تجربتى مع ضبط الكاربوراتير بالكمبيوتر ,,, وبعض الاسئله

**exact** · 22-11-2009 04:08 PM

المشاركة الأصلية كتبت بواسطة maka

معلش انا مش مصدق

وكمان لو فيه رصاص هيخبوا ليه حد هيرفع عليه قضية مثلا !!!

معاك مليون فالميه البنزين في مصر خالي من الرصاص تماما ووهو اللي قلب الآيه البنزين 80 كان زمان بييتحط له رصاص عشان يحسن خواصه بينما الباقي لأ الباشا اللي ظبط الكربراتير نصاب لاني مظبطه كده فالسويفت ومش بيعمل اي حاجة من دي عالبنزين 80

**reamoz** · 24-11-2009 11:20 AM

المشاركة الأصلية كتبت بواسطة jant

يعنى يا جماعه كل اللى ماشييين ببنزين 80 عربياتهم بتعمل كده؟

بتعمل إيه بقى علشان انا مفهمتش ايه (الركن) اللي بتقول عليه ده؟!

**jant** · 30-11-2009 04:42 AM

لما بتبطل العربيه بيبقى فى رجه جامده فى الموتور بسبب الكهرباء

**ahmedfd** · 30-11-2009 11:40 AM

المشاركة الأصلية كتبت بواسطة jant

لما بتبطل العربيه بيبقى فى رجه جامده فى الموتور بسبب الكهرباء

الظاهرة دي لو أنا فاهم كلامك صح هي Back Fire يعني إن العربية مبتبقاش عايزة تبطل و ده معناه إن يا إما الكهرباء مش مظبوطة (زيادة) أو يوجد ترسبات كربون على البساتم و دي بيتحطلها إضافات مع البنزين لتنظيفها بس بتاخد وقت.

**reamoz** · 01-12-2009 01:00 PM

المشاركة الأصلية كتبت بواسطة ahmedfd

الظاهرة دي لو أنا فاهم كلامك صح هي back fire يعني إن العربية مبتبقاش عايزة تبطل و ده معناه إن يا إما الكهرباء مش مظبوطة (زيادة) أو يوجد ترسبات كربون على البساتم و دي بيتحطلها إضافات مع البنزين لتنظيفها بس بتاخد وقت.

هو قصدة كدة فعلاً
الموضوع ده سببة يا إما الكهرباء عالية أو السلانسية عالي وعموما معظم العربيات فيها حاجة إسمها بك الكهرباء ودة المفروض إنة يمنع الحكاية دي حتى لو الكهرباء عالية أو السلانسيه عالي لأنة بيسد مجرى البنزين بمجرد ماتطفي الكونتاكت

إسأل لو عربيتك فيها البك دة يبقى غيره لأنه هيكون بايظ أو ملغي
لو مافيهاش يبقى تظبط الكهرباء كويس وتوطي السلانسيه شوية

ومؤقتاً لحد ماتشوف القصة دي لما يحصل معاك إبقى عشق رابع ودوس فرامل وبعدين سيب الدبرياج وإنت دايس على الفرامل علشان الموتور يبطل