا قديمة طالع عين اهليها والدواسات فيها بالحرب وطول اليوم تطفى منهم وحاجه صعبه واختبارات صينى بس وروحت وجيت فعلا اتصورت وخدتها فى 5 دقايق ومشيت
سبحان الله وده العادى من بنك مصر ههاهاهاهاها
مع انى بكره الكوسه والله كره العمى بس انا عارف ان مفيش كوسه يبقى لازم فلوس فقولت لا كده احسن هههه
نعم ومن غير فلوس (نفوذ)
ما امتحنتش كمبيوتر في واحد هناك امتحنلي وكنت شايفه بيحل غلط وبعد ما خلص لقيت النتيجة حاجة وخمسين% ولازم علشان تعيد الامتحان يكون بعد ثلاث شهور على الأقل فراح مقدم تاريخ الكمبيوتر وفي وسط الامتحان رجعه تاني :36_1_1[1]: وجابلي المرة دي حاجة وتسعين في المية، بس امتحنت السواقة عادي بس لو كنت سقطت فيه كانت هتطلع برضه .
i had to pay money after i went more than 2 years for like 4 times and everytime they make me fail without reason so eventually i had to pay money to get it
امتحنت من غير فلوس ولا واسطة في مرور الشروق واخدت الرخصة في أقل من ساعتين
نهر النيل لو كان صلصة مكنش يكفى الكوسة اللى فى مصر
طلعتها كوسة و كمان امتحنت بعربيتى و رخصة تالتة مش خاصة
في مصر / طبعا لازم كوسة
اول مرة سقطت وكنت دافع فلوس
تاني مرة واحد معرفة عضو مجلس شعب سابق
في السعودية / بدون واسطة رغم انها كانت متاحة بالنسبى لي
الامتحان اصعب سواء كان قيادة او كمبيوتر واجراءات اطول وتقييم اكثر دقة
اجمل ما في الموضوع ان الامتحان والتقييم كان على عربية كامري 2010
بس الميزة ان التأهيل والتعليم افضل ومن غير عك
انا الحمد لله طلعتها فى نفس اليوم من غير واسطة ولا كوسة ولا فلوس .. مرور حلوان من حوالى سنتين او تلاتة .. امتحنت اشارات كنت حافظها و الراجل مقدرش يفتح بقه يدوب كان بيشاور على الاشارة و انا اقوله بتاعه ايه و قبل ما اكمل ينقل على الى جمبها .. السواقة بقى الحمد لله كنت واثق من نفسى رغم انى امتحنت على عربية 127 و كنت اول مرة اشوفها او اسوقها قبل الامتحان ب 5 دقايق و انا بدخلها من بره بس الحمد لله
انا طلعت الرخصة بالكوسة سنة 2007 (بالرشوة يعنى ) وكنت مش بعرف اسوق اصلا كنت مطلعها عشان عايز اكتب فى الجواز سواق عشان كنت مسافر والفيزا جاية سواق ومرت الايام واتعلمت واحتجتها